|
في البداية ........ اعتقد ان هذا النوع من اصعب انواع الكتابه على الاطلاق ....... فعلا يا مغاط دكتور ماشاء الله عليك الله يعطيك العافية في بدنك ... والنشاط في قلمك تحياتي يا عضو الشرف المبطي اخخخخخخ |
ههههههههههههههههههههههههههههههههههههههههه والله وسعت صدري اصلا انا دايم لما اشوف اسم مغاط في اي مشاركه سواء رد او موضوع ادرعم له سيده (بس عاد لاتغتر خخخخخخخخخ) يسلموووووو عالموضوع التحفه وبالنسبه لمباراة بكرا ترى قلبي متطمن واحس براحه كبيره مواستهانه بالاتفاق بس ماادري عندي احساس ان الكاس لنا قول امين.......... |
حلو حقت الكندرة يومك مرسم بس احس ان ردة الفعل تغيرت ما تلاحظ .. تبي تقول وشلون طال عمرك طيب خلك معي الكندرة قدرت تروغ عنها وتصفق خويك مع انها تمشي سبعة آلاف لكن في نفس الوقت الكولا مع انها تمشي سبعمية الا انها عانقت جبهتك الكريمة ..!! شفت وشلون ... بس عرفت لا تعلمني .. يمكن الكندرة نزلت ردة الفعل نسبة هههه .. تحياتي لك ولمواضيعك الشيقة ..!! |
ههههههههههههههههههههههههههههههههههههه قسم بالله اخوي ماقد ضحكت زيي ماضحكت اليوم الله يعطيك الف عافيه على الموضوع الاكثر من رائع |
هههههههههههههههههههههههههههههههههههههههههههههههههههههههههههههههههههههههههههههههههه مير الله يوسع صدرك والله أن جوي بيض بس يوم قريت سالوفاتك مت ضحك وان شالله بكره تكمل ساعه الصدر ويعطيك العافيه شطحه : الحين ذا اللي يقول مشكور ويمشي وش يحسبه كل ذا عشان تزود مشاركاته وبسألك بالله وش قصه ذولي اللي اذا رد اول واحد تشوفه متشقق وحالته صعبه واللي يضحكني لا قال اول واحد وفيه واحدن قبله راد :) |
إقتباس:
تسلم والله على هالمتابعة .. وهالحضور القوي .. المواقف يا رجال ما تقضي .. مرة من المرات .. جلست بجنب واحد جايب عياله .. وكل المباراة وهو يعدّل في شماغه ومرازيمه !! وشوي يصك الغالوقة .. واذا احتـّر فكّها .. وعياله كاشخين ولابسين نفس الطقم .. من باب الفضول قلت ما شاء الله .. الله يخليهم لك .. قال امين .. بس هالمخرج موب مطلعنا الظاهر !! قلت وشلون موب مطلعكم !! طلع ابو الشباب (مخطط على تطليعة بالتلفزيون) وموااعد عائلتهم كلهم .. إنه بيطلع بالتلفزيون .. ومنسق مع اهله اذا شافوه بالتلفزيون بيدقون عليه ويعلمونه :d .. قلت ادع ربك لا تقنط من رحمة الله وباذن الله بتطلع !! والله إني حاس من تعابير وجهه إن المباراة في وادي وهو في وادي .. أجل هجمه مزعت العارضة مزع فكنا الله .. وهو يقرّب عياله لمّه .. ويضبط شعورهم .. واخذ له طله في الجوال ! يشوف كان فيه احد داق :d .. لدرجة يوم خلص الشوط الاول قام يدور هو وعياله .. ويتلفت قلت امش اجلس بس ما فيه تصوير بين الشوطين !! |
إقتباس:
الضحك علاج .. ومثله مثل أي علاج .. إن زادت الجرعة جاب الواحد العيد .. والموازنة زينه .. على طاري الموازنة : اذكر مرة مباراة الهلال والترجي نهائي البطولة العربية .. 1416 .. وديت أهلي لزواج .. وانطلقت للملعب !! بحياتي ما قد شفت مثل ذاك الحضور .. عجزت ألقى أخوياي ولا معي لا جوال ولا شي !! المهم ورطت .. والقى اثنين انحف واحد منهم كنه تيرسل كوبيه !! قلت لو سمحتوا ممكن أجلس !! قالوا محجوز .. قلت قديمة تراي اسويها مبطي !! ابتسموا .. وقال الدب الثاني خلاص تعال اجلس بس اذا جاء خوينا تقوم .. قلت زين .. وكان الجو كتمه وأضف على ذلك اني بين هالشقردية !! يعني اصلا الاكسجين خلقة ما فيه .. وشلون وانا حولهم !! ولا هونا الا هدف ابو يعقوب وترقيصات الكونكورد .. المهم يوم طلعت وأنا انسى وين انا ملبق فيه !! وأدوّر الموتر !! وأحوس .. اخذت لي لفة على الاستاد !! مشيت مشي لو اني في الحج .. كان ماشي ما يعادل النفرة الى مزدلفة ومنى ورجعه لعرفة مرة ثانية !! تدري وش اللي يصيّح في الموضوع !! كنت قاعدن ادور موتري !! ناسي اني جاي على جيب الوالد يومني أودي اهلي للعرس !! |
هههههههههههههههههههههههههههههههههه والله ذكرتني بمباراة الهلال والوحده الاماراتي كنت مسافر جو لان المسافة 1000 كيلو ووصلنا صباح الاربعاء يوم 14 رمضان ومن الصباح وحنا من قصة في قصة ومن موقف لاخر لكن في اقرب نهائي اسبق واحط الموضوع الموضوع هع طحياتي لك يا شنب |
الله يوسع صدرك بلخير اخوي ههههههههههههههههههههههههههههه موضوع رائع |
يالبــى قلبـــك يامغــاط ,,,:smilie47: :d ...الله يوســع صدرك بالعافيــة ...:d والله يابطني تمــزع من الضحك .. عليك تصـــوير رهيــب .. احس انــك تصلح تصير شــاعر .. :) <<< جــاري البحث عن جميع مواضيع مغاط وردوده :clapping: يامــال العافيه .. وان شاء الله البطوله هلاليه اليوم .. بإذن اللي ماتنام عينه .. |
إقتباس:
عاد قصص العطش والجوع حدّث ولا حرج .. اذكر مرة عطشااان بشكل موب طبيعي .. باقي شوي واقطع اوراق شجر واعلكهم نفس الضببه .. ومدري وشلون .. المهم وحنا نمر عند راعي بليله .. قالوا اللي معي نبي نجربها .. قلت يا جماعة الخير عطش وملعنة جدف .. والبليلة مالحة !! هي ناقصة !! قالوا لا الجداوية يضبطون البليلة .. قلت بكيفكم .. المهم وهم يشترون لي .. ونمشي وحنا ناكل كننا مبزرة قراوى .. المهم وكل ما للعطش يزود !! وزحمة !! وقروشة .. والبقالات اللي حول الاستاد صاكه .. المهم لقينا محطه فاتحة .. ونزل واحد يشتري لنا موية .. قلت أنا جب لي الدبة ام 4 ريال قال جاد؟! قلت تبي تجيب والا حولت !! و أنا اصب المويه في اثمي .. احس اني كاب موية على مقلى بيض توني طابخن به !! تسمع ذاك الصوت اللي يقول تسسسسسسسسس !! مع قوة العطش يوم رفعت راسي واثري شارب حول ربعها بجغمة .. قعدوا يناظروني العيال .. قلت الله يرحم امكم لا عاد تقترحون !! فنصيحة لا احد يشتري بليلة وهو عطشان <<---- والله من زين النصيحة .. |
الله يعطيك عافيه يا مغااط .. والله اني متوتور ومغترب و وراي اختبارات وجالس اتصفح المنتدى سريع عشان بطلع اذاكر بس شفت مشاركتك كل ما قريت سطر جبرتني على السطر اللي بعده ما دريت الا انا مخلص المشاركه كلها!! يا جعل بكره بعد جماهير الزعيم تخلص كل كراسي الاستاد مشكور يا بعدهم وبالتوفيق لزعيم |
من قريت العنوان ( عطسه في وجه التاريخ ) وانا داري ان الوضع فللللللللله وأدور خويي راعي الهايلوكس واثره منطلق يحيي الجمهور مع الجهه الثانية !! اللي يشوفه يقول هو اللي جايب التعادل .. ههههههههه |
إقتباس:
هلابك :d .. أنتم لو تخلون عنكم الحلوم وتحضرون تسان تغدون وش زينكم :d .. حياك الله ومنور يا بعدي .. على طاري القراشيع : اذكر مرة عام 1413 مباراة الهلال والشباب .. وأنا جايك للملعب وطاق الفروة .. وبيجامة صوف .. ومدبّل الشرابات .. ولابس طاقيتين .. اللي يشوفني يقول المباراة بـ(الاسكيمو) ..<-- القطب المتجمد المهم اني جالس بجنب واحد كنه اول مرة يشرب شاهي .. اتوقع الى الدقيقة 17 الشوط الاول شرب يجي (زمزمية شاهي) ما شاءالله عليه .. المهم شوي الا يوم جت هجمة . وأنا أقوم بشوف وش السالفة !! يوم جلست :( واحس ان فيه حرورة تحت :( يوم طليت واثر كاس الشاهي حق اللي جنبي انكبّ .. وأنا جلست عليه التفت عليه !! واثر الضعّيف مرتاع ..!! وفيه الصيحة !! قلت : ورا ما صقعتني بالكاس احسن !! قال والله موب قصدي !! المهم اني (رطست) بذيك المباراة !! وتعرفون فروة !! وبيجامة الصوف يبي لها (يومين) عشان تنشف !! وتبهذلت بذيك المباراة .. وكل ما طاحت عيني بعين اللي كاب علي الشاهي .. قال لي : والله اسف !! وأنا زودتنا كل شوي اناظره واقول لا حول ولا قوة الا بالله !! ابغاه يحس بتأنيب الضمير ولا عاد يتطيفق :d |
مغااااط الله يقطع ابليس سموك .. اتحفتنا بمواضيعك الشيقه ... لا عدمناك |
| الوقت المعتمد في المنتدى بتوقيت جرينتش +3.
الوقت الان » 08:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd