|
منذ الصغر تعلمنا : الكرة لاتحترم الا من يحترمها .. ولايوجد فوز كباقات مسبقة الدفع ..!! بسم الله الرحمن الرحيم منذ الوهلة الأولى التي أطلق عندها الحكم صافرته معلناً بداية المباراة تيقنت أن الهلال لن يكسب اللقاء ،، لماذا الهلال لن يكسب ؟ سأصمت حتى نهاية الموسم لأننا في وقت لايفيد فيه الاستقطاب والتسريح ،، ما أدهشني وأدهش كل من يعرف الهلال أن مدربنا كوزمين اولاريوا لعب بتشكيلة لم يعتمد عليها في (جل اللقائات) ،، ما دعاني للاستغراب أن الهلال ينافس في الدوري وحظوظه قائمة لاعتلاء الصدارة وتهمه المباراة كثيراً لتحديد موقفه ،، المدرب الهلالي ظن أن القادسية ضعيف عطفاً على نتائجة وتذيله ترتيب الدوري وضمن الفوز قبل أن تبدأ المباراة ،، (ورقتان مهمة) غيبت عن اللقاء و(أوراق أهم) غابت بفعل ضمان الفوز مسبقاً وكأننا أمام باقات مسبقة الدفع ،، القادسية حذرنا منه لعلمنا بأنه يملكـ أسماء جيدة وخامات ممتازة في مختلف المناطق ونتائجه الهزيلة بفعل استقطاب نجومه مع المنتخبات ،، لن أتحدث عن اللاعبين مهما كلف الأمر وأنتقدهم لأن قائدهم وضعهم في موقف محرج أمام جماهيرهم ،، التعادل الذي أشبه بالخسارة يتحمله السيد كوزمين اولاريوا وحده بفعل ضمانه الفوز حتى يريح أبرز نجومه ،، كتبت ذات يوم أن كوزمين اولاريوا مدرب جيد ولكن تنقصه الشجاعة والأن تيقنت أنه ليس بمدرب جيد حتى يبحث عن الشجاعة ،، بعد مباراة الاهلي الماضية فضلت الصمت ولم أعلق على المباراة لامن قريب ولابعيد وتعجبت من اللذين يتغنون بالفوز ،، الفوز على الاهلي أتى من مجهود اللاعبين فقط ولم يكن للمدرب كوزمين اولاريوا أي بصمة ،، قد يكتب البعض أني متنرفز قليلاً بعد التعادل ولكن لم اتنرفز على التعادل بتاتاً البتة لأن الكتاب واضح من عنوانه ،، في الاسيوية كتبت " شخبط شخابيطوا لخبط لخابيطوا " وكنت أعني بها خطة كوزمين اولاريوا انذاكـ ،، في كل لقاء يتجدد كوزمين اولاريوا في تخبطاته ولكن دوماً الفوز في اللقاء يطمس العيوب ولايظهرها ،، اليوم تأكد بما لايدع للشكـ أن السيد كوزمين يحتاج الى من يساعده حتى (لانبكي على اللبن المسكوب) ،، فالدوري بلغة الحسابات مازال قريباً وبلغة المنطق بعيد كل البعد إن لم يحاسب المدرب من (مبدأ الثواب والعقاب )،، أمامنا معاركـ قادمة والدوري احداها تحتاج الى الشجاعة حتى نأكل بأيدينا ولا ننتظر من يؤكلنا لأننا حينها لن نشبع ،، التعادل مرحلة وانتهت ،، فالكلام في ماضي النتائج نقص في العقل فلننظر بعقولنا ونتركـ العاطفة جانباً للمرحلة القادمة التي تحتاج الى عمل وجهد مضاعف ،، فالدوري وكبرى البطولات مازالت في أيدينا فلنبحث عن الاخطاء والمسببات ونحلها في أروقة البيت الهلالي ،، وأذكر أني ذات يوم كتبت أن الحرب اشتدت واحتمى الوطيس ونحتاج الى اربع مقاتلين لتحقيق النصر ،، واليوم أرى وأتحسر بإم عيني على إحدى المقاتلين وهم (رقم الهلال الصعب) وحضورهم على استحياء في لقائات الهلال ،، فلن أكتب لهم عبارات الذم لأنهم عودونا على الوقوف مع الهلال ولكني سأعتبرها كبوة جواد وعشمنا بهم مازال كبيراً ،، وليتهم ينظرون لجماهير الاندية الاخرى في الحضور عندها : سيؤنبون أنفسهم على عدم الحضور الا في كبرى المباريات ،، فنحن في مرحلة الحسم وحضورهم مهم جداً في ترجيح كفة محبوبهم الهلال سواء نازل الاتحاد أم نازل نجران ،، فضفضة :: كلما تذكرت هذا المثل " كثرة حركة وقلة بركة " تذكرت هذا اللاعب (.....) !! :: فريق لايعتمد في وسطه الا على لاعب واحد سيعاني وسطه الأمرين !! :: عندما ترى اللاعب في غير مركزه تذكر " أي مدرب يحب الفلسفة " !! :: ماضيعنا الا فلسفة المدربين ولنا في التاريخ عبرة !! :: اليوم احترت هل الهلال في كأس فيصل أم في الدوري !! :: عندما تغيب الروح قل على الجسد السلام !! :: الى كوزمين : ترى الشجاعه للقوي مبدأ ونبراس - والخوف للخواف مبدأ وسلامه هلال الزعامه يالخوي قوة ولاباس - هلال نجومه للحسم أكبر علامه همسة هادئة الدوري ماراح فلا تكثروا من الصياح !! قالوا أن الكرة لاتفرق بين صغيراً أو كبيراً ختاماً منذ الصغر تعلمنا : الكرة لاتحترم الا من يحترمها .. ولايوجد فوز كباقات مسبقة الدفع ..!! تقبلوا تحياتي وفائق احترامي وتقديري ،، تركي العتيبي!! |
أي الدوري ما راح لعيبتك في كل مباراه يخذلونك بين ارضك وجمهورك وتنهزم وتتعادل لعيبتك ما يقدرون جمهوره لعيبتك مزاجيين ما يحترمون الفانيله اللي لابسينها بالله هذا فريق الهلال بالله هذا فريق الهلال تكفون تكفون قولوا لي ان في حلم بالله الللي لعب اليوم فريق الهلال اقسم بالله قهر والله قهر رئيس في قمه الجهل رئيس من نوع خذني جيتك آه آه ياقهري بس آه ياقهري بس |
إقتباس:
وزي ما قلت أخوي في نهاية الموضوع الدوري ما ضاع الزعيم قادر على الانتصار في المباريات القادمة وحسم اللقب تحياتي لك أخوي |
مشكور على الموضوع يا ادارة وش الحل انا ابي اكتب موضوع يقولون حسابكـ لم يفعل بعد واروح اكتب بقسم الجوالات يكتب اما هلاقسم يقول لا واعذرني ياللي كاتب المضوع على الخشة الغلط |
اسم الله على الروح والاصرار وين الروح هل الزعيم هو ياسر والتأئب ؟؟ وش دو الاسماء المتواجده في الزعيم بدون اي تطوير او تغيير في مستوياتهم دائما الضحبه المدربين وهنا الفشل المستمر عوافي اخوي على الموضوع |
انا أقــــول المــدرب يتحمل مسؤوليه التعادل .. !! من جد مدرب فاشل يلعب بالرديف .. الغبي مايدري بالدوري انه بالنقاط .. أحد عنده ياسر وطارق ويحطهم أحتياط .. !! مدرب فاشل .. لاعبين عديمين أحساس .. أداره نايمه .. ( الله يخلف عليك يا هلال ) .. !! باقي لنا أمل بالدوري بشرط الفوز في جميع المباريات و خاصه على الاتحاد .. !! عوافي اخوي تركي .. !! أخوك : احمد العتيبي :) |
لنؤجل الكلام عن الاسماء لنهاية الموسم., ولنبحث عن الحلول الممكنه الان لتحقيق احد الالقاب ظروف مجتمعه صعبه ضد الهلال, |
إقتباس:
فريق تنخر في جسده الواسطة لايمكن يحقق شي فريق ملئ بالمجاملات لايمكن يحقق شي فريق ياخذ الاعبين للاحتراف في نص الموسم على طريقة خذني جيتك ماراح يحقق شي مــــــــــــــــــــــع السلامة يالدوري وبهالمستوى ودعااااااااا كاس ولي العهد ووداع الموسم صفر اليدين وتستمر المعاناة |
انا معكم ان المدرب بدا يتخبط واذا كانت فيه نيه تنبيه للمدرب او اقاله لا سمح الله اعتقد انه لن يكون فيه وقت حتى يتم البحث عن مدرب بديل واعتقد ان الحسيني هو الافضل في هذ1 الوقت |
إقتباس:
بيض الله وجهك ياتركي ياخي ضيعناها والله وليس بقوة من القادسية بل باستهتار وتهاون من المدرب يا أخوان الله ماشفناه بالعقل عرفناه ,,, وين الكلثم اللي مأدي أكثر واحد صح ,, جيبوا الفريدي بينتحر عشان يثبت نفسه إلى متى ليلوا ؟؟؟؟ اذا ضاع الدوري فلنقل خلونا نعطي ليلو فرصه ,,, خلوه يضيعنا |
والله ما يـاخذ الهلال الدوري الـسـنه هذي لو تحب كوعك يا الهاديو انا ابي اقوولك طول ما كوزمين موجود والذياب والمبارك والموري والهليل صدقني ماا راح ناخذ بطوله سنتين ولا بطووله وكل سنه اخس من الثانيه اذا بنفووز نفووز بشق الانفـس والاتـحااد مستمتع وممتع جمـاهيره انا اطالب من ادارة الهلال انهاا تنقل جميع مبارياتهم الا الشرقيه صدقوني رااح يكون الجمهور الهلالي اكثر من الجمهور الي حضر اليوم والله ليمتلي الملعب في اي مباره في الريااض جمهور بارد سااكت ولا احد يتكلم ما غير يا هلال .. وحببكم مين .. جمهورناا ميت لين متى وحنـى كذاا لازم نصـحى شوي |
احلللللم بالدووري لان الحلم ببلاش ام انك تاخذه ايييييه هين ومعك كوزمين وليلو افلقني |
آآآآآآآآآآآآآآآه بس هذا مدرب كورة قدم ؟؟؟؟؟؟!!! يحط لي المباارك ذا اللي يطاامر على غير سنع ويترك البرنس احتيااط !!! ويااسر يتركه احتياط ويدخل الخرااشي بالله هالشيء يدخل العقل انا من يوم جاء ذا المدرب وانا ماني متفائل فيه لاحظوا ان المباريات اللي نفووز فيها اجتهادات لاعبين والمدرب ماله اي دخل فيها والله حرااام هذا الهلال اللي نعرفه ؟؟ اما بخصوص الدوري فأقول لكم الدوري باي باي تبينا نفوز على الاتحاد بذا المدرب ؟ الاتحاد هزمنا في نهائي وعلى ارضنا بعد الشكووى لله شكرا |
لاعبيـن على مزاجهـم ... مدرب مادري وش يبي ... إدارة وجودها والعدم واحد .. بالله عليك وشلون تبي تفوز ؟؟؟؟؟ الادارة نايمـة وينها عن كوزميـن ؟؟ ماتشوف تخبطاته بكل مباراة والمجازفات اللي هو يسوي ؟؟ لاعبيـن على المزاج الواحد اذا أهتوى اللعب قدم مستوى واذا صار ماله خلق مالعب وجوده وعدمه واحد !!!!! الأمل بالدوري ضعيــــــف موب زي أول .... باقي لك مباريـات مهمه الشباب 2 .. الإتحاد بجده .. الحزم بالرس .. الإتفاق بالشرقيــة !!!! إذا مافزت على القادسيـة بإرضـك وبين جمهورك متى تبي تفوز !!!!!!! ثقـة + استهتـار بالخصم + لعب بدون روح بالعربي أي كلام = تعـادل أشبـه بالهزيمــة !!!! |
مدربنا فاشل هذي هي الصراحه كل مباراه نفوز ليس بتخطيط المدرب لكن بعد الله ثم يا ياسر او التايب اما مدرب على باقي اللعيبه يالله حسن الخاتمه |
إقتباس:
الغالي طارق ،، أولاً : وجهكـ أبيض ياغالي ،، لي تعقيب على كلمة واحدة وهي خارج الموضوع ،، فلايجوز أن نقول الله ماشفناه بالعقل عرفناه ،، لأننا عرفنا الله عز وجل عن طريق دعوة خير البشر محمد صلى الله عليه وسلم ،، وشاكر لكـ التعقيب ياغالي ،، وأشكر كل من عقب على الموضوع ،، دمتم في رعاية الله ،، تركي العتيبي!! |
والله غبنة كانت بيدينا المباراة بس وش ترجي من لاعبين يلعبون بدون روح |
قال ايش قال ارهاق !! طيب انا بسأل محمد نور وتشيكو ليه مايرهقون ؟؟ المدرب على باله ذكي |
اول شي السلام عليكم ثاني شي اخوي الحين حنا ورانا مباراهـ يوم الثلاثاء اهم من مباراة القادسيه والهلال عليه ضغط حنا الجماهير مانحس به وواجبنا تجاهـ الكيان الهلالي اننا نوقف معه وتقبل مروري |
إقتباس:
الغالي والاستشاري سعود ،، إقتباس:
وان كنت تنال من اللاعبين الاحتياطين في تطوير ادائهم فالسؤال الابرز : ماهو دور المدرب؟ وخطة المدرب أكدت أن الهلال فقط ياسر والتائب ،، فالتائب دوماً وحيداً في صناعة اللعب والبقية كومبارس ،، وياسر المهاجم الوحيد الذي يشاركـ دوماً ،، سؤال بري : هو غلطان اللي يلوم المدرب ؟ وأشكركـ على تعقيبك ،، دمت بود واحترام ،، تركي العتيبي!! |
والله غبنه استهتار عدم احترام .,, صف ثاني فاشل للفريق الهلالي ولا هجمه نموذجيه ..!! خلها على ربك والقادم يسهله ربك .. |
يعطيك العافية أخوي تركي وماقصرت والصراحة أن المدرب رائع جدا وكان يعجبني أنه يحترم الخصم وأرجع للمباريات اللي راحت ,, المهم مباراة الليلة هو لم يحترم الخصم وغريبة منه لكن قد يكون للأدارة دخل بالشي هذا والله أعلم وعموما قدامنا مباراة مهمة مع الشباب يمكن تكون هي سبب في إراحة بعض اللاعبين المهمين والمؤثرين والوعد قدام إنشاء الله الدوري لايزال في متناول اليد بإذن الله ولكن لابد من أحترام الخصم وخوفي على الهلال من الحزم ولإتفاق أكثر من الشباب والله يستر ,, جمهور الزعيم ورقمه الصعب الزعيم بحاجة إليكم ,,, بالتوفيق للهلال يارب تقبل مروري بود |
إقتباس:
كما ان التعادل هذه الليلة كان من ارادة الله فمهما لعبت وباي تشكيل اذا لم يكن توفيق الله معك لن تفوووز فالاسيوية كنا نقدم مستوى افضل لكن التوفيق لم يكن حليفنا احترم بعض كتاباتك لكن هذا المقال اخالفك فيه في عدة نقاط والسبب ليس كوزمن كما ذكرت وبنيت عليه مسبقا الضغط والتنويع في المسابقات والاصابات وامور انت ربما تعلم بعضها وتجهل الاخرى لكن الهلال يفووز ولا لاي مدرب دور في الفووز فان كنت هلاليا قديما فستتذكر ان الهلال من اوصل مدبين مغمورين الى العالمية فلا اعتقد ان من يتهم مدرب الهلال بانه سبب في كل هذا قد يكون مشاركا بالسبب لكن ايضا رووح الفريق اختفت فلم نعهدها منذو سنتين او اكثر اضف لذلك ما يواجهه الهلال من ظلم وتجني جعل الجهاز الفني مشتت عن الفريق اتمنى ان يعود الفريق لمنافسه والحصول على اقل تقدير بطولة او بطولتين من الاربع ان لم يحقق الرباعية فليس ذلك على الله ببعيد والله يكتب اللي فيه خير وصالح للزعيم دمتم بزعامة |
اخوي الهاديو هذا المكتووب اننا نتعادل وانا بصراحه الاحظ في كم مباره مثل ماقالو بعض الاخوان الفوز يجي بعد توفيق الله من مجهود الاعبين اكثر من تكتيك مدرب وانا اليوم اقول الله يستر اذا راح طارق التائب كانهم يلعبون بلاعب واحد مو 11 لاعب في الملعب اذا غاب التايب غاب الهلال ! واظهره اليوم تعبانه +دفاع !! غاب الزوري والله يرجعه بسلامه والمفروض المدرب مايستهين باي فريق اذا بغى بطووووله والعذر والسموحه اذا طولتها :D |
عزيزي واستاذي تركي.. قد تقترب وجهات النظر بالعقلانــــية وليس بالهمجيـــة وهذا ما أراه في بعض جماهير الزعــيم كلامك منطقي وفي محلــه... بكل صراحة من شفت التشكيل ونا غاسل يدي... لكن ربي كتب وقــدر أما مسألة الدوري فما زالت الحظوظ موجودهـ حتى الآن ... وإن شاء الله كل تأخيـــره فيهــا خــيرهـ... |
هلا وغلا صديقي تركي ورده والحمد لله على كل حال ... حقيقة مباراة ترفع الضغط :upset: على العموم انا قلتها المدرب كوزمين يسير بالهلال الى طريق مسدود :stoned: حقيقة تخبطات ما انزل الله بها من سلطان ... وبرضوا اللاعبين يتحملون .. والادارة تتحمل ... وآه يا هلال ..:smilie47: تركي :smilie47: الله يعطيك العافية وماقصرت ورده |
موضوع رائع .. من كاتب اروع .. سلمت اناملك .. وجعلك على القوّه .. تحيآتي لمـّن يهمه امر الهلال ومصلحتـه .. |
إقتباس:
بداية نحمد الله على كل شي ومابعد خرجنا فمازال للمجد بقية ،، أما عن المدرب فلي وجهة نظر خاصة : المدرب يحتاج الى مساعدين ومستشارين عليهم الكلام ،، والمدرب مازال جيد ولكن نطمح للامتياز ولعله تاه بين التخبطات في الدوري والمسابقات ،، ولاشكـ الكل يتحمل الاخطاء وإن كنت أراها بالإمس من المدرب فقط ،، دمت أديباً أيها الصديق ،، وتحية خاصة لكل من مر من هنا ،، تركي العتيبي!! :smilie47: |
إقتباس:
يعني انت كيف اقتنعت بدعوة الرسول عليه الصلاة والسلام وانها الحق ؟ يعني أكيد انت صدقت الدعوة الحق بعقلك أولا بعدين اطمئن لها قلبك والحمد لله وبمشيئته يعني هالعبارة صحيحة ومافيها أي غلط مع احترامي لك ولرأيك و أذكرك بالحديث المشهور : عندما الرسول عليه الصلاة والسلام سأل الجارية أين الله ؟ فقالت في السماء .. فشهد لها بالإيمان ( الحديث بالمعنى فقط ) بس حبيت أقولك رأيي في هالنقطة المهمة .. مع تحياتي لك على هالموضوع الجيد |
الله يكتب اللي فيه الخير لكن استغرب من المدرب انه يهاوش الاعبين ويصارخ واللي يشوفه يقول ان المدرب معلمهم على حركات ولا عرفوا يسوونها <<< انا اشوف ان هذا تحجج منه عشان يقول ان الاعبين ما ادوا اللي قلته لهم لو انه فعلا واثق من نفسه ماتنرفز زي كذا ولا ماينفع يصير مدرب في هذا الشكل والدوري فعلا ماراح لين الحين اهم شي فوزنا على الإتحاد في ارضه وانا واثق من هالفوز ان شاء الله لو ترك كوزمين بعض فلسفته وهيأ الاعبين بشكل جيد مشكور على الموضوع |
إقتباس:
أخي الغالي هشام ،، أولاً ياغالي شاكر لكـ اهتمامكـ وحرصكـ ،، أما بخصوص الكلمة فهي على حسب ماسمعت محرمة لكون الرسول صلى الله عليه وسلم من علمنا بوجود الخالق ،، أما العباراة فتنفي ذلكـ بتاتاً البتة وتنسب للشخص بعقله ،، وبإمكان أخذ الاستفتاء من المشايخ المخولين بذلكـ ،، أما أنا فردي كان على حسب ماسمعته بتحريم هذه الجملة ،، دمت بود واحترام ،، تركي العتيبي!! |
وبالامس لامستوى ولافوز قاموا حطوها باهل الرياض الضعيفين .. |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd