:: إسأل والمجلس يجيب :: - صفحة رقم 38 - نادي الهلال السعودي - شبكة الزعيم

محروم الهلال · #556 29/01/2008, 02:12 AM

السلام عليكم ورحمة الله وبركاته

اخواني الزعماء استشركم في امر مهم بالنسبه لي
وهو الدراسه الجامعيه ,,
طبعاً انا طالب بجامعة الامام ( قسم عربي )اول مستوى
وناوي احول على التقنيه خاصه بعد ظهور النتائج
وحملت نص المواد

وصراحه تحطمت
خاصه يوم عرفت انه احتمال تقطع المكافئه ,
ابي رايكم هل تنصحوني افصل من الجامعه ونجرب في
التقنيه او لا للمعلوميه معدلي التراكمي 78
انا ابي رايكم بكل صرااااااااحه يا الزعماء

محبة الزعامه · #557 29/01/2008, 02:19 AM

مالك الا الاستخاره .....

مَاهِينُورْ · #558 29/01/2008, 03:03 AM

..
وعليكم السلام ورحمة الله وبركاته ..
هلا محروم الهلال ورده ..
الله يوفقك بااختيار الطريق المناسب لدراستك ..
عذرا لااستطيع افادتك الا كما قالت محبة الزعامة ليس لك الا الاستخارة

..

بالتوفيق

..

فيليبوانزاجي · #559 29/01/2008, 06:13 PM

ياشباب

انا ادرس في كلية الحاسب الآلي وتقنية المعلومات في جامعة الملك فيصل

وان شاء الله بتخصص نظم معلومات

طبعا انتوا عارفين اهمية الدورات

س1:ماهو اقل عدد ممكن من الدورات ممكن آخذه(ماهو الحد الادنى تقريبا)
س2:ماهو الفرق بينICDL وIC3 وماهي الافضل؟
س3:مارايكم بشهادتي مايكروسوفتmcsaوmcdba .
ابي وصف لها ؟و هل هي مناسبه لتخصص نظم المعلومات؟ وهل يجب ان
احصل على شهادات اخرى من مايكروسوفت تؤهلني الى هذه الشهادات؟
وكم مدة الحصول على كل منها؟
س4:ماهي افضل شهاده للشبكات تناسب تخصصي من cicso ؟
س5:ابي اعرف اسماء الدورات الخاصه بOracl وSql ؟
ومن وين اجيبها (انتوا عارفين اهميتها)

الخطه
في بعد السنه الاولى واحده من الشهادتين(ICDL وIC3)بالاضافه الى شهادة من مايكروسوفت
بعد الثانيه شهاده اخرى من مايكروسوفت
بعد الثالثه شهادةCisco
بعد الرابعه Oracl
بعد الخامسه Sql

انا خايف من شهادة مايكروسوفت اللي في السنه الاولى تكون صعبه

الآن ابي آرائكم

أبو فيصل الرحيمي · #560 29/01/2008, 06:39 PM

إقتباس

إقتباس


	ياشباب انا ادرس في كلية الحاسب الآلي وتقنية المعلومات في جامعة الملك فيصل وان شاء الله بتخصص نظم معلومات طبعا انتوا عارفين اهمية الدورات س1:ماهو اقل عدد ممكن من الدورات ممكن آخذه(ماهو الحد الادنى تقريبا) اللي أعرفه إن المجال مفتوح أمامك , وأغلب الطلاب اللي عندنا بالصيف ياخذون أكثر من كورس وشهادة من الهند س2:ماهو الفرق بينICDL وIC3 وماهي الافضل؟ الأولى أعرف إنها قيداة الحاسب الآلي تتعلق بالأمور البدائية بالحاسب الثانية لا ما أعرفها (( توني بأول سنة )) س3:مارايكم بشهادتي مايكروسوفتmcsaوmcdba . ؟؟؟؟ ابي وصف لها ؟و هل هي مناسبه لتخصص نظم المعلومات؟ وهل يجب ان احصل على شهادات اخرى من مايكروسوفت تؤهلني الى هذه الشهادات؟ وكم مدة الحصول على كل منها؟ س4:ماهي افضل شهاده للشبكات تناسب تخصصي من cicso ؟ س5:ابي اعرف اسماء الدورات الخاصه بOracl وSql ؟ ومن وين اجيبها (انتوا عارفين اهميتها) الخطه في بعد السنه الاولى واحده من الشهادتين(ICDL وIC3)بالاضافه الى شهادة من مايكروسوفت بعد الثانيه شهاده اخرى من مايكروسوفت بعد الثالثه شهادةCisco بعد الرابعه Oracl بعد الخامسه Sql انا خايف من شهادة مايكروسوفت اللي في السنه الاولى تكون صعبه الآن ابي آرائكم

على فكرة رح لمنتدى جامعة الإمام (( قسم كلية الحاسب الآلي )) أو جامعة الملك سعود (( قسم كلية الحاسب ))

راح يفيدونك ,, بالتوفيق

عاشقة الزعيم15 · #561 29/01/2008, 06:59 PM

في موضوع اسمه اسأل والمجلس يجيب

حط استفسارك هناك وان شاء الله يفيدونك الاعضاء

al-maseeke · #562 29/01/2008, 07:00 PM

والله كان ودي اساعدك بس محسوبك
طالب تمريض
تحياتي,,’’

جوليانا · #563 29/01/2008, 10:40 PM

اتمنى لك التوفيق

Blanco Soul · #564 30/01/2008, 09:57 AM

حاب اشكر المجلس الرائع والرائع جدا ..

بغيت اسالكم يالغوالي ..

اما ماعندي فكره عن اي شئ بالابتعاث الخارجي ..

لكن طموحي الابتعاث بأذن الله ولكن بغيت اسئل يعني ..

لو ببتعث على حسابي الخاص كم يبي يكلفني مدة مثلا 3 سنوات كم ؟؟ ..

ماجد النعيمي · #565 31/01/2008, 10:48 PM

السلام عليكم

كيفكم زعماء وزعيمات , ,

المهم الأسبوع الاول مر ع خير وبإذن الله الدرجات تكون زينة

المهم في موضوعي اختبار الوزارة هل هو مقرر الفصل الثاني ؟؟

وانا ادرس في ثالث ثانوي (علمي )

لان فيه ناس يقولون يمكن من ادراة اشراف منطقتكـ ؟

فلو حطوا الاختبارات النهائية للفصل الدراسي الثاني من الوزارة

فوالله حرام وظلم ,,

معدل تراكمي ووزارة مو معقول ابداً .. !!

والله يعين طلاب صف ثالث ثانوي ويوفق الجميع

تحياتي

وليد

ورده

فزاع الاجيال · #566 31/01/2008, 10:58 PM

لا ما فيه وزاره عليكم ..

لكن ان مره تازمت تازمت وهذا مستحيل ..

تصير تبادل بين المدارس .. او على الاشراف التربوي .. وهذا مستحيل ويكون فيه ظلم للطلاب في المناطق المختلفه ..

ناس تجيهم سهله وناس صعبه ..

فـ الي اعرفه .. انه ما فيه وزاره لكم ابد .. والاسئله من المدارس ..