![]() |
يالهلال عزك عزنا .. اما اذا انهزمت مالنا دخل !! انا استغرب من العدد الرهيب الي يكتبوون في منتدى الزعييم .. واستغرب اكثر من العدد الرهيب الي ينتقد مستوا الهلال .. واستغرب اكثر واكثر اذا شفت المدرجات فاضية؟؟ انتم ياجمهور الهلال جمهور غريب .. فريقكم في امس الحاجه لكم ومع ذالك فضلتوا الجلوس في بيتكم بدلا من مؤازرة الهلال في اصعب الاوقات (كلها 5 مباريات) ويحقق الدوري ومع ذالك شفنا المدرجات فاضية .. وش اسميكم مادري!! وش افضل وصف تستحقوونه مادري .. انا حضرت اليوم وجيت بدري توقعا مني ان الملعب بيصطك لكن تفاجئة بعدد الحضور .. هل انتم تحبون الهلال من قلب ام انكم تحبون الهلال اذا لعب مع مانشستر او النصر او الاتحاد فقط!! اليوم وش عذركم !! برد؟ طيب والاعبين مو برد عليهم ؟؟ او الاعبين هذا شغلهم ؟؟ اذا هذا شغلهم وراكم مشقين اعماركم وغاثين الاعبين والمدرب ورئيس الهلال واعضاء الشرف مغير تنتقدون وطالبون ومسوين زحمه!!! هل شايفين ان لكم حق ان تطالب بدون ماتحضرون؟ .. ليه الاتحاد دائما جمهوره صاك الملعب؟؟ هل فريقهم يستاهل اكثر من الهلال؟؟ ام جمهورهم اوفضل منكم؟؟ حتى النصر هلي يفشل الي ماينتفشل يحضر جمهوره اكثر منكم .. لو تحضر انت وياه يالي شاطر بس انك ترد اول واحد (محجوز) او الي يكتبون فاليوم اكثر 10 مواضيع كان مليتوا الملعب لكن ماقول الا : المرجلة كاااايده ياجمهور الهلال كان الله في عوون لاعبين الهلال والله اني فااهم شعوور الاعبين وعارف ان الاعب يبدع اذا امتلا الملعب لكن وش نسوي هذا جمهور الهلال جمهور يشجع من خلال التلفزيون والانتر نت. ااااااه بس |
والله ماكذبت بكلمه قلتها .. كان ودي اتصل بأي أحد من الجمهور واقوله ارمي الحكم بقاروره تشق راسه عشان ينقلون مبارياتنا برهـ الرياض ..! |
اي والله كل كلامك صحيح ,, لاكن مآآآقول حسآآآفه على الرقم الصعب ,, بالتوفيق للزعيم ,, |
هاهاهاه موضوعك مثل وجهك اقوول روو لك شات كتابي افضل لك ولنا |
والله كلامك صحيح يعني احنا اذا شفنا الملعب في التلفزيون وشفنا عدد الجماهير الموجود والله ننصدم ترى اللاعبين محتاجين لدعم ومسانده جمهورهم ... |
الله يعين بس الشكوا لله مانقول الا بالتوفيق للزعيم |
تمنيت المباراه عندنا بالشرقيه علشان تشوفون جمهورالزعيم في الشرقيه كيف.... |
يعني لو حضر الجمهور .. الهلال بيفوز ؟ من نهائي الإتحاد مروراً بمباراة الوحدة الإماراتي والجمهور محبط !! مانفعنا الحضور ولا الهتاف .. إذا لاعبي الهلال مايحسون بالمسؤلية الملقاة عليهم وش ترجي من صكت الملعب .. عموماً انا راحت علي نومة وماشفت الا الشوط الثاني ،، والتعادل ليس النهاية فمازال هناك متسع من الوقت والجمهور راح يقول كلمته في المباريات القادمة الدور الباقي على اللاعبين في الملعب . |
إقتباس:
انا اجزم ان لاعبين الهلال انهم يخافون من الجماهير كل ماحضر جمهور كبير كل ماكان المستوى سئ الا ناااااادرا انا بصراحه ماني مستعد اروح الملعب واتفرج في اشباه اللاعبين اروح وارجع البيت وانا مرتفع ضغطي من اللعب الخايس اروح الملعب وارجع البيت وانا مالي عيني بمهارات مسفر والشلهوب وليلو وبفلسفات كوزمين انا ماني مستعد اني اروح في هالبرد علشان ارجع مقهووووور وانا اقول باباي الدوري خلاص الحين في الدوري نتمنى من المدرب يلعب الفريق الاولمبي بدال الاساسي ويريح الاساسي لكأس ولي العهد لان الدوري مستحيل .... ... .. . |
صـــــــدقت بكل كلمممه قلتهاا وإن شالله يبيضوون الووجه بالمباارياات القاادمه لك تحيــــــــــــــااتي؛ |
إقتباس:
وش قصدك اننا موقد المرجلة او منا ارجال وهل المراجل بالحضور والسكوت طوال 90 دقيقة انا اشوف وجودكم مثل عدمه الهلال لعب بدون جمهور امام الخليج وفاز اذا ما تذكر اذكرك لا تعتقد ان السبب الجمهور الجمهور لدية اشغاله وربما اغلب جمهور الرياض يعمل اثناء المباريات تريده ان يقطع رزقه ورزق اعياله عشان مبارة مع القادسية وفي الاخير يخرج متعادل او خاسر الجمهور ملاء الملعب في لقاء الوحدة الاماراتي وخرج خالي الوفاض من الحلم وتبي الجمهور جمهور الهلال جمهور تعود على الفووز ولا يرضى غيره بعكس جماهير الاندية الاخرى التي توزع عليها التذاكر مجانا حتى مبارة الهلال الاخير وزعت عليهم التذاكر اعتقد من حق اي هلالي الانتقاد اذا لم يسيء الادب او يجرح بالاشخاص وليس لك الحق ان تمنع احد من قول راية او تحجر له فهل تعرف الاعضاء حتى تصدر مثل هذا الموضوع والاحكام التي نهى الدين عنها فكيف تخالف الامر بالظن فهل تعرف ضروف تلك الجماهير ولكن الجمهور مجرم حتى يثبت براءته قمة الظلم والتجني والاقصائية دمتم بزعامة |
إقتباس:
. وتسلم يمين راعي الموضوع |
اكيد الجمهور له دور اساسي بس الي حظرو المباره ماقصرو ولله يعطيهم العافيه والي ماحظرو الله يحفظهم يمكن عندهم مانع وان شاءلله نشاهد الجمهور في المباريات القادمه |
إقتباس:
هههههههههههههههههههههههههههههههههههههههههههههههههههههههههههههههههههههههههه ياحبي لك تفكير سليم |
الوقت المعتمد في المنتدى بتوقيت جرينتش +3.
الوقت الان » 07:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd