نقزت على واحد من اخوياي نصراوي ( جاي معنا يبي يستهزي فينا اذا انهزم الهلال )
من اللخبطه ضميته بس صدق النحس نحس ( طلعت بتورم بضرسي ) هذا انا من اليوم وانا اتوجع من ضرسي

كن اناظر المباراه في الاستراحه

وكان عندي سحلين مايدري وش الكوره

قاعد يقرى الجزيره يدور اسمه مع اللي طلعلهم منح اراضي

وكان قدامي دفايه قاز اثريه حقت واحد من العيال

المهم يوم جا الهدف الا واصفق هالدفايه .الاها قطع

وخويي اللي عندي انهبل مايدري وش السالفه

وقام وزعل علي

وانا متوهق براعي الدفايه مدري وش صرفته

انا ياخوان

كنت اشوف المباراة في الصاله ومعي 3 من اخواني وكلنا هلاليين متعصبينs13s

المهم بعد هدف مالك الصدفه :upset: تحطمنا وجالسين نسب اللاعبين.. ونسب بعض:razz:

المهم يوم جاء هدف ياسر الثاني واقوم انا واخواني والصاله ماشاء الله كبيره

ونركض ونزحلق على بطوننا واحنا بجنب بعض >>> زي فرحة التيماوي زمان

ونجلس على هالحال على بطوننا دقيقتين صياح :d

وشوي ويدخل الوالد ويشوفنا على هالوضع انلحس :d

ماينلام شايف قدامه 4 على بطونهم ويصايحون :d:d

ولا يفوتكم اخويه الكبيره بشنبه ولحيته ومعنا ههههههههههه

وعلى طول الوالد بعد ما استوعب الوضع ... يطردنا من البيت كلنا :d

اخوي الكبير متزوج وطلع معنا فره وفله لين نام الوالد ورجعنا :d
ههههههههههههههههههههههه

هههههههههههههههههههههههههه حلوة بس لا تعيدها مرة ثانية

هههههههههههههه الف مبروك
كنت اشوفها مع زوجي العزيز وهو ماهو هلالي ((اتفاقي))
وبعد هدف مالك خنقتني العبرة بجد
ولما سجل ياسر هدف الثواني
اخذت جوال زوجي وطرطخ بالجدار وما بقي منّه الا الشريحةs13s

الله يعين ابشتري له جديد:d

اووووووووووه ردة قوية رحت مترت بـــيـــتنا دورت فية بس ميهب

اي دورة في اربع ثوانب بس وطلعت محيط البيت بس انا اشهد اني تكرفاست

بــس هذا كلة لعيون الزعيم يهووون

الصراحة كنت بالملعب معاي اولاد اختي يعني صغاااااااار من الفرحة شويارميهم من الفرحة بس ربك ستر وانتبهت انه عيال اختي

والله موضوع حلو ...

ردة فعلي .. تجرحت حنجرتي .. :)

اول ماجا هدف مالك بغيت اقطع شعري من كثر ما شديت فيه هههههههههههه

اما هدف الفوز يوم جا والله صرخت صرخه مدويه على قولهم وصرت اضحك ضحك هستيري وكانت الخدامه طالع فيه كأنها تقول وش فيها >ي انجنت؟؟

هههههههههههههههههههههههههههههههههههههههههههههههههه
حلوه ......

انا قعدت اناقز من الفرحه وقعدت اصارخ وقول قووول الين ما انفجعوا الاهل
همن سكت و بعدها حمدت ربي

بغيت اصيح معه ياناس من جد هدف حاااااااااااسم ..!

الله يوفقك ياقناص

انا مناظر المباره بالاستراحه وكانت الاستراحه مليانه مررررررررررره وكنا كلنا هلاليين الا واحد نصراوي وبعد هدف ياسر قمنا اناقز لين خربنا الفرشه ومن زود الفرحه بديت ادمع وطعت برى الاستراحع عشان ما يناظرووووني العيال

انا يوم جا هدف مالك بغيت اصلع من كثر ماشدشدت في شعري

ويوم جاب ياسر الهدف صرت اصععععععععععععععق بأعلى صوتي واضحك ضحك هستيري وصارت الشغاله مبحلقه فيه تفكرني انجنيت

هههههههههههههههههههههههههههههههههههه