يافخرنا بك يالازرق يا فخرنا بالهلالي .. يا عسى مجدك يدوم ويسعد اللي عاشقينهـ - نادي الهلال السعودي - شبكة الزعيم

النرجسية · #1 08/03/2008, 12:58 AM

{ الـسلام عليكم ..

أهلين بـ الزعماء في المجلس العام .. ومبرووووووكـ ألف مبروووكـ الفوز

بالبطولة.. ما شاءالله اليوم أبدعوا لاعـيبتنا بالمباراة من أول المباراة حتى النهاية ورده

وبمناسبة فوز الزعيم بالكأس , هذي أبيات من قصيدة لي

أهديها لكم

بمناسبة الفوز

صبر صبر أحم أحم

واصلـ(ـن)حد الشموخ وبالغـ(ـن) كل الكمالي .. ماكمال الا وجه الواحد اللي عابدينه
جابها والله وحقق كاس ماهو الا غالي .. كأس ابو خالد فلاعدمت ولا هانت يمينه
يمنى ابو متعب وجعله سالمـ(ـن) في كل حالي .. ماحلا كاسه فعيني الا مده ابيدينه
مدها سلمان واعلن ذا هدية للهلالي .. عارفينه عاشق الذهب ورنينه
اشتعل لاجاك يلعب عزمه يهد الجبالي .. مارضا جمهوره يرجع خايب بنفسـ(ـن) حزينه
الهلالي اللي وعدنا قال يالفرحه تعالي .. الوعد من بعد فوزي والعهد بتجددينه
نجد بس اللي بتسهر ليله عن كل الليالي .. الهلال اللي طربها اضوأ انوار المدينه
احتمال الفوز وشو مالغيرك احتمالي .. ياحلاة الخصم راجع وأنت والكاس الثمينه
كورتـ(ـن) دارت لي طرا فالبال فالي .. شاتها ياسر ويسلم ياعسى تسلم سنينه
والبرنس الليبي طارق غير الاول جاب تالي ..والبلنتي لو يعيده جايبينه جايبينه
ماهقيت الا البطوله وحدها هي ماطرالي .. نضمن الفوز بوجودك طبعك اللي عارفينه
خلها تشوفك خصومك ثمن ابطرح سؤالي .. ليش غيرك ماينوله مايطوله لو بعينه
الزعيم اللي وصلها واصلـ(ـن)حد العلالي .. الزعيم ولافي غيره في أصل نفسه دفينه
جابها من دعم واحد مايعرف الا الفعالي .. الله أكبر في عيون(ن)تنظره وحاسدينه
يافخرنا بك يالازرق يافخرنا بالهلالي .. ياعسى مجدك يدوم ويسعد اللي عاشقينه

وسـلامتكم .. يارب تعجبكم

/

مبروووكـ مرة ثانية على الفوز , وبـ إنتظار تعليقاتكم حول القصيدة !

لا تدققون .. أهم شيء تكون حلوة وتعجبكم غصب < واثقه,,

أنتظركم .. مع السلامة ورده

خاص : كنت بأنزلها في المنتدى الجمهور لكن ما قدرت ونزلتها هنا وأتمنى ما تدمجوا موضوعي مع موضوع القصايد المثبت في المجلس