المحور الأول : هل وفق المدرب بأختيار التشيكلة المناسبة للمباراه؟وهل كنت تؤيد إبقاء ياسر القحطاني وطارق التايب على مقاعد الإحتياط في الشوط الأول؟
باعتقادي وفق الاسماء المطروحة للمدرب كان موفق باختيارها ...
لكن عتبي عليه انه احتفظ باهم الاوراق للشوط الثاني ...
يعني انا اشوف لو لعب بالعناصر المهمة والاساسية
مثل طارق التايب وياسر القحطاني ...
من الشوط الاول وحاول ينهي المباراة بهدفين مثلا ...
بعدين يريحهم بالشوط الثاني كان احسن بكثير ...
حتى لو ما انهاها بالشوط الاول عادي خلهم يكملون لاخر المباراة
الحين اخر الموسم ووقت الحصاد وموب وقت الراحة والسترخاء ...
والمشكلة حتى وهو ناوي ينزلهم الشوط الثاني ....
كان المفروض ينزل طارق وياسر مع بعض لانهم يكملون بعض ...
يعني باعتقادي تاخر بنزول طارق شوي !!
المحور الثاني :مامدى تأثير التبديلات التي أجرها المدرب على الفريق؟ وهل كانت مـتأخرة عن وقتها؟
التبديلات باعتقادي ليست متاخره كانت في وقتها وبالتاكيد اثرت في اداء الفريق ...
خصوصا ان المدرب احس بالخطر وبدا بالتعديل من بداية الشوط الثاني ..
لكن كما ذكرت سابقا ...
المدرب كان المفروض يريح الاعبين المهمين بالشوط الثاني مو بالشوط الاول ..
المحور الثالث: هل ترى أن غياب تفاريس وعزيز والمفرج ونامي والصويلح والتمياط كان مؤثراً في أداء الفريق
الاربع اسماء الاخيرة غابت عن لقاءات قبل لقاء القادسية ...
والفريق قدم لقاءات ونتائج ممتازة ...
بالنسبة لتفاريس وعزيز اعتقد ايضا انهم ما اثرو كثير ...
خصوصا ان مباراة الامس ما جاء في مرمانا اي هدف ...
لو خسرنا او كان فيه اغلاط دفاعية اثرت بنتيجة المباراة اوكي ...
بس مشكلة الفريق البارحة غياب الروح والجمهور ...
بالاضافة الى عدم الخبرة من اغلب العناصر اللي شاركت ..
واتوقع غياب الخثران كان له دور بالنتيجة ...
استغربت عدم وجوده خصوصا مع اصابة الزوري وتدني مستوى الشلهوب ..
انا احد المشجعين اللي يعتقد ان وجود الخثران بركة للفريق
فعلا اتفائل بالفوز بوجود الخثران بكامل مستواه ...
والخثران حسم لنا اكثر من لقاء
المحور الرابع : هل ترى أن هناك نقاط ضعف في القادسية لم يحسن الهلال استغلالها؟
ومامدى فاعلية وترابط خطوط الهلال (خط الدفاع - خط الوسط - خط الهجوم)
القادسية كله ضعف والا ما تذيل الترتيب !!
القصة ماهي قصة استغلال نقاط ضعف ...
معروف ان مستوى القادسية ولا شي جنب الهلال ...
المشكلة اللي صارت استهانة بالخصم ...
والدليل تشكيلة المدرب بالشوط الاول ...
حاول يعدل لكن فات الاوان !!
بالنسبة لترابط الخطوط ما اعتقد انه كان ممتاز ...
خصوصا انه كل خط كان فيه لاعبين جدد على التشكيلة ...
لكن باعتقادي ...
كان بامكان لاعبين الخبرة بالفريق التنسيق بين بعضهم الشوط الاول ..
لكن قدر الله وما شاء فعل
المحور الخامس: هل تعتقد أن الهلال فقد فرصة تحقيق بطولة الدوري؟
الفرصة اكيد موجودة لكن للاسف اعتقد انها صارت اصعب ...
كرة القدم ما فيها شي مستحيل كل الفرص متساوية ...
والكورة تخدم من يخدمها ...
لكن للاسف اللي صار بعد المباراة ...
ان الهلال كان بامكانه يحسم الدوري بيده ... بدون النظر لنتائج الفرق الاخرى !!
لكن الان اعتقد انه بحاجة لتعثر الاتحاد ...
لانه من وجهة نظري ان الاتحاد في حال تعثره قبل مباراة الهلال ...
ستزداد فرصة الامل الهلالي ...
لذلك اتمنى ان يتعثر الاتحاد في احد مبارياته اللي تسبق مباراة الهلال ...
لن اتكلم عن صعوبة المباريات المتبقية للفريقين ...
ولا عن تهاون الفرق الاخرى مع الفريقين او بالعربي (بيع المباراة) ..
ولا عن ضغط المباريات والجدولة الغبية ...
ساتكلم عن ان الهلال قادر على تحقيق الدوري الى الان وهو ما لا يتمناه البعض ...
لان لهم موسم كامل يخططون على اسقاط زعيمنا
المحور السادس : ماهي رسالتك لمدرب الهلال كوزمين ؟ وللجمهور والحضور هذا اليوم
المدرب كوزمين يعجبني بصراحة ...
كل واحد له اغلاط ولازم نمشي والا الحياة ما بتمشي
المدرب ما قصر الظروف هي اللي حدته على اللي سواه ...
غلطته الوحيدة بمباراة الامس انه احتفظ باهم الاوراق للشوط الثاني !!
الجمهور واه يا الجمهور
الجمهور فعلا بدا يقل شيئا فشيئا ....
رغم ان المباراة حصرية !!
للاسف الجمهور غيابه بالامس كان احد الاسباب بالتعادل القاتل للفريق !!
اهازيج الجمهور وصراخهم يصل لقلب كل الاعبين بالملعب ....
لكن للاسف الجمهور غاب ... المتعة غابت ... الروح غابت ... غاب التسجيل !!
لكن بالمقابل لو نظرنا للاسباب ...
اعتقد جدول المباريات احد اهم اسباب غياب الجمهور !!
يعني صعب على الطالب وحتى الموظف اللي راتبه على قده ...
ان يحظر 3 مباريات في اسبوع ...
او يحظر كم هائل من المباريات بكل شهر !!
فاللي يصير بهذي الحالة ان الجمهور يطنش اغلب المباريات ...
وينتظر المباريات المهمة والقوية عشان يحظرها !!
الوضع العادي
