|
الغامدي بصراحه هل الغامدي لاعب بمستوى الزعيم؟ لا تمريرات صحيحه ولا كنترول والاخطاء اللي ماله داعي عد واغلط ! اول مايستلم الكوره مستحيل يطالع للامام يايمرر خطأ او في اغلب الاحيان يرجع الكره من ملعب المنافس الى تفاريز(الدفاع) :surprised: بالعربي يموت الهجمه ويرفع ضغطنا. ابي رايكم بموضوعيه . للمعلوميه انا هلاليs13s وللاسف اعترف اني متعصب شيئا ما للزعيم فقط (اعني ان اللاعبين سواسيه ولست من جماهير اللاعبين).:clapping: رأيكم يهمني |
يا أخي العزيز ... تكلم بواقعية أشلون يرجع الكور لتفاريس ... تفاريس أمس ماشارك الله يهديك ... والغامدي لا عب كبير ... ويكفيى شهادة المحللين والنقاد ... وأمس جميع اللاعبين مو في الفورمه .... |
انا اتكلم عن الغامدي من بدايه الموسم والنقاد من جنبها انت ركز وتشوف شاكر مرورك |
حبيبي الغامدي محور(وسط مدافع)يعني شغله يقطع هجمة الخصم؛ومو صناعة اللعب الله يهديك عشان تقول تمريرات خاطئه |
إقتباس:
|
ياحبيب قلبي .. عمر الغامدي شغلتـه لايفهمها الا الكبــااار صناة اللعب للشلهوب والتايب وسروور .. اما هو جندي مجهول في الملعـب ,,, |
الغامدي لاعب محور مهو صانع لعب او مهاجم علشان يسرع لعب بعدين الغامدي من افضل المحاور بالمملكه |
شف اخوي كذا مره تكلمت انه اذا انك تبي فريق قوي جدا يجب ان يكون محاوره واظهرته مجيدين ونجوم اذا هاجمو (((((( نجووم ))))) اركز على هذا الكلمه واقصد في الهجوم والدفاع معاً الواقع ان الغامدي جيدا جدا في ادورا الدفاع لكنه في الهجوم تكملة عدد يعني جيد في التحرك فقط لكن ينفعك بكوره في الهجوم انسى هذا اذا ما افسد هجمات على فريقه ......!!! لكن دائما تجد من يمتدح محاور الهلال واظهرته ..انا اتفق ان المحور الي يجي منه في الهلال هو عبدالعيزيز الخثران فهو ان تقدم يشكل خطوره ذلك بنأنه يجيد التمرير والتسجيل لكن غيره فلا...... بعظهم يقول الغنام ...الغنام افضل من عزيز والغامدي في التمرير ..لكنه للاسف لايجرؤ على التقدم .. يعني لايملك ثقه ..وهذا اكبر مصيبه في لاعب كرة القدم اذا وجد في هذا العيب لاينفع ان يكون لاعب كرة قدم بتاتاً اعيد واقول انك اذا اردت فريق كبير قبل اول ماتظر للمحاور والأظهرة يجب ان يكونوا على مستوى عالاً جدا في الدفاع والهجوم ...يعني بالعربي يجب ان تركز ان يكونوا نجوما ً بمعنى كلمة نجوم وشف بعدين كيف يلعب هذا الفريق ... الفريق الآن يعتمد في اعداد هجومه على الشلهوب والتايب ؟ فقط ... كيف تفوز !! |
إقتباس:
اخي الكريم للأسف لن تجد الهلال كما عهدته مادامت افكارانا لاتتطور ... فريقك الهلال اخوي الكريم لايملك اظهرة على المستوى المطلوب في التقدم ولايملك محاور تجيد الهجوم سوى الخثران .. فكيف تريده ان يفوز ويهاجم.. فكر جيدا ....!!! ثم في الاخير يلومون التايب ...!!! الله لايلوم التايب ...!! حلول التمرير عنده ضعيفة جدا .. لأن مافيه احد يدعمه صح ..في اعداد الهجمات ..وتشكيل الخطوره الهجومية .. |
الله اكبر الحين حطيتوا حيكلم بالغامدي والله جماهير ترفع الظغط والله ...اذا ياسر اخطا او طارق مافيه امل الواحد يفتح فمه يااخوي وربي حرام عليك عمر من افضل لاعبين المملكه بمركز المحور ومع احترامي لشخصك الكريم مو انت اللي تقيم عمر شهادة انجوس واغلب المدربين اللي دربوا عمر تكفي ..لاعب يلعب بعقله قبل رجله ..واذكر اخوي الكبير قابل بسيرو في فندق وقاعد يسولف هو وياه وقال مين الاعب اللي ترشحه يحترف برى على طول قال عمر الغامدي واشر على مخه قال لاعب ذكي يعني منتب طالع افهم من المدربين مع احترامي لك ..لكن انتم يالجمهور تبون الاعب اللي يسحب ويجيب قول ..ولاجديد على هالانتقادات فلنا بعزيز والصويلح عبره ...الغامدي لاعب كبير وفنان وهو كابتن الهلال ان شاء الله القادم ... |
الغامدي جندي المجهوووووول لا أحد يعرف أسرار هذا اللاعب سوى الكبار |
يا حبايبي يا زعماء لكي اختصر المسافات عليكم عمر الغامدي او ما يسميه محبوه ((((((( المقاتل ))))))) أفضل محور سعودي في الخمس السنوات الماضيه ولاعب من طراز التكتيكين واسالوا المدربين عنه سؤاء المنتخب او الهلال والكبير كبير يا ابو فهد |
صحيح الغامدي بصراحه نقطه ضعفه معروفه انه يتنرفز بسرعه بعد ذلك يطلع من جو المباراة والمتابع الجيد لاحظ ذلك عليه بقوه ليلة البارحه (وجة نظر) بالتوفيق للزرق |
ما رفع ضغطي البارح إلا الغامدي الله يهديه ما أدري ليش هالموسم مو زيه العام تحس إنه برأ جو المباراة |
فرقوا الله يصلحكم بين المحور والوسط وصانع اللعب وبعدين انتقدوا !! |
| الوقت المعتمد في المنتدى بتوقيت جرينتش +3.
الوقت الان » 11:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd