|
عاجل ولأهل الخبرة في لعبة الويننق إليفن (بيس) ناوي شراء ps3 أو xpox ولا أدري ماذا أشتري أفيدونا بسم الله الرحمن الرحيم الأخوه اهل الخبرة في لعبة الويننق إليفن أو البيس2008 سؤالي أنا مدمن كورة أحب ألعب ألعاب غيرها بس الكورة عندي تأخذ جل وقتي حلوه جل وقتي ههههههههه :d المهم تكفون أفيدوني وين الأنسب لهذه اللعبة البلايستشين ثري أو الإكس بوكس لأني محتار كل مادخلت على موضوع الفرق بينها ألقى هذا يمدح وهذا يمدح وهذا يسب وهذا يسب:bigeek: فصرت في حيرة من أمري والموضوع يبغاله ميزانية محرزة يعني أكثر من ألف ونص تروح على الفاضي :upset: أمر مكلف جداً بالنسبه لي ثانياً أريد أسعار الجهازين الأنسب وأنا أيضاً من النوع الذي لا يحب يلعب أون لاين وإذا حصل خير وبركه:razz: الالعاب التي أفضلها الويننق إليفن (بيس) في المرتبه الأولى بدون منازع أخذت الدوري من بدري هههههههه العاب القتال الجوي بالطائرات مثل أي سي كومبات والعاب القتال بالمدرعات يعني أحس اني جينرال ركن أما هالو وطقتها ما اطيقها ولا ألعبها لو في بلايستيشن الفين وخمسين أفيدوني ولكم مني كل الدعاء بالخير |
شف اخوي السوني به عيب اه مانزل كوبي والشريط الاصلي من 150 الى 300 ريال واللعب كووره به قوي والايف مفتوح ... والسوني بوجه عام BOX360 من وجهت نضري اما XBOX360 فانه الميزه اللي به ان نازله كوبي والشريط بين 20 ريال الى 30 ريال . بس العيب ان الايف به بفلوووس واذا استخدمت الشريط واجد (الكوبي - المنسوخ) يعطونك باند بعدين ما تدخل مره ثانيه .. ارجوا اني افدتك .. |
إقتباس:
بس بقي علي إني أفهم لعب الكورة أفضل بأي جهاز أم إنها متساوية لأني وصلني معلومات ان شريط البلايستيشن ثري إسمه بلو راي يعني يحمل لعبه ممكن حجمها اربعين قيقا أما الإكس بكس فباقي على الدي في دي وحجمه إلى إربعه ونص قيقا يعني فيه فرق بس يوم أدخل اليوتيوب أشوف اللعب ألاقيه نفسه قلت يالولد لا يكون اللي منزل الفيديو غلطان وش السالفه؟؟؟ ثانياً إللي لعب لعبه هنا وهنا وهي كثيره مثل الكورة بأنواعها فيفا وبيس ألفين وثمانية وكذلك سماك داون قراند توريزمو المهم فيه ألعاب كثير كثير والزبده هل اللي على الإكس بكس نفسها اللي على البلايستيشن ثري اقصد نفس المراحل نفس التطور نفس الرسوم نفس كل شيء أم إن فيه فرق كبير هذي تفرق معي وكذلك السعر ضروري ضروري |
افضل طبعا الاكس بوكس 360 السوني يوم نزل الكوره بيس عليه اول مانزل كان الشريط شوف عيني ب450 رياال اما الاكس بوكس اول مانزل ب15 ريال شف الفرق وانا من محششين وينج اليفن على السوني 2 بس بعد مالعبت فيفا 2008 على الاكس بوكس تغيرت وجهة نظري للكوره مع اني اذا لعبة فيفا 2007 يصدع راسي من البياخه وشريط بيس 2008 ماتقدر تلعب فيها بالايف لا الاكس بوكس ولا السوني3 علشان في مشكله من نفس شركة كونامي واذا لعبة يكون فيها لاق خرافي |
إقتباس:
لكن ؟؟؟ وما أدراك ما لكن طريقة لعبة الكورة على الإكس بوكس ويدها اللي ماتعودنا عليها هل بكل سهولة تتعود عليها؟؟؟؟ ثانياً حنا متعودين على مهارات البلايستيشن تو ========> الأخ محترف خصوصاً في الفاولات فهل فيه أر ون وأر تو وليفت ون وليفت تو تخبر هذي مهمة في المهارات وإلا مايضبط التسحيب؟؟ أتمنى أن تفيدوني خصوصاً بهذه النقطة لأنها تفرق إذا كان فيه صعوبة في التحكم في الإكس بوكس فوالله لو إنه بميتين ما شريته :nono: إما إن كان سهل وفيه مميزات البلايستيشن تو وطريقة لعبة الكورة فهذا أفضل تكفون ردوا علي وقريباً أبلغكم إني طقيت واحد من الجهازين s60s |
أخوي افضل خدمة لايف الاكس بوكس لا يغرك انها بفلوس كلها 200 ريال سنويا 15 ريال شهريا لو خيروك بين القناة الرياضية الي بدون اشتراك ولا شي او الي ار تي وش بتختار ؟؟ مايبيلها شي الاكس بوكس افضل بكثير والاون لاين اسهل والخدمة مرتبه بقوة ..ولا انسى اقولك لو تلعب اكس بوكس 360 بتلقا العرب في وبالخصوص السعودية دبل اضعاف الي يلعبون الاون لاين في البلايستيشن 3 الى ممكن 5 مرات وأكثر الايف في الاكس بوكس لا توجد مقارنة حاليا الاكس بوكس 360 باع 18 مليون جهاز وهو له سنتين من يوم نزل اما البلايستيشن 3 باع 8 ملاييين جهاز وهو له سنة وتقريبا اربع شهور وترا عندي بلايستيشن 3 اقسم بالله راميه في الدولاب له اكثر من ست شهور ..مغبر مره |
إقتباس:
الحين فيفا 2008 متعه من دون حدود هههههههه اذا تبي تتحدى هذا الجيمر تاق حقي FAISAL 14 إقتباس:
واذا شريت اكس بوكس اشتر فيفا 2008 او وينق اليفين 2007 اما نصيحة لاتشتري وينق اليفين 2008 لانه بصراحه باااااااايخ مره اما فيفا الاطقم صحيحه والاعبين واقيعين مره واسامي الاعبين صحيحه |
طيب أون لاين أفضل ممكن تقول لي كيف أشترك بميتين ماهي مشكلة بس كيييييييييف؟؟ ثانياً أنا ناوي آخذ جهاز كوبي اللي اسمه كور سيستم فهل يشغل الأصلي عشان ألعب لايف؟؟ وكيف اشبك الأكس بوكس بالنت ماني فاهم ولا شيء؟ على الصفر أخوك أنا بصراحة متعود على مباريات تكسير الروس المحلية ههههههه أما أون لاين أنا عندي النت 1ميقا يعني ماعندي مشاكل في السرعة بس المشكلة كيف التشبيك لازم كيبل خاص أو كيف اريدها بالتفصيل |
|
لا تدور غير الـ xbox 360 أفضل بمليون مره من الـ ps3 ............................................................................. |
إقتباس:
ماقصرت أخوي والله يعطيك العافية قررت وبمشيئة الله شراء الكور سيستم ماني حق لايف أنا رجال دورني عند تكسير الروس المحلي وكذلك عند الماستر ليق وإن كان فيه لعبة قتال طبيعي وأقصد بالطبيعي أني لا أحب هالو لأني أحس إنها خيالية وأنا أحب الواقعية حتى في الألعاب أشكر الجميع |
إقتباس:
طاقينه طاقينه الله لا يعوق بشر واللي يتحداني يقابل راس براس هههههههههههههههه مهايطي كبير أما من ورا الشاشة مايصلح وشكراً على النصيحة |
بصراحه البلايستيشن افضل بكثير الحين ليش اكس بوكس حطو الاون لاين بفلوس؟؟؟؟؟؟؟؟؟ ههههههههههههه يعني لو البلايستيشن نقول يمكن اما اكس بوكس طلع بعد البلايستيشن وحطو الاون لاين فلوس الحمدلله بس :D |
انصحك بالاكس بوكس يارجال ماحنا طايحين على كنز حتى اشتري اللعبه الاصليه ب 300 ريال وفي الاخير تطلع مثل وجيههم |
عندي الاكس بوكس صراحه العابه ما تقارن بالسوني الاكس بوكس خطييير غير كذا الويننج اساسا رايحه فيها بقوه بالسوني والاكس بوكس مافي غير فيفا بطله بطله بطله والي يقول اللايف بفلوس تراك من دافع الا 115 بالسنه |
| الوقت المعتمد في المنتدى بتوقيت جرينتش +3.
الوقت الان » 02:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd