هل للجنة الانضباط هدف معين من نقل مباراة الهلال والقادسية ؟؟ ليش لا
 

يااخوواني صدقوني ان هذي اللجنة لو بيدها خلت الاندية تلعب 14 لاعب لكل الاندية عند مقابلة الهلال. والله كفى اللي صار منهم. يااخوان نقلوها لملعب الملز خدمة لنادي الاتحاد والقادسية . يعني عارفين الهلال لالعب في الاستاد الدولي بتكون في مساحات واسعة واللتي يجيدها لاعبو الهلال وعارفين ان نجوم الهلال يحبون اللعب في مساحات واسعة لتحقيق الفوز. لاكن تم النقل لان عارفين القادسية بيقفل وبيلعب كله دفاع واستاد الملز مساحته اصغر لعل وعسي يساعد في خسارة الهلال او تعادل الهلال على اقل تقدير.. لاتقولون والله سببب مب مقنع لاكن اتوقع يسوون اللي ممكن ياثر على نادي الهلال. والا ليش نقلوا مباراة القادسية والهلال للملز؟؟ مااشوف الا هالسبب والا وش رايكم... تحياتي

لجنة الإنضباط عليها الكثير من علامات الإستفهام حول كل ماهو هلالي .. لأن هذه اللجنة تفتقر للوائح والأنظمة الواضحة والمدروسة ... أكاد أجزم أن من يضع هذه اللوائح لا يملكون أدنى أبجديات القوانين الرياضية .. ولكن شكوانا لرب العالمين

أما بخصوص نقل المباراة إلى الملز بقصد إيذاء للهلال فهو كلام بعيد كل البعد عن الصحة , والدليل بأن لقاء الهلال بالحزم بكأس ولي العهد كان بالأستاد والشباب والوطني بنفس الوقت يلعبون بالملز ...

أحترم وجهة نظرك ... ولكن لا أعتقد أنها صحيحة .. شكرا لك :)

كل شـــــــي جــائز

بــس ياخوي احنــا مانبي ندخل في ذممهــــــــــم

وصدقني الهلال دائمآ رده في الملعب وبكره بإذن الله راح يجيب 3 نقاط ..

والحمدالله كثير من مبارياتنا كانت في فيصل وفزنـــــــــا فيهــا ..

واذا صار اللعب زيــن مايهم الملعب كبير او صغيــر ..

واحنا اهــم ماعــلينــا نــادينــا ..

وتشكرات على الموضوع ..

الله يعطيك العافيه

وماهي غريبه على لجنة الاستعباط

تقبل مروري

بصراحة ، ما يستغرب شيء ، الغريب أن ملعب الأمير فيصل بن فهد أرضيته ليست صالحة للعب ، واستاد الملك فهد فاضي ، ولا فيه أي مباراة ، فكان المفترض أن تكون المباراة باستاد الملك فهد ، حرصا على سلامة اللاعبين ، لإن هؤلاء اللاعبون هم من يمثلون المنتخب ، إذ كانت تهمهم مصلحة المنتخب ..!!

أقول كيف الحال وش هالشك ؟
يمكن نقلوها لملعب الملز لأنهم عارفين ان لاعبين الهلال مرهقين من كثرة المباريات ؟
شوية عقل ياشباب

اقسم بالله عليكم تفاكير مدري من وين تجي000

لنا ثلاث مباريات نلعبها في الاستاد والنصراويين يحتجون يقولون حابكينها الهلاليين

ولما رجعنا للملز احتجيينا حنا الهلاليين !!!!!!!!!!

والحل ؟؟؟؟؟؟؟؟؟

ياناس كبروا عقولكم شوي كلها ملاعب !!!

والهلال ياما خسر في استاد الملك 000 اهم شي الاعبين يشدون حيلهم حتى لو يلعبون في علبة كبريت!!!

مممممممممممممممممممممممشكوووووووووررررررررررررررررررررررررررررر

ماهي غريبه منهم بعد اللي شفناه .. والله انهم ضد الهلال بكل شيء ..

بالتوفيق للزعيم ..

ان شالله لو يخلو الهلال يلعب في علبة تووونه ان شالله وباذن الله ماخذين الدوري
ولا شي راح يوفق قدامنا.......

ان شاء الله راح يسوون اللي يبون ورد النجوم داخل الملعب

الله يعطيك العافيه اخوي

مع احترامي لك هذا العذر جداً ضعيف ومضحك ومستحيل أن يكون والهلال لعب اغلب مبارياته في استاد الامير فيصل بن فهد وليس غريباً عليه، وفي كل السنوات وجميع اندية العاصمة تلعب مبارياتها موزعة بين استاد الملك فهد واستاد الامير فيصل بن فهد..