ابشر بإذن الله بحاول قد ما أقدر احضر المباراة ..
وحضوري أقل شي أقدمّه للزعيم ..

وهذي دعوة للكل !!
بكرة نبي نصير (صوت ما يهدا داخل الملعب ) !!

إلى اخر دقيقة باذن اللي ما تنام عينه ..

ونبي نلامس الذهب .. ونبي نجيبه لـ(بيته) !!

اللهم امين ..

0
0
0
0
تسلم اخوي ويسلم راسك والله قصص حلوووووووة 00 وياما بالملاعب بلاوي وحكاوي 0 بس التوت لحاله سالفة والله انك يامغاط باشا نكهة المنتدى وحلالالالالالاها الله لايحرمنا منك ومن خفت دمك ويسلموووو بانتظار الجديد 00والله يوفق زعيمنا 00

هلا راؤول منوّر يا بعدي ..
ابهدي لك هالموقف ..

اذكر في نهائي 1418 هـ .. وكنت خاش المباراة وأنا جوعان بمعنى كلمة جوعان .. وشينه أقول للي معي :وش رايكم نشتري جبن؟! .. والمباراة كانت حامية بقوة ..

كنت حاضر بالجهة اليمنى من الدرجة الاولى بالنسبة للمنصة .. وكل ما جيت اطلع اشتري .. جت هجمه ورجعت !! وكل ما طلعت مع باب سمعت الجمهور يزاعق ورجعت .. المهم تعديت ثلاث بوابات .. اخر الشوط اكتشفت لو ما فيه شبك كان خشيت على حقين الدرجة الثانية اللي ورا الحارس
والله يا جماعة ما حسيت بنفسي ابد ..
ومثل هالموقف صار لي بنهائي بطولة الخليج بين السعودية وقطر .. بس السعودية وقطر دخلت على حقين الدرجة الثانية صدق ولا ردني الا شبك المنصة الشمالية والا باغي اقلط عليهم .. :d

مغاط ياليتك حاضر مباراة شيميزو معنا في الدرجه الاولى


قسم بالله يا ذيك المباراه صارت حرب


تخيل نتفرج على المباراة بعلابينااا ههههههههه

يحلفون انا شفنا المباراة من الحرب الي صارت

مغير قنبله عن يمينك وعن يسارك

ويكملها كاس مويه بجبهك

ههههههههههههههههههههههههههههههههههههههههههههههههه

الله يوســــــــع صدرك مثل ماوسعــت صدورنا << والله من قــلب

مواضيعك وردودك تحـــفه :D



مسكـــين اللي ماعنــده مغــاط :D

بأذن الله بكره البطوله هلاليه يارب

من جد طرح راقي

وجميل موضوعك الترفيهي الي بحاجه له لكي يبعثر الابتسامات على جمهورنا العزيز ويبعد عنهم التوتر

وبصراحه تصلح اخصائي نفسي للاعبين هههههههههههههههههه

ماشاءالله عليك ونيس

الف عوافي لك اخي الكريم

تقبل مروري

ويا حبي لك .. ويا حبي لكل من قلط في هالموضوع ..

اذكر مرة كان جنبي في المدرجات شايب كبير بالعمر .. يعني اعطيه في الـ60 .. قلت له ما شاء الله عليك جاي وعاني للمعلب .. باذن الله تطلع مرفوع الراس ..

قال لي .. شرهتك على اللي يدري من بينه المباراة ؟! قلت أفا :d

اكتشفت اخر شي إن فيه (سحب على سيارة) .. وصار جاي عشانها !!

قلت له تبي شوري ؟! قال اكيد .. قلت دوّر لك (زول) واجلس جنبه .. لأن أخوانا السودانيين .. حظهم موب طبيعي !!

فالشايب صدقّ .. وقام ينادي له (زول) عمامته واصلة الدور الثاني .. وقام هالشايب يتحكحك به .. ويشتري له مويه ويسولف معه ..

والله يا جماعة ان الرقم اللي طلع للشايب .. صار (أزود من رقم اللي فاز) برقم !! :d

قلت له لو انك منضبط وجالسن بجنبه ساكت .. (جاك الرقم بالملّي) :d ..

لكن خل كرمك ينفعك ..

هلا بمغاط الوناسة :smilie47::smilie47::smilie47: وهذي عشان الموضوع الرزه :smilie47:

هذي وش معناها لاهنت تراني ماني عارف وش معناها . :d

من اللغة الى الجغرافيا صلبوخ هذي مدينة على ما أعتقد الحقني اذا كنت غلطان . :d وبعدين مالقيوا يسمونها إلا صلبوخ :d

بالعاميه مكرفس يعني كأن بقره مشغته بفمها على العموم تذكرني بمره ايام التطبيق في ثانوية الفتح بأبها تعرف الدوام 6.30 والشماغ مادري من لعب فيه واظطريت اداومه بس زين أني الحصة الأولى فاضي ورحت للكواي :)
بعد ماوقعت على دفتر الحضور لأن الكوايين مايفتحوا إلا سبعه وعلى بال مايجهز البخار خذلك نص ساعه . :d

يعني الحين كل ذا وناشب بخويك سعود متأكد إنك ماسويت مثله ....

ههههه اجل ذا لو سجل هدف بجد كيف بيصير وضعه .

ياعيني عين مندوب الولايات المتحده الأمريكية وسفير البرتغال على هالتصريف . وش دخل ذولي طيب ‘ اش دراني

وش رايك تصير عضو شرف بنادي حارتنا . بس بياكلون قريشاتك على الفاضي كل يوم يروحون بهزيمه خمسه وسته أهداف ومسوين فيها إدارة ومدرب ولاعبين :d

هههههههههههههه ياخي حرام عليك ضحكت عليه .

عشان كذا انا لارحت بأطفال معاي اعلمهم على نبذ التعصب ووأقول كلنا اندية تمثل الوطن . هذا ياطويل من الضعافه
بس تبي الصدق شكلك فله لو يموسرك انت وعيال اخوك .

ههههههههه لو انا مكانه بعرف اتسنع فيك وقتها وادبر رأسك زين . :razz:

تذكرني بهالموقف بهوشه طلابية في نفس المدرسة المذكوره آنفا تهاوشو مجموعه من الطلاب تقريبا سبعا انا ثوبي جديد والطلاب يأستاذ فك الهوشه وانا من بسالتي رح ناديت مدرس بالصف اللي جنبي قلتله الحق معاي الطلاب متهاوشين . ومن بعيد بعيد رست على عقالي اللي ضربت فية الطلاب وخويي المدرس ثوبه انشق من الجيب وطاح جواله ومحفظته وكل الأوراق اللي كانت بالجيب . ههههههه

ههههه لو انا شايفك بهالموقف كان وريتك شغلك كل مادب يدك ابصفق عليها واقولك بس ياولد .

عوافي عليك مغاط وسامحني ياخوك على التعليقات وبصراحه موضوعك فله مررره


بالنسبة لهذا

انا بتعامل معه بشكل نظامي فور انتهائي من الرد عليك ولاتشيل هم بالمره وبعدين انا مثلك انا اقص يدي اذا هذا قرا الموضوع . :)



اخوك : أبو عبدالله

قصص حلوة وطريفة وصاحبها احلى واطرف

تحياتي لك يالغالي

وانشاء الله بكرا قصة جديدة ومن هالنوعية

هههههههههههههههههههههههههههههههههه
الله يوسع صدرك بالعافيه
ويفرج همك وتوترك
مثل مافرجتها بموضوعك الخفيييييييف والمهضوم كتير
تسلم اخوي مغااااااااط
ياحبيلكم ياجمهور الزعيم
والله يوفق الهلااااااااااااااااااااااااال غدا

الله يـوسـع صـدرك مـثـل مـاوسـعـت صـدورنــا .. s60s