|
معاناة شاب سعودي اسعد الله اوقاتكم مالي غير شبكه الزعيم اشكي اليها يعني الواحد يتعب في دراسته ويشد حيله ويتخرج ويجلس في البيت والله ياشباب اني اعاني من 8 شهور وانا ادور وظيفه وللاسف مالقيت مع العلم اني متخرج من جامعة الملك سعود قسم اداره ماليه بتقدير جيد وكل مارحت مكان وسويت مقابله قالو ندق عليك وانا على الحال من 8 شهور والله من القهر الي فيني اكتب هالموضووع احنا ابناء البلد مالقينا وظيفه الواحد يبي يبني نفسه ومستقبله مع العلم اني فقدت الامل اني اشتغل والواحد مهما كان مايبي يعتمد على اهله طول عمره اتمنى صوتي ينسمع وانا اتكلم بلسان الاف الشباب ياناس جامعي ومالقى وظيفه اجل كيف الي معهم ثانوي ختاما شكرا لكم |
أخوي (( عز الرياض هلالها )) .. والله إن القلب يحزن من سماع هالطاقات الشبابية المُستغنى عنها بلا سبب . لكن مالك إلا دعاء وأنا أخوك .. والله يرزقك الوظيفة الطيبة إن شاء الله . وإن شاء الله الصبر فيه خيره لك . الله يوفقك إن شاء الله . |
إقتباس:
الله يعطيك العافيه ومشكور على شعورك وان شاء الله تنفرج قررريب |
عز الرياااض هلاااالها ،، انا انصحك تكمل مااجستييير برى .. كل تأخييرة بخيررررة .. |
والله وانا اخوك حتى البعثات صارت بالواسطه وبيني وبينك انا بكمل ماجستير اذا اعرست ان شاء الله |
الله يرزقك الوظيفه الي تحقق طموحكـ عليك بالدعاء ياخووووي وشوف الاعلان الي فوووق مثبت يمكن يساعدونك الله يوفقكـ |
مشكوره اختي الهنوف بس الاعلان يختص الثانويه يعطيك العافيه على تواصلك |
أخوي عز الرياض هلالها .. للأسف هذا حال الشعب السعودي .. وازيدك من الشعر بيت فيه ناس تخصّصاتهم في هندسة الحاسب وغيرها وبالغصب لقوا وظايف على 3 الاف و4 الاف .. مثلما قالوا الاخوان اللي فوق كمّل ماجستير وان شاء الله تتفوق بعدها .. وعليك بالدعاااء .. الله يوفقك وييسر لك الوظيفة الزينة ويوفق جميع ابناء الشعب لما هو خيرٌ لهم .. لاهنت :) |
اخوي عز الرياض هلالها فيه تقديم بشركه زين الكويتيه قدم عليها اعرف واحد انقبل هو بس ارسل لهم السيره الذاتيه عن طريق الايمل و اتصلوا عليه وسوى مقابله شخصيه وانقبل محتاجين ناس كثير مع العلم ان التقديم بالثانويه والجامعه جرب ان شاء الله تتوفق فيها اما البريد والله ماني عارفه بس انت دور عل موقعهم وانا احاول احصل البريد فمان الله |
اخوي احمد شكرا لك ولحرصك وانا مقدم في زين من اسبوعين والله ماخليت شي ماقدمت |
× * × اللـه يوفقك إخوي مالك إلا تدعي ربك يحلهـــا من عنــده ويفرجهــا لك ولغيـــرك للأسف كثيــر مثـل حالك ، شبــاب جالسيــن ببيوتهم لا إستفــادوا لا من دراسة ولا من سنين عمــرهم اللي راحت كمــل دراسات عليــا ، على الأقــل أحســن من الفـــراغ والله يوفقك :: |
شكرا لك على موضوعك وتغطيتك الرائعه بهذا المنتدى الرائع وتقبل مني فائق التحيه والاحترام . |
مشكورين على المرور والله يفرج همي عاجلا غير اجلا نورتو الموضوع بطلتكم |
الله يوفقك انشالله اخوي في معهد اسمه(معهد التدريب الاداري) يختص بالتدريب مع الراتب قبل الوظيفه على طرق العليا عمارة الفالح مقابل العقارية الثالثه الدور الرابع وهذا رقم منسق التدريب 0503260697 اسمه(معين يوسف) ابو تميم وهذا تلفونهم 4620305 (01) عندهم عدة شركات وانشالله يفيدونك وانا انصحك انك تكمل ماستر ودكتوراه احسن لك والله يوفق الجميع انشالله اخوك محمد2242 |
بيض الله وجهك يامحمد والله يعطيك الف عافيه وان شاء الله بكلمهم |
طييب ماعندك واسطه ؟؟؟ بصراحه الحين مايتوضف الا اللي عنده واسطه قويه ........ الله يعينك اخوي ...... وبالتوفيق لك |
كنت اعتقد انه عندي واسطه بس وانا اخوك الكلام سهل واذا جا الجد محد يرد على جواله |
ياخي انا يركبني جني لا قال احد انا مالقيت وظيفه شلون مالقيت وظيفه ياخي ياكثر الوظايف بس وين الناس الي تدور شكلك رحت موبايلي والاتصالات وزين وماقبلون ياخي دور في المستفيات الشركات الخاصه اي مكان تاخذ منه خبره انا محاكيك معي ثانوي وبسسسسس اعرف شوي كمبيوتر وشوي انقليزي لقيت وظيفه في مستشفيات وش كثرها وراتبها 4500 تصدق ولالا بس للأسف انتم ياشباب ماعندكم سالفه تروحون قرفانين ماتعرفون تتكلمون انا ما اقول انك منهم بس ياخي لاتيأس والله الوظايف اكثر من الهم بس ماعندك ناس تدور شف انا بعلمك ادخل سو لك سيرة ذاتيه بالانقليزي فيه مليون موقع يسوي سيره ذاتيه وحط شهادتك ولو فيه شهادات ثانيه حطها وصور الشهاده 20 نسخه ومثلها بطاقه احواله وشهادات الخبره وودها لكل مستوصف كبير وعياده وسوبر ماركت اي شي قطاع خاص وتشوف مبناه كبير او تحس انه قوي ادخل عليهم عطهم اوراقك وحاول تقابل المدير التوظيف((هالنقطه ضروريه جدا جدا عشان يعرفون انك متحمس)) ولو ماتوظفت في اسبوع احلق شنبي واحط صورتي بالمنتدى :) 1-مستشفى العسكري 2-الحرس 3-المشاري 4-دله 5-الحبيب 6-عندك فنادق الفيصليه والمملكه والخزامى والانتركونتنتال 7-العيادات الكبيره 8-مدينة الملك فهد الطبيه 9-بنك الراجحي اوالبلاد 10-مصانع الحلويات المشهوره:جلكسي-كتكات-نستله..الخ 11-المكاتب العقاريه الكبيره :بن سعيدان...شفلوت مدري وش اسمه ذاك 12-وكالات السيارات ترى رواتبهم زينه وعندهم بونص يحبه قلبك يوصل 10 آلاف 13-الخطوط السعوديه ناس سما ...شركات الطيران يعني 14-جريدة الوسيله حط فيها اعلان بمواصفاتك ودور فيها تلاقي 15-مصانع الألبان ..الصافي المراعي العزيزيه هنا نادك.. راح اوقف عند رقم 15 لأني احب يوسف وتراني عند كلامي لو مالقيت وظيفه لادرت على كل هالمحلات بشيل شنبي واحط صورتي هنا :> تحياتي لك |
الله يكون بعونك ... الفرج عند الله يا خويه ... مالك الا الصبر ... وصدقني كل مكان فيه وظايف ... لكن شبابنا ما يقبلون بوظايف ما تليق بسمعتهم اونه ربي يفرج همك وكربتك يا رب |
سؤل الحسن البصري عن سبب زهدة فى الدنياء فانظروا ياخواني الى كلمات العبد الزاهد المؤمن بالله قال : علمت ان زرقي لن يأخذة احد غيري فاطمئن قلبي الله اكبر وانااقول ياخوي والله لن تموت حتي تاخذ رزقك والله يرزقني ويرزقك الجنه والدنياء متاع الغرور |
اخوي كارلتون خلني اكون معاك صريح انا في البدايه كنت مابي اتوظف الا في بنك وذلك بسبب شهادتي بس من شهرين وانا ابي اشتغل في اي شي وباي راتب والحين انا قدمت في وكاله سيارات ووعدوني خير وان شاء الله تجي الوظيفه قرريب بس بيني وبينك الراتب مايتعدى ال 5 الاف مشكور على تفاعلك اخووي دلوعه الامارات يعطيك العافيه واسمحيلي القبك باطيب قلب في المنتدى من خلال متابعتي لك وفديت الامارات واهلها ابو نواف عوافي اخوي والله يكتب الي ف يه الخير |
سلااااااااااااااااااام عليكم عليك بكثرة السجوود ...والصبر مفتاح لكل خير ..الصبر فرجه جميل .. لعلى الله يرزقك بوظيفة تنبسط فيها ..أكثر من اللي فات وانت عاطل فيه.. وفقك الله |
اخوي عز الرياض هلالها انا باعطيك من الاخر اذا عندك سيرة ذاتية بالانجلش فيها رقم جوالك وبريدك ارسلها لي على الخاص وحاول تكون السيرة الذاتية دسمة ، يعني الدورات الخبرات حتى لو كنت ليدر في الجامعة اكتب اكتب كل شيء لك المحبة اخوك فهد الشهراني |
الله ان شأالله يرزقك بالشغله الي ان شأالله تتمناها يارب وكل قاعد (عاطل) |
تووك بعد الحين لك 8 شهور ومنهبل فييه شباب لهم 8 سنين وهم يدورون وظايف واللي يقول الوظايف في كل مكان ماشفنا شي و ماغير الأجانب بالشركات وبكل مكان وشبابنا مايلقون لهم وظايف عموماً الله يوفقك ويسهل عليك |
إقتباس:
وجعله في ميزان حسناتك |
إقتباس:
يعني عاجبتك جلستي انا اشوف شهر واحد اجلس فيه شي كثير ع العموم تحياتي لك |
عزوز حايل معتز وامل هلالي يعطيكم العافيه على مشاعركم |
مشكورين على التفاعل وجزاكم الله خير اخواااني واخوااااتي |
بعد 8 شهور من موضوعي احببت ان اخبركم اني ولله الحمد توظفت قبل شهرين |
إقتباس:
وفقك الله الى كل خير .. ورده ومن صبر ظفر :yes: طبعاً رفع المواضيع القديمة يستحق صاحبه الانذار لكن هنا حاله خاصة :) اكتفي باغلاق الموضوع :stoned: دمتم بخير ,, |
الله يبارك فيك اعذرني اخوي مااجد ماعرفت انها مخالفه بس بالصدفه لقيت موضوع قديم لي وحبيت اضيف الرد شكرا لك |
| الوقت المعتمد في المنتدى بتوقيت جرينتش +3.
الوقت الان » 10:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd