|
وضاع الدوري . بيدي لابيد عمرو . وتقييم للاعبين بصراحة ضاع الدوري بسبب هالمدرب السباك . اهــــــــــــــــــــــــــــــــــــــــــــــــــــــــــا يالقهر الدعيع : راجع حسابات مباريات الحسم قادمة الذياب : فاشل بدرجة أمتياز . ماتعرف حتى تثبت كورة . ولو لعبت معنا في الاستراحة لاذبك في الاحتياط المرشدي : مافراسك كورة ومدافع فاشل فاشل لكن ماشية معاك والدنيا ارزاق الهليل : يمدحون كورة السلة . نكبة نكبة مسفر : قالوها زمان ( لو فية خير مارماه الطير) . والله حرام حرام تكون في الهلال الغامدي : تراك مغرور وبزيادة في احد لعب عليك وقالك انك احسن لاعب وسط محور الغنام : هذا مايعرف غير للخلف در . لازم يرجع الكورة للوراء حتى لو كانت هجمه مرتده الشلهوب : كنا نلوم كوزمين على وضعك احتياط لكن الظاهر معاه حق . بعد ماأخذت السته مليون.... المبارك : من يوم اشفك تلعب اعرف ان الهلال مهزوم او متعادل كل كورة معاه زحلقة ليلو : قال محترف قال الخراشي : الواسطة لها دور . صدقني انت الوحيد اللي مفروض تتنسق من زمان . حدك الحزم وينك يالكلثم . لاعب ممتاز ولكن لاحياة لمن تنادي . ابرك من هالفاشل الخراشي . ياسر وطارق ماتنلامون في هالمبارة بسبب المدرب السباك. واقولها لكم من الحين الهلال مهزوم من الشباب . والدوري ضاع بسبب خطة المدرب اليوم ريحني واريحك . قال راحه قال هذولي محترفين ويستلمون رواتب ومكافأة الوزير مايخذها . والحسرة والقهر والذنوب لنا احنا الجماهير رفعتوا ضغطي . |
----------------------------- ما خليت احد مابقى الا تقول الفريق فاشل الحمدلله على كل حال والله يوفق الهلال |
نفوز بكل مبارياتنا الجايه ونآخذ الدوري بكل بسااطه ! |
من 2001 مشاركاتك 2 والا العداد خربان؟؟ البطوله للهلال بكل ثقه |
سلاآآآآآآآآآآآآآآآمات من تبي يلعب طال عمرك ؟ اجل الشلهوووب بعد ماخذ السته مليون حده الاحتيااط ؟؟ والخراشي حده الحزم !!! ياخي اذا تبي تنتقد انتقد بس من دوون تجريح .. ترا الاعبين آووادم لازم يخطئون ( على فكره ترا مافيه فريق مايخسر !!!) |
يعني الفريق كله ماله داعي في وجهة نظركـ وش ذا التقييم الفاشل |
انت الظاهر مايملى عينك الا ريال مدريد ويالله :D مابقى الا تقول واخصائي العلاج فاشل:D |
دايما .. المدرب شماعة !! اذا فزنا قلتوا فديتك يالتايب فديتك يا ياسر ومدري منهو ؟؟ مو المدرب اللي فوزنا انتوا ؟؟ واذا خسرنا قلتوا المدرب سباك ؟؟ واللاعبين لهم دور في الخسارة بس مو زي المدرب << مسوين ترقعون ؟؟ والله اللاعبين لو ما استهتروا كان فزنا بس وش تقول غير : الحمدلله على كل حال |
إقتباس:
الغنام للخلف در ويورطك ببلنتي ولا فاول خطير الله يستر من الأيام الجاية |
وش ذا التقييم ماخليت أحد..!! عالعموم اللي راح راح .. والهلال يقدر بكل بساطه يفوز في كل مبارياته القادمه حتى أمام الاتحاد احنا ليش خايفين زعيمنا ياما فاز وفاز على الاتحاد وغيره يعني بعزيمة اللاعبين واصرارهم يقدرون يفوزون فيها كلها وياخذون الدوري بإذن الله |
ماضيع فريقنا الاكثرة معجبينه بنات مثل الهلاليه ماتشوف الاداء ولا اللعب تشوف الوجه وبس زين كويس شين الله يقطعه لوانه يوسف يعني ماعندك احد............................................... متى ربعنا يتركون لعب الواسطات...... |
ماشاء الله عليك كل الاعبين تبي تلغيهم؟؟؟ مابقى احد اقول مناك يالمندس والهلال باذن الله الدوري له ولاتحاولون انكم تحبطون لاعبينا |
كلام غير مسؤل يقصد منه الزعزه وادخال الخوف في المشجعين حبيبي اسلوبك ابدا غير مسؤل وغير صحيح والظاهر انك ماتعرف الهلال ولا جمهور الهلال ولا لاعبي الهلال كلامك يغلب عليه اليأس .. واليأس مايجوز واللي كاتبه الله بيصير .. والدوري ان شاء الله هلالي |
إقتباس:
سلفر يا سلفر ترى موضوعك هذا خيقي بيقي وينك يا رفيقي !! |
إقتباس:
بس صراحة هو صادق في بعض اللاعبين ( مثل الذياب ) وان الدوري ضاع !! |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd