|
توضيح هام للي ينتقدون جماهير مدينة الرياض ..!! السلام عليكم ورجمه الله وبركاته ..!! في ناس بالمنتدى ينتقدون بكثرة جمهور الهلال بمدينه الرياض ..!! واكثر الي ينتقدون هم من خارج مدينة الرياض ,, واذا عرف السبب بطل العجب ..!! انا كنت اعيش قبل 3 سنوات في مدينة خارج الرياض وكنت اقول لو اعيش بالرياض ماراح تفوتني ولا مباراة ..!! بس انا الحين عايش بالرياض ومدينة الرياض كبيرة جدا جدا جدا + زحمه سيارات جدا الا مالا نهاية ..!! يعني باختصار يوم كنت انا عايش بالمدينه الي خارج الرياض وبالتحديد حفر الباطن كان ابعد مشوار هو مدينة القيصومه وماكان ياخذ مني وقت اكثر من ربع ساعه ..!! اما الان الوضع اختلف والله ماكذب عليكم مشوار ابو 10 كيلو ياخذ حول النصف ساعه اذا كان السير كويس بعد ..!! يعني مثلا انا بحي من احياء الجنوب وبروح لاستاد الملك فهد يبيلي عشان اقعد بكرسي الملعب 3 ساعات !! والله مابالغ خصوصا ان المباراة بوقت ذروة الزحمه يعني روحة ورجعه 6 ساعات ,, هذا غير الزحمه الجنونية الي بعد المباراة خاصه ان رجال المرور حفظهم الله يسكرون كل المنافذ والدوارات الي جنب الاستاد بعد المباريات واحيانا قبل المباريات المباريات ..!! وهذا كوم ومعاملة رجال الامن بالملعب كوم ثاني !! يعني مهوب معقوله يروح يومي كله عشان مباراة وحتى لو كانت مهمه مع احترامي راحتي اهم ..!! فاحكموا انتم اي اصح ,, اشاهد اللقاء بالتلفزيون ومايروح وقتي الا بساعتين على اكثر تقدير ولا يروح يومي كله عشان مباراة !!!! فالواحد يحكم عقله قبل ماينتقد وانا متأكد لو الي ينتقدون عايشين زحمه الرياض كان مايلوموننا ..!! |
الزحمه ميب عذر الله يصلحك ..يعني القاهره ميب زحمه و غيرها من دول شمال افريقيا..و شف الحضور عندهم..ما قلنا احضر كل مباراة..على الاقل المباريات المهمه بس.. الله يوفق الهلال |
إقتباس:
هم مايملون ملعبهم الا بنهائي كاس افريقيا ..!! اما الزحمه مهي بعذر فاقولك سلاماااااااااااات انا رجليني تورمت من السواقه بالزحمه خصوصا ان سيارتي قير عادي ..!! انصحك اذا جيت للرياض تمر الساعه 4 بطريق خريص وبتشوف بعينك ..!! |
اصنفك بمرتبة مشجع وليس عااشق .. هذا مهب عذر ..!! |
اخوي انت كذا كأنك تقول للجماهير اجلسوا في البيوت أريح لكم ياخي هذي الفتره حاسمه والحظور ضروري لو كان ياخذ من وقتك 10 ساعات لأنها مباريات معدوده ماراح تاخذ كل عمرك تبون تفرحون ببطوله ضحوا لهااا والبطوله مهرها غالي سواء على الاعبين أو حتى الجمهور مو تجلسون في بيوتكم وتنتظرون البطولات زيكم زي اللي مانيب قايل هالفتره هذي بس أضغطوا على انفسكم شـــوي لعيون الهلال لا احد يجيني ويقول علم نفسك .. انا الحمد لله ما أفوت ولا مباراه للهلال في الريــااض حتى لو كان عندي شغل أأجله |
الزحمه مهي عذر لو انت قايل الفلوس يمكن مع ذلك اني نتفائل بحظور الجماهير |
الزعيم الحين بحاجتنا لازم نوقف معاه ومثل ماقال اخوي احضر المباراة المهمة على الاقل |
يعني الزحمه عذر ...............!! أخي الكريم .. أبعد مكان تاخذه من الملعب اليه في نص ساعه كأقصى حــد ...!!! |
اخس يالي وقته ثمين!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟ |
إقتباس:
بس اعرف ناس واجد مايقدرون يحضرون لنفس السبب ..!! |
إقتباس:
ولا الوقت ماعندي مشاكل ,, بس تلقى احد يسوق عني بالزحمه :d |
إقتباس:
انا ساكن بغرب الرياض ..!! |
جمهور النصر كل يوم يحضر بكثافه ليه بس انتم جمهور مجاني .؟؟ |
لا تجيبون اعذار ملها داعي إذانك بلشان من الزحمه رح للملعب بدري وتنحل المشكله |
هههههههههههههههههههههههههههههههههههههه ياخي هلالي انت انا اقسم بالله اني طالب واحضر من المدينه المنوره كله لعيون الهلال عيب والله عيب |
| الوقت المعتمد في المنتدى بتوقيت جرينتش +3.
الوقت الان » 08:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd