تبي الصراحه يابو طــلال انا مبسوط من التعاادل اللي بطعم الفوز
قسم بالله على هذا المستوى والضغط الشبابي حمدت ربي ان المباراه انتهت تعادل وارتحت نفسيا بعد الصافره

مستوى الهلال كان سيئ ولا تغتر يابوسعيد بالهجمتين اللي قلت عنها اهداف الا شوي
لأن مستوى الفريق بشكل عام غير مرضي

انا استغرب من لاعبين الهلال اللي لعبوا أغلبه لاعبين منتخب والجمهور في الملعب أكثره هلالي
طيب وش ناقصكم يانجوم المنتخب ؟ ليه الشباب كان أخطـر ؟

والله الشباب ضيع فوز ثمين والحمد لله ان المباراه انتهت تعادل

أن شاء الله الاعبين يصحون المباراه القادمه لأنها مصيريه

عندي تعليق بسيط بشأن الجمهور فقط

الظاهر انك ماتشوف اوروبا كيف يعتمدون على الجمهور والا ماقلت كذا

لو ان الحضور الجماهيري كبير كان شفت أداء افضل

ولو فرضنا ان اللاعبين اداءهم باهت الا يشكل الحضور الجماهيري الباهت جزء من ذلك ..؟

بالنسبه للمدرب أقولها للمره المليون مدرب خواف ولو لعب بمهاجمين كان فزنا

بعد توفيق الله .. المدرب مركز على الدفاع أكثر من الهجوم

كيف تبي نسجل ونفوز ..؟؟

لاتقولي باقدام المدافعين !!


وكل الشكر لك على الطرح

إقتباس الرسالة الأصلية كتبت بواسطة تشتآق عندي تعليق بسيط بشأن الجمهور فقط الظاهر انك ماتشوف اوروبا كيف يعتمدون على الجمهور والا ماقلت كذا لو ان الحضور الجماهيري كبير كان شفت أداء افضل ولو فرضنا ان اللاعبين اداءهم باهت الا يشكل الحضور الجماهيري الباهت جزء من ذلك ..؟

المشكله نشوف أوروبا ومانشوف الشباب البارح !! الشباب قدم مستوى مايقدمه اكبر نادي جماهيري بالمملكه .. وكلنا نعرف قلة عدد جمهور الشباب ...
وعلى رأي الناقد الكبير .. عبد الباسط بسطاويسي : من فمك ادينك شف الشباب ومستواهم .. ولاتناظر لأوروبا وتبعد بعيد ..

شــــــكرا للجميع على ردودهم وحضورهم ...

لي عودة ...

إن كتب الله ورجعت .. ارجع مع تعليقاتكم .. وأحللكم .. وابيحكم >> اخس ياأبو طلال الشتالي

وإن مارجعت ... الأمارية الغفله .. هماه ؟؟ شــكرا

وأنا احبــــــــــكم >> ورى ماتنقلع

اول شــي الي زاد نرفزتي امس تصريح الرئيس

الي مايدري وش عواقب هذا التصريح تحطيم في تحطيم في الاعبين

حتى ياسر يوم قاله المذيع ان محمد بن فيصل قال كذا وكذا تغير وجهه وقال وجهة نظر

ثاني شي ياسر امس طالع يصرح ويضحك يعني مايدري انه موب لاعب المباراة الجاية

...........,
آآآآآه يالزعـــــــــــيم
..........,

الله يوفق الهلال للفوز بالمباراة القادمة
المدرب ما قصر
وبالتوفيق للزعيم

املناا بشباب الزعيم يوم السبت
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,

الله يعطيك العافيه ع الموضوع


ونتمنى يلعب احمد الفريدي بدل طارق التايب


او عبدالعزيز الدوسري لان اذا ما اخذ الفرصه


اللحين متى ياخذها