|
في أسوأ مباراة هذا الموسم ...كوزمين يؤكد فشله + المفرج تصدق لك فقدة + جمهور يفشل السلام عليكم انتهت المباراة اللي صراحة تفاجأت ... في الشوط الأول ما كنت أعرف مين اللي يلعب هل هو الهلال أم فريق آخر !!!! قلنا معليش راح يحسمها كوزمين في الشوط الثاني في الشوط الثاني وفي وقت كنت كنا ننتظر فيه ليلو لتفعيل المنطقة اليمنى نتفاجأ بدخول سعد الذياب !!!!! مدري كيف يفكر هذا الداااهية !! ودفاعنا اليوم مو ماسكه غير تفاريس .. هذا تفاريس كتلة من الروح ( ماشاء الله ) لو يوزع شويه بس شوية من روحه للعيبة خرجنا بنتيجة مرضية .. نجي للمرشدي هل هذا فعلاً يمثل نادي الهلال .. لاعب أقل من عااادي بل وسيء :upset: .. تمريرات خاطئة .. ومافي تجانس مع تفاريس .. والله والله لك فقدة يالمفرج .. ------------ أما الجمهور شيء يفشل .. مباراة في نصف النهائي ومع فريق مثل الشباب نتفاجأ بعدد قلييييييل .. وجدت مواضيع قبل المباراة تنقد جمهور الرياض .. وردود ذات منة من قبل جمهور الرياض يتغنون بمباريات سابقة وحنا وحنا .. طيب وينكم اليوم ؟؟؟ -------------- تابعت المباراة على ( الخشبية ) لأول مرة أطلق هذا المصطلح .. كنت أظنها بتطور وكنت أظنها بتصير ويييين .. وكنت أظن وأظن .. وخابت ظنوني .. اخراج فاشل .. معلق معلق وش أقول بس ... تكفى يالجابر والله والله بتسوي فينا خييير لو استقلت .. ماراح أقول إقالة لأنه يبدو أن الادارة راضية فيه .. ----------- عمومأ .... مباراة سيئة من الطرفين .. ضاعت علينا فرص .. لكن وليد قعد لنا .. مباراة الاياب تخوف حقيقة ... لا ياسر ولا تايب ولا مسفر للايقاف ... فلذلك الوضع مش ولابد .. حظوظنا بدت تقل .. ولكن راح تكون الكلمة للجمهوووووووووووور ... ------------ تحيــــــــاتي سعودي أصيل |
اليوم كووزمن فاااشل معلم الشورما فااشل والمفرج اذكر الجمهور يسبونه ولحين تفقدونه والله انكم غريبين احلا التحيا دحوم |
ماعرفنالكم تبون ليلو بعد السب الي سبيتوه بمباراه القادسيه ؟؟ يالله الحين شوفوا جمهور الهلال الي كلهم مدربين المفروض يطلع فلان ويدخل فلان ووو طيب بسألكم ليه ماحضرتوا المباراه .؟ بالله أي واحد من الرياض ولا حضر المباراه يسكر فمه ويجلس يتفرج ع المنتدى والمواضيع زي ماتفرج على المباراه |
المدرب لايلااااااااام ,, اللوم على الجمآآآآهير ثم الاعبين ,, |
اه اه ياكوزمين حسبي الله عليك وربي ضيع الهلال بمباركة الادارة المفرج والله مبدع مع تفاريس والجمهور زين انه ما حضر فريق يفشل |
سلام كبير للشلهوب في كورة الرأس اللي ذكرتني ب سعود الحماد في اخر ايامه. كورة يا الموهوب جايه لرجولك توطي لها براسك لييييييه مدري. العنيد |
مع إني أفضل المفرج بس بالعكس المرشدي اليوم كان قد المسؤولية وما كانت له أخطاء تذكر المشكلة اليوم بخط الوسط فقط ..! |
إقتباس:
قسم بالله جمهور يفك المخ ,, |
اللوم على الجمهوووووووووووووووووووووووور لا و يطالبون بالبطولات |
المفرج ارتحنا منه المرشدي افضل اتمنى استمراره وخلي عنكم مواضيع الي بعد المبارة مباشرة |
الله يرج الجمهور هذا حضور ياشباب الهلال لايعتمت على اي لاعب بس لو الهلال لعب بروح لويلعب بالفريق الاولمبي لنفوز بس ياشباب الروح ماهي فيه |
صراحه اليوم فكنا الله أنا مانهزمنا ولله الشباب قدم مبارت حلوه واليوم كوزمين مدري ليش يلعب بمهاجم واحد راح شوط والشوط الثاني أن شالله راح يتغير كل شي |
ماعمري شفت مثل هالجمهور!!! مره مع المفرج ومره ضده!! ومره مع ليلو ومره ضده!! والمدرب في كل شي الجمهور ضده!! |
اقول كل ماصار شيء حطيتوه في جمهور الرياض ؟؟ وشلون يعني بتسوون فتن بين الجماهير ولا وشو وبعدين الهلال مستوياته سيئه جدا .. وثاني شيء مو شرط الجمهور يكون متواجد .. لان سبق وان امتلىء الملعب وخرج الهلال من البطوله .. لا بد من تهيء اللاعبين نفسيا قبل المباريات .. وان تبعدونهم عن الضغوطات وهذا شيء واضح من انفعال بعض اللعيبه .. |
أوما الي يطالبون بالمفرج والله جمهور غريب مايحضر المباراه ويزعل ويفقد الذاكره ويطالب بالمفرج هههههههه نسينا الله يرحم أمك أعتزل نسينا الله يجزاك خير أعتزل وانا اسوي حفل أعتزال وش هالجمهور الي كذا الظاهر مايدرون من يحطون السب والشتم عليه اليوم قالوا ياليت المفرج لعب علشان يكون الضحية |
| الوقت المعتمد في المنتدى بتوقيت جرينتش +3.
الوقت الان » 07:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd