|
رغم إبداعه في مباراة اليوم...لازال هذا اللاعب مهمش بين الجماهير ألف مبرووووووك الفوز يازعماء رغم ثبات مستواه وإبداعه في المراكز التي لعب فيها سواء في المحور أو الوسط الأيسر أو الظهير الأيسر إلا أن محبي الزعيم لم يعطوه حقه من الاشادة والدليل في مباراة الأهلي اليوم وبالتحديد لحظة تسجيل الهدف الثاني كل الإشادة والمديح كانت من نصيب ياسر القحطاني والجميع تناسى من هو صاحب التمريرة وأتوقع البعض حتى كتابة هذا الموضوع لايعلمون من هو صاحب التمريرة القاتلة إنه اللاعب الكبير إبداعا وخلقا الكابتن: عبدالعزيز الخثران قليلا من الإنصاف يامحبي الزعيم |
صح كلامك ماقصر عبدالعزيز يبدع في كل مباره مشكور:) |
كفؤؤؤؤؤؤؤؤ والله يالخثران كفى ووفى وننتظر منه أكثر بالمرحله القادمه وهي الأصعب ويالله التوفيق |
ولا ماقصر حبيب قلبي (( عزووز )) .. وربي بطــل بالتوفيق .. |
والله إنك صادق ياخي الخثران مظلوم والله يبدع ولا نسمعله طاري الجماهير يبغون كعوب وباص عيون مايبغون لعب جماعي وصناعة اهداف على العموم مبروووووك الفوز |
افضل لاعب في الشوط الثاني التائب والخثران |
عزيزي اللي يقول لك ان الكابتن عبدالعزيز الخثران مايعرف يلعب .. هذا ثقافته الكرويه لسا تحّـبي .. ماتعلمت المشي حتى الخثران نجم فوق العاده بكل مباراة .. بس لازم تتعود على عقليات اللي يفتون لك باشياء غريبه مثل : نواف سئ .. ياسر مو لاعب حسم .. الخثران مايعرف يلعب .. هالاشياء زبد بحر وتروح وتلقاهم مع اول فوز اول من يمدح هم |
الخثران يعرف راينا فيه ما بينا شكوك |
هذي الكورهـ عندك الخثران وعزيز والدعيع انواع الخسف بحقوقهم |
بطل وكبيررررررررررررر يالخثران |
كلمة شكر لن توفي هذا النجم حقه حتى بالاعلام بس ربي يسعده دنيا واخره لاعب مبدع وفنان داخل الملعب وخارجه بروحه واخلاقه العاليه شكرا لك كابتن :smilie47:عبد العزيز الخثران:smilie47: |
الخثران لازم تكون له لمسات في كل فوز هلالي |
والله نجم فوق هام السحاب ولا تنسوا اللي سواه بمباراة فالنسيا |
ولكــــــــــــل اللاعبين نقول لهم شكراً |
اي والله انك مبدع ماقصروا مباراة مبدعه كايد |
الخثران لاعب ممتاز ومايحتاجله شهاده |
والله عبدالعــزيز الخـثـران لا عـــب ممــــــتــاز .. ويــعطيـه الــعـافيـه مـا قصـر والله مـع الهـلال .. |
لا والله ما عنده سالفة ,, انواع التكسير من بداية المباراة ,, وهذا سلاحه الوحيد ,, وزين انه ما انطرد ,, هذا غير تمريراته الخاطئة في المباراة ,, اللي اصبحت سمته البارزة ,, وبالنسبة لتمريرة الهدف ,, ترا هو ما عطاها ياسر قدام الباب ,, ياسر مستقبل التمريرة من نص ملعب الأهلي تقريباً وكان فيه اربعة لاعبين أهلاويين جنب ياسر ,, وياسر بمجهود فردي منه قدر يسجل الهدف ,, يعني بالعربي تمريرة الخثران تمريرة عادية ,, مثل اي تمريرة في المباراة ,, وماهي تصليحة هدف عشان تقعد تمدحها ... |
انا من ناحيتي احمله الهدف الاول 80 % تغطيته في الدفاع زفت للاسف شاهدو هدف اليوم وهدف المنتشري في النهائي الماساوي ( هذا رايي ) |
صح كلامك ماقصر عبدالعزيز يبدع في كل مباره |
الخثران لازم تكون له لمسات في كل فوز هلالي يستاهل |
الخثران بعيد عن الاعلام واعتقد ان هذا افضل له وهو اللي مخلي مستواه ثااااابت وبالتوفيق له |
إقتباس:
1-يعني حتى كلمة شكر ماتبي تقول لها للاعب هلالي 2-وبالنسبة لأنواع التكسير من بداية المباراة فالحكم أجنبي ومن أسوأ الحكام الأجانب اللي حكموا في الدوري والدليل عدم احتسابه لبلنتي في الشوط الاول لملامسة الكرة للاعب اليد الاهلاوي وفي الشوط الثاني كرة ياسر التي احتج عليها ياسر كثيرا وحماسه منقطع النظير في اعطاء مسفر القحطاني للكارت الاصفر يعني بالعربي لو الخثران لعبه خشن كان ماقصر معه الحكم 3-والتمريرة اللي تقول عنها عادية انت مدحتها من حيث لاتعلم وقلت بين اربعة لاعبين والتمريرة من منتصف الملعب وتوصل لياسر!!يعني هذي تحسب للكابتن عبدالعزيز وليست ضده وبعدين ترى ماكانوا اربعة لاعبين كانوا اثنين وبعدين اللاعب البرازيلي كان خلف ياسر في الاخير وشاكر لك مرورك امير روما |
الله يوفقه .. ماقصر اليوم .. فشكراً ياعبد العزيز .. |
قسم بالله أنه من افضل اللاعبين اللي اثق اذا جات الكوره معه وبعدين لاعب عنده حب الهلال ومخلص داخل المستطيل الازرق عفوا <<<<<< من حبه في اللون الازرق ,,قصدي الاخضر,,,, واكثر لاعب يقطع كوره وهذا يحسبله |
والله ماقصر لكن تنقله بين المراكز ضيعه |
اقسم بالله هذا الاعب خراااااااااااااافي خراااااااااااافي في كل مبارات له لمسات لعبات جووووووووووكر ياناس يلعب في اي منطقه اهـ والمشكله عمره 34 الله لا يضره الله لايضره الله لايضره مشاء الله عليه تفي ماشاء الله اشكرك اخووووي على انصاف هذا الاعب الكبيررررررر |
الخثران باختصار هو روح الهلال مع زملائه اللاعبين |
يااااااااااااااااااااااااااااااااااااااالبى قلبه الخثراااااااااااااااااااان والله انه بطل الابطاااااااااااااااااااااااااااااااااااااال الجندي المجهول في كل المبارايت اللي يلعبها تسلم اخوي على طرحك العسل |
,والله ماقصرابوسعود ولا ابوسعيد |
إقتباس:
اقسم بالله ودي اشوتك باكبر ماعندي انتو ووجهك قل شكرا على الاقل لهذا الاعب اها لوه ما ناول لياسر كان انت قاعد تبكي على البطوووووووووووله والله ما ابي انفعل وكل ما قلو قالو نهائي العام يعني عشان مبارات وحده وغلطه وحده وابشرك والله ماله دخل رح رح انت ووجهك بس توكل على الله |
ماقصروا كلهم والله الخثران والدعيع لا ننساه وكوزمين ماقصر |
عبدالعزيز الخثران لاعب مبدع ومقتال وبالتوفيق للهلال |
إقتباس:
هد أعصابك ياقروووش وافرح بالفوز وبصراحة الأخ رده غريب في حق لاعب هلالي وهذا والفريق فايز أجل لو مهزوم لاسمح الله وش بيسوي شاكر لك مرورك أخوي |
إقتباس:
ليه ماتحترم راي الاخر :) انا راي ان الخثران تسبب في الهدف الاول وراي فيه انه مايعرف يخش على الاعب شوف هدف الاهلي اليوم وهدف الاتحاد في النهائي على العموم نتمنى له التميز في الكتيبه الزرقاء |
لاعب مبدع في كل مركز جوكر درجه أولى وسيفتقده الهلال |
مبدع الخثران لاكن ياسر جاب القول لو كل واحد زبط هدف ونبي نفرح عشانه اجل ما احد جايب هدف كلهم بيزبطوا اهداف |
والله اليوم ماكان بمستواه المعهود |
الخثران لازم تكون له لمسات في كل فوز هلالي |
... الخثران نجم فوق العاده بكل مباراة ... صدقت اخوي asxza |
والله ماقــصر (( عبدالعزيز الخثران)) مبـــــــــــــدع الله يعطيه الف الف عااااااافية الله يوفقـــه ياااااااااااارب |
صح كلامك ماقصر عبدالعزيز يبدع في كل مباره مشكور:) |
والله عبدالعزيز الخثراااااااااااااااااااااان والله لعيب ماشاءالله تبارك الله وبالتوفيق له |
بالنســــــــــــــــــــــــبه لي الخثـــــــــــــــــــــران الله يجــمل حالـــه ويوفقــــه منذ مبطــــي وانا اشــوفه وهذاا مستــواه ابـــوسعـــــود ... مايتغيــــــــــــــــــــــر يــــــــــــــــزيد ولا ينقـــص بيض اللــه وجهه ...... |
نعم يجب أن يأخذ اللاعب حقه من الظهور الإعلامي والأضواء وهذا دوركم يا أعضاء منتديات الهلال |
ما قصر الشيخ عبدالعزيز واللة يكثر امثالة لعب اليوم مباراة كبيرة وافضل لاعب فى الوسط حتى نزول الشلهوب |
لالالا مو مهمش من قبل الجماهيير الخثران على روسنا من فوووق لكن مهمش أعلاميآ ... مشكوور على الطرح خييو |
ماقصر الشيخ:عبدالعزيز وهو صحيح مهضوم اعلاميا لكن يشهد الله انه من احب الاعبين الى قلبي بالتوفيق له ولبقية الكتيبة الزرقاء |
إقتباس:
إقتباس:
اول شئ يا حبيبي الموضوع عن الخثران ,, وعن مستواه في المباراة ,, وانا رديت على الموضوع في حدوده ,, وقلت وجهة نظري اللي تمثلني انا وحدي فقط <<<< يعني ما احد مسؤول عنها غيري ,, وبعدين انا اشوف اني ما جبت طاري نهائي الإتحاد في ردي ابداً ,, لأن لو بندور في اللي راح لقينا الهوايل ,, مهوب النهائي الحاله ,, وما ادري من وين انت جبت طاري النهائي ,, وبالنسبة لكلامك ان ياسر لو ما جاب الهدف اني بقعد اصيح هذي شلها من راسك ,, لو يخسر الهلال 100 بطولة وكلها يطلع من النهائي ما نزلت دمعة من عيني ,, البكي والصياح مخلينها لك وأشكالك ,, ولا انا ادري ان راس مالها كورة لا راحت ولا جت وثاني شئ اذا ردي ما اعجبك قل انه ما اعجبك ,, وترا مهوب غصب انك تقتنع برأيي اللي قلته ,, بس انها تاصل لدرجة الألفاظ السوقية اللي قلتها فهذا شئ انا ما ارضاه ,, والفاظك هذي تدل على تربيتك واخلاقك ,, وكلامك ذا تقوله في الشارع مهوب في منتدى الزعيم .... وبعدين من تكون انت عشان تقولي توكل على الله !!!!! |
والله اللاعب ماقصر ماشاالله بكل مكان يلعب وبكل مكان تلقاه ماشاالله تبارك الله والى الامام ياعزووووووووووز |
فديتك يا عزوز جوكر... الله يوفق الاعب والهلال.. |
الخثران والله لاعب كبير بسسسسسسسسسسسسسسسسسسسسسس نسيتوا لاعب ماعطيتوه حقه هو عمر الغامدي |
الخثران الآن من أهم ركائز الهلال و لاعب يلعب بكل مكان ما شاء الله ... . . . . |
عبدالعزيز الخثران لاعب ابداع واتقن في جميع المراكز . كثير من اهداف الهلال والهجمات الخطره يكون الخثران له بصمه فيها والدليل هدف ياسر من صناعة الخثران . الخثران لاعب لايختلف عليه اثنين الا عديمي الثقافه الكرويه لاكن (القافله تسير و ........ تنبح) . الى الامام ياكبتن عبدالعزيز . |
ايه والله الخثراان لاعب كبير ولاتنسون هدف اللي على النصر هدف عالمي على طريقه الكبااار |
| الوقت المعتمد في المنتدى بتوقيت جرينتش +3.
الوقت الان » 10:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd