خطة تذكرني ( بكل من ايدووه إيلووه ) وأطالب بإيقاف هذا العضو .. في حالة ...؟ - نادي الهلال السعودي - شبكة الزعيم

ابو طـــــلال · #1 27/02/2008, 01:29 AM

يامرحبمبم ........

أدري ان ردة الفعل عندكم ( إتششششششششش )

وكل واحد فاتح ( كبـــــوت ) خشمه .. يبي يبرد حرارة ( القهر ) على هالمستوى ... و ( الخسارة ) رغم التعادل

لكن تعتبر خسارة بطوله بالطريق

نقترب من خسارة البطولة الثانيه بخطوات ( مرسوومه ) وبخطط علميه ( مهروسه ) أو مدروسه !!

البلى وين معه ؟؟

المدرب فاشل مثلا ؟؟

لكن المدرب هو اللى يقول للاعبين .. خلو كوركم مقطوعه !!

معقوله المدرب قايل للاعبين خلكم جنب بعض ( تقول هوشه ) متلاصقين !!

على هالقرب بين اللاعبين والتلاصق .. كل واحد طاق سوالف مع خويه وتارك اللعب !! وين الربيعه يفصلهم ..

انتشار فاشل داخل الملعب ... ( رؤويه فنيه وتحليل شعبي ) مني .. ومن غير مفردات ملمعه ( ومزبرقه )

محمد بن فيصل ؟؟ كم مده بيستمر بالفريق >>>>>> سؤال غير بريء

إثنين .. اتمنى لهم التوفيق مع فرق اخرى غير الهلال ...

الغنام ......... المرشدي .. رغم انه بدع اليوم .. خصوصا بكلمة ( على الكوره ) وهو يتكلم مع الحكم

الهلال بيخسر كل بطولات الموسم .. رغم انه تواجد فيها وبقوه .. يعني على اخر المشوار يخسرها .. العاده ياسعاده ..

تعادلنا مع القادسيه وتقريبا بنخسر الدوري ... رغم وجود الأمل .. والامل بالله .. ونعم بالله

وتعادلنا اليوم مع الشباب .. وفي طريقنا لانتظار الأمل وترديده أكثر من وضع خطه وكسب اللقاء القادم

وعلى قولة عبد الله الرويشد ..... الغلط مش عيب ...... لكن عيب تكرار الغلط ؟!

حطوا حيلهم في جمهور الرياض ....... رغم مستويات الهلال الباهته .. إلأ انه يحضر وبقوه ..

أعيد وأكرر .. هزيمه مع مستوى جيد .. ابرك من فوز من دون مستوى ...

على الأقل مع المستوى وانت مهزوم يمديك تناقش .. وتدافع .. وتعطي اعذار لفريقك وتقول ماحالفنا الحظ ؟؟

لكن الحين وش نقول للناس ؟؟ خصوصا بكرا معزوم عند ( نصراويين )

ياشماتت ابلى طازه فيااا .. إخرررررررررررررررررررررس

ابو سلطان متنرفز اليوم .. ماالومه والله ....... بس مهيب بالعاده تظهر في هالشكل خصوصا ان الجميع اصبح يصطاد بالميه العكر .. امس تصريح فسروه على كيفهم .. اليوم وش يقولون عن النرفزه !!

المباراة القادمه مع الشباب ....... شكل .. ثاني ... ونتيجه غير ..... أعرف الهلال لانوى ( شر )

ولاجا وقت الجد ........ مالها إلا هلالها .....

بربسه الهلال ماتطول ... ولا يصحى إلا ببطولة ........ ( مع اعترافي ان الهلال يمر بحالة بربسه )

الصحوه بإذن الله بتكون مع الشباب .......

رغم اني ماارضى على جمهور الرياض اي كلام ..... لكن اتمنى حضور جمهور الزعيم في الرياض في المباراة القادمه ....... لاخذ ردة فعلكم بعد الفوز والتأهل بإذن الله ..

الشباب فريق كبير........... لعب بروح وحماس كبير ... فلما نتعادل مع نادي كبير مثل الشباب .. لانغتر ونزعل كثير .. ترى الشباب المفروض يرقعنا اليوم .. لأنه كبير .. وقوي .. وعنيد ..

لكن للهلال كلمــــــــــة في مباراة الرد ......... وإذا مافاز الهلال وتأهل اطالب بإيقاف عضويه ماجد مقبل ... وإعطاء الغريب إنذار ... وتغريم العضو ( الهاوي ) مبلغ وقدره

هع هع

بس علشان تدرون اني واثق من الفوز إن شاء الله ..

اخوكم الصغير ابو طلال

أنا احبكم >>>>>>>>>>>> اقول طس

وليد القحطاني · #2 27/02/2008, 01:32 AM

هلا ابو طلال

هاردلك التعادل اللي ماله داعي بصراحة , ,

وين ايامك يالمفرج وين ايامك يالصويلح

مسفر بررررررررررررررررررررره

الغنام ارجوك لاتلعب مرة ثانية

والله الهلال هالسنة غريب جداً

الله يوفق الزعيم

مشكور ابو طلال رده

ابو طـــــلال · #3 27/02/2008, 09:15 PM

إقتباس

الرسالة الأصلية كتبت بواسطة وليد القحطاني


	هلا ابو طلال هاردلك التعادل اللي ماله داعي بصراحة , , وين ايامك يالمفرج وين ايامك يالصويلح مسفر بررررررررررررررررررررره الغنام ارجوك لاتلعب مرة ثانية والله الهلال هالسنة غريب جداً الله يوفق الزعيم مشكور ابو طلال رده

الغنام نتمنى له التوفيق لكن خارج التشكيلة الهلاليه ....

الله يستر لايكون همنا الوحيد اصبح هو الفوز على الإتحاد .. والنصر .. وبس ..

شكرا لك وليد ... ( لحيمة حاشي )

ابركلك من الورده ( ترم عضمك )

سـيـف الـعـشـق · #4 27/02/2008, 01:35 AM

هـلا ومرحبـا اخوي

صدقت اغلبنا مرتفع ضغطه والمدرب مفروض يلعب بمهاجمين وبعزيز اساسي موب مباراة مثل كذا داخل بالكلثم وبيكحلها اعماها دخل فهد المباركـ وين مؤشر يرفع مؤشرنا بلمساته وتمريراته الحلوهـ

على العموم الفريق ماقدم شي باستثناء الشلهوب والمرشدي

وبصراحـه ياسر والتايب غابو اليوم وبيغيبون المباراة القادمه

املناا بشباب الزعيم يوم السبت

لاهنت يابوطلال

ابو طـــــلال · #5 27/02/2008, 11:15 PM

إقتباس

الرسالة الأصلية كتبت بواسطة سـيـف الـعـشـق


	هـلا ومرحبـا اخوي صدقت اغلبنا مرتفع ضغطه والمدرب مفروض يلعب بمهاجمين وبعزيز اساسي موب مباراة مثل كذا داخل بالكلثم وبيكحلها اعماها دخل فهد المباركـ وين مؤشر يرفع مؤشرنا بلمساته وتمريراته الحلوهـ على العموم الفريق ماقدم شي باستثناء الشلهوب والمرشدي وبصراحـه ياسر والتايب غابو اليوم وبيغيبون المباراة القادمه املناا بشباب الزعيم يوم السبت لاهنت يابوطلال

شكرا لك اخوي ... وربي يسعدك

=================

إقتباس

الرسالة الأصلية كتبت بواسطة ياسر الأسيوي 20


	اقول يازينك ساكت .. قال معزووم عند نصراوويين قال ..>> قم قم الظاهر انك معزوم عند هلالليين .. وانت اللي عازمهم >>> افهمها يافهيم

وش فيك ؟؟ مو مصدق ؟؟ ترى فيه نصراويين يعزمون عادي !!

بس شلون معزوم عند هلاليين .. وانا اللى عازمهم ؟؟

تشتكي من حالة انخباص وتليف بالفهم .. وانسداد مجاري الذكاء .. مع وجود خلل في التعبير ... شلولخ

===================

إقتباس

الرسالة الأصلية كتبت بواسطة حياتي زرقاء


	جا وقت اثبات ان الهلال بدون طارق وياسر هو الهلال.... يارب نثبت للجميع ان الزعيم بمن حضر ...

فعلا اخوي ... الزعيم بمن حضر .. والشواهد كثيره

مع احترامنا للكباتن المذكورة اسمائهم طبعاً
شكرا لحضورك الرائع

====================

إقتباس

الرسالة الأصلية كتبت بواسطة المحيط الهلالي


	يخووووووووووووووووووووأن تونا باقي مبارة رفعتوا ظغطي واحد ططب ليلو واحد يخوان كوزمين كسب جولة أرهق الشباب والمبارة أحكموا بلاش تفلسفون علينا

اوكي >>>>>>>> ^^^^ عليّا النعمه الواد ده بيتكلم صصصصصح

======================

إقتباس

الرسالة الأصلية كتبت بواسطة midoooo


	والله كلامك واقعي وحقيقي والصراحه جبتها على الجرح وكنك دريت ( مادريت لأ) بس كنا راح ننرقع وبقوه بس المدرب سوى تغيير طيب بإخراج الدلخ مسفر وربي اغلب كوره مقطوعه وكل الهجمات من جيهته والمدرب مدري ليه ملعبه اساسي مع انه توه جديد وحرام فيه يمسك كور خلف الدعيع بس على الله

إن شاء الله الوضع مختلف في المباراة القادمة ... ونحتفل بالفوز والتأهل

شكرا لك

لي عودة ...

ياسر الأسيوي 20 · #6 27/02/2008, 01:36 AM

اقول يازينك ساكت ..

قال معزووم عند نصراوويين قال ..>>

قم قم الظاهر انك معزوم عند هلالليين .. وانت اللي عازمهم >>> افهمها يافهيم

حياتي زرقاء · #7 27/02/2008, 01:39 AM

جا وقت اثبات ان الهلال بدون طارق وياسر هو الهلال....

يارب نثبت للجميع ان الزعيم بمن حضر ...

المحيط الهلالي · #8 27/02/2008, 01:39 AM

يخووووووووووووووووووووأن تونا باقي مبارة رفعتوا ظغطي واحد ططب ليلو واحد يخوان كوزمين كسب جولة أرهق الشباب والمبارة أحكموا بلاش تفلسفون علينا

midoooo · #9 27/02/2008, 01:40 AM

والله كلامك واقعي وحقيقي

والصراحه جبتها على الجرح وكنك دريت ( مادريت لأ)
بس كنا راح ننرقع وبقوه

بس المدرب سوى تغيير طيب بإخراج الدلخ مسفر
وربي اغلب كوره مقطوعه وكل الهجمات من جيهته
والمدرب مدري ليه ملعبه اساسي مع انه توه جديد وحرام فيه يمسك كور خلف الدعيع
بس على الله

احساس مجنون · #10 27/02/2008, 01:44 AM

الله يسمع منك ,,

يعطيك العافيه

وماقصرت

ابو طـــــلال · #11 28/02/2008, 12:58 AM

إقتباس

الرسالة الأصلية كتبت بواسطة احساس مجنون


	الله يسمع منك ,, يعطيك العافيه وماقصرت

الله يعافيك .. شكرا لك اخوي

==================

إقتباس

الرسالة الأصلية كتبت بواسطة المدافع الصلب


	والله الغنام غلطة اللي جابه عندنا محاورهـ..وش كثرهم تجيب لنا واحد مثقل علينا علشان يحضر التدريبات ومطيع لمدربين وكل من يتامر عليه يا اخوووووووان افهمو نبي المدرب يلملم عفشه من يوم الجمعه اذا سوا مثل هالمباراة اللي تفشل والله شي مخزي بالله هذا مدرب يوصلنا للبطولات للاسف مدرب ما يدري وين الله حاطه فيه التايب والغامدي<<اليوم يبي لكم بوش اب وهروله على الدائري وترجعون النادي مشي علشان ما تسوون اخلاق الشوارع معصبين وشايلين هم الدنيا ويا لبى قلب خالد عزيز من اشووفه يلعب اقوول ارتاح يا دعيع ويا ياسر افرح جاك من يسلمك الكورهـ..ومن دووون بزوطـــه....

شكرا لك ولتعليقك اخوي

===================

إقتباس

الرسالة الأصلية كتبت بواسطة ابووليد2002


	معليش اخوي ابوطلال .... المدرب يتحمل مسئولية كبيرة عن هبوط مستوى الفريق....... مثلا مثلما ذكر الكاتب عبدالكريم الجاسر بالجزيرة اليوم ان الفريق لايتمرن في الصباح ........؟؟؟ وهذا مما افقد الفريق اللياقة وهبوط المستوى. المدرب يتحمل تشكليته الخطأ.........كل مباراة يلعب بتشكيلة ثابته من دون الشلهوب ماعدا اليوم ليش لعب فيه هل ارضاء للجماهير ...والاعلام.......!!! ووخوفا من الاقالة... مع ان الشلهوب لايصلح ضد لعب الشباب العنيف وشاهدن الشلهوب كم مرة يسقط في الشوط الاول ويتفادى التحامات اظهرة الشباب العنيفة خصوصا الظهير الايمن الكابتن .............!!! خروج عبدالعزيز الكلثم ........... بسرعة لماذا.....!!! كله عشان ماناول ياسرفي الشوط الاول عند الدقيقة 24 اظن رغم ان اللاعب كان مستواه معقول..... (يمكن المدرب له رأي اخر) طيب ليش يشركه مااشرك ليلو المفروض اشراك ليلو بعد خروج الكلثم لانه مشاغب وسريع وينفع جداً ضد الشباب لان دفاع الشباب ضعيف وقوة الشباب في وسطه. تباعد اللاعبين عن بعضهم بسبب المدرب وتوزيعه لهم في الملعب اخطأ في التمرير سببه اللاعبون. عدم وجود منهجية واضحه للاعب وعدم استغلال الهجمات المرتدة والكرات الحره الثابته . عدم ابلاغ اللاعبين بالتسديد من خارج منطقة الجزاء عدم استغلال كثرة الاخطاء والضربات الركنية وضرورة وجود طريقة افضل من عكس الكرات عدم استغلال دور الاظهرة مثلا شاهدنا سعد الذياب من كرة وحدة معكوسه صح كادت ان تكون هدف التباعد الواضح بين الدفاع والهجوم حيث ان وسط الشباب عزل ياسر القحطاني عن التائب والشلهوب (غائب عن المبارة) بدرجة ان حسن معاذ انطلق بعدة كرات وكانت خطيرة وهدد مرمى الهلال باكثر من كرة شكرا لك اخي واتمنى ان يكون بدلاء الهلال القادمون (احمد الفريدي بديل التائب، وليلو بديل القحطاني/ والعبدالسلام بديل مسفر / او يلعب الخثران يمين وسعد الذياب في اليسار) وجهة نظر وان شاء الله يفوز الهلال............علما بان المبدع احمد الفريدي((((( اسمه احمد زيدان)))))) يستاهل

اخوي .. يسعدني حضورك وتعليقك الواعي ... ومهما إختلافنا .. الإختلاف وارد .. وكله عن محبة وعتب ودهشه لمستوى لم نعهده في الهلال .. الخلل من وجهة نظري تختلف من وجهة نظرك ..

اكرر شكري لك اخوي

=====================

إقتباس

الرسالة الأصلية كتبت بواسطة تحسي بيا


	صدقــني الــعله في لاعبيــنا وفي الادارة ( التي هي قليلة الخبـره ) ... والمدرب سوى اللي عليه تقريبـاً واعتقد ذلك بسبب ضغط المبارايات للإطاحه بالزعيم ..

نفسها الإدارة قليلة الخبرة جابت اربع بطولات في موسم واحد !!

إذن هنالك علة اخرى خفية !! وعلة ظاهره .. وعله نعلق فيها الخيبه .. وغالبا بيكون المدرب ضحيتها

شكرا لك

=====================

إقتباس

الرسالة الأصلية كتبت بواسطة الكبيتانو


	الله يعيييين والله احس انهااا بتجي نتيجة تاريخيييه للشباب ..!! اله يستر بس .....والله يعيين ذالمدرب وربي كرهته كره ااااااااه بس

إن جت تاريخيه فهي من الشباب ... وهذا حال الكوره .. يعني توقع كل شي

بس مثل ماقلت لكم في نهاية الموضوع .. الهلال بيسوي شي .. وعادات الهلال يخمبدز ويظهر بقوه .. إلا عاد إذا خذلني وكمل ( خمبدزته )

شكرا لك

لي عودة بإذن الله .,,,,

المدافع الصلب · #12 27/02/2008, 01:45 AM

والله الغنام غلطة اللي جابه عندنا محاورهـ..وش كثرهم تجيب لنا واحد مثقل علينا علشان يحضر التدريبات ومطيع لمدربين وكل من يتامر عليه

يا اخوووووووان افهمو نبي المدرب يلملم عفشه من يوم الجمعه اذا سوا مثل هالمباراة اللي تفشل والله شي مخزي بالله هذا مدرب يوصلنا للبطولات للاسف مدرب ما يدري وين الله حاطه فيه التايب والغامدي<<اليوم يبي لكم بوش اب وهروله على الدائري وترجعون النادي مشي علشان ما تسوون اخلاق الشوارع معصبين وشايلين هم الدنيا ويا لبى قلب خالد عزيز من اشووفه يلعب اقوول ارتاح يا دعيع ويا ياسر افرح جاك من يسلمك الكورهـ..ومن دووون بزوطـــه....

ابووليد2002 · #13 27/02/2008, 01:49 AM

معليش اخوي ابوطلال ....

المدرب يتحمل مسئولية كبيرة عن هبوط مستوى الفريق....... مثلا مثلما ذكر الكاتب عبدالكريم الجاسر بالجزيرة اليوم ان الفريق لايتمرن في الصباح ........؟؟؟ وهذا مما افقد الفريق اللياقة وهبوط المستوى.

المدرب يتحمل تشكليته الخطأ.........كل مباراة يلعب بتشكيلة ثابته من دون الشلهوب ماعدا اليوم ليش لعب فيه
هل ارضاء للجماهير ...والاعلام.......!!! ووخوفا من الاقالة... مع ان الشلهوب لايصلح ضد لعب الشباب العنيف
وشاهدن الشلهوب كم مرة يسقط في الشوط الاول ويتفادى التحامات اظهرة الشباب العنيفة خصوصا الظهير الايمن
الكابتن .............!!!

خروج عبدالعزيز الكلثم ........... بسرعة لماذا.....!!! كله عشان ماناول ياسرفي الشوط الاول عند الدقيقة 24 اظن
رغم ان اللاعب كان مستواه معقول..... (يمكن المدرب له رأي اخر) طيب ليش يشركه مااشرك ليلو

المفروض اشراك ليلو بعد خروج الكلثم لانه مشاغب وسريع وينفع جداً ضد الشباب لان دفاع الشباب ضعيف
وقوة الشباب في وسطه.

تباعد اللاعبين عن بعضهم بسبب المدرب وتوزيعه لهم في الملعب
اخطأ في التمرير سببه اللاعبون.
عدم وجود منهجية واضحه للاعب وعدم استغلال الهجمات المرتدة والكرات الحره الثابته .
عدم ابلاغ اللاعبين بالتسديد من خارج منطقة الجزاء
عدم استغلال كثرة الاخطاء والضربات الركنية وضرورة وجود طريقة افضل من عكس الكرات
عدم استغلال دور الاظهرة مثلا شاهدنا سعد الذياب من كرة وحدة معكوسه صح كادت ان تكون هدف
التباعد الواضح بين الدفاع والهجوم حيث ان وسط الشباب عزل ياسر القحطاني عن التائب والشلهوب (غائب عن المبارة) بدرجة ان حسن معاذ انطلق بعدة كرات وكانت خطيرة وهدد مرمى الهلال باكثر من كرة

شكرا لك اخي واتمنى ان يكون بدلاء الهلال القادمون (احمد الفريدي بديل التائب، وليلو بديل القحطاني/ والعبدالسلام بديل مسفر / او يلعب الخثران يمين وسعد الذياب في اليسار)

وجهة نظر وان شاء الله يفوز الهلال............علما بان المبدع احمد الفريدي((((( اسمه احمد زيدان)))))) يستاهل

تحسي بيا · #14 27/02/2008, 02:08 AM

صدقــني الــعله في لاعبيــنا وفي الادارة ( التي هي قليلة الخبـره ) ... والمدرب سوى اللي عليه تقريبـاً واعتقد ذلك بسبب ضغط المبارايات للإطاحه بالزعيم ..

الكبيتانو · #15 27/02/2008, 02:16 AM

الله يعيييين
والله احس انهااا بتجي نتيجة تاريخيييه للشباب ..!!
اله يستر بس .....والله يعيين ذالمدرب وربي كرهته كره ااااااااه بس