|
كيف تبغى نحترمك وانت كذا يا شرطي ؟ السلام عليكم كيفكم عساكم طيبين 7 7 والله العظيم فيه ناس مايحترمون المواطن أياً كان رجل او شاب او شايب . . انا ماكتبت الموضوع إلا بعد ماصار لي موقف اليوم اليوم رحت للبنك ووقفت غلط وكان الموقف لا يؤثر ع حركة السير ويجي شرطي طوط طوط طوط :d الرخصة والاستمارة قلت طيب < < ماعندي رخصة :d عطيته الاستمارة وقال وين الرخصة قلت ماعندي قال الاحوال وعطيته . . وسجل علي مخالفة ( ياليت اللي يعرف كم سعر المخالفة يقلي ) :) سجل المخالفة لاني وقفت غلط . . وقال احمد ربك اني ماعطيتك مخالفتين << يقولها باستهزاء . بعدها قلت له بالحرف الواحد :- ليش تنفخ طيب :razz: قال ع كيفي انت غلطان وتستحق المخالفة قلت طيب انا مخالف ماقلت شئ .. بس حسن اخلاقك شوي :yes: وبعدها قال :- رح لاعطيك مخالفة ثانية قلت : انا محترم البدلة اللي لابسها لكن مو محترمك شخصياً < رد قوي وقال خلاص روح بس ... :upset: ......................... والله ياناس لو تشوفون كيف اخلاقه تقولون سويت حادث ومات واحد < لاسمح الله اخلاق زفت وانتم بكرامة :bigeek: تذكرون حلقة طاش ماطاش عن الشرطة مرة يجونك طيبيين ومرة يجوونك اخلاقهم زفت :d والسلام خير الختام تحياتي وليد |
معهم حق وأنت الغلطان الغلط راكبك من راسك شلون توقف غلط وماتبيهم ينافخون 8 8 8 إن المستخدم أعلاهـ يرغب أن ينجلد :D شف يا عزيزي والله مدري بس العسكري أخلاقه كذا خاصه لاصار من المرور يختلف عن الشرطه لأن المرور محد يحترمه لأنه راس مالها مخالفه بس أنت لا تجادل خله ينافخ همن يصكك بمخالفه قول له شكرا وطبعا أصابعك مو سوا |
والله للاسف يقولولنا احرتم العسكري ووالخ انا في مباراة مانشستر طلعت وكان زحمة في الدرج يوم وصلت وقلت للعسكري شوي باللهي خلنا نمر قام وزحف شوي ومريت وقلت للعسكري للي عند البوابة بشرب موية وارجع قالي بكل طيب وهداوة تفضل وانا راجع العسكري الي زحفلي ومريت قالي لا تدخل :upset::upset::bigeek: قلت ليش قال اقولك لا تدخل واطلع براااا الملعب :bigeek::bigeek: قلت سلامات ومسكني وقال لعسكري الثاني خش التوقيف قلت والله ما اخش وش سويت وطقاق وبس وما ادري وش السبب الين جا ولد عمي ونفخ عليه وقاله والله لو ما يدخل لا افصلك اليحن وما مرت 5 دقايق الا مناديني العسكري الثاني :yes: وقالي نط من فوق ولا يشوفك ذا العسكري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
هلا بـ سمي وليد :smilie47: والحمد لله على السلامة ورده والمخالفة ان شاء الله ما تتعدى 900 ريال :razz: وبعدين الله يهديك وشلون تسوق وما معك رخصة :stoned: ووسع صدرك يا ابو خالد :smilie47: دمت بخي روعافية ,,, |
ههههههههههههههههههههه لو انا عسكري ركبتك الدوريه ثم والله مايردني إلا نهر الفوكس ليه تقول لي لا تنفخ < عشاق برزن بريك يعرفون وش نهر الفوكس احمد ربك اللي جات على مخالفه وبصراحه انا احتكيت في رجال الأمن كثير < مجرم ههههههههه اقصد رجال المرور فيهم ناس والله يحرجونك بأدبهم وفيهم ناس والله مايسوون التاليه من الغنم انت خلك مؤدب ومحترم لأن السلطه بيده ومحد بيلومه دامه لابس البدله العسكريه يعني محد بيتوهق غيرك الحين بعض الجنود ملطشينهم ضباطهم وتلقاهم يطلعون حرتهم في المواطن انت اذا عطيته شويه احتراام كذا يحس بقيمه نفسه ويسهل أمورك خلك سياسي يعني بالنسبه لقيمه المخالفه قبل سنه كانت بـ 100 ريال أذكر أخذتها في مطار الملك خالد 000 يعطيك العافيه وليــد وفعلا هاليومين الواحد يداري رجال المرور لا يبلش بهم |
إقتباس:
ياهلا علي والله من تبغى تنجلد :upset: ياخي لو تشوف اخلاقه والله تقول صدقت يا وليد :surprised: ولاهنت ع المرور إقتباس:
ياليييييييييييييل ما أطولك . . :wallbash: إقتباس:
ياهلا والله والله موقفك غريب شوي يطلعك العسكري في مباراة العمر ومباراة اعتزال الذئب الحمد لله انك دخلت . ولاهنت ع المرور إقتباس:
هلا والله بـ سمي :d :smilie47: المخالفة الحين ما عرفت كم هي :razz: والله الرخصة اقول بطلعها بكرة إن شاء الله ويجي بكرة ويجيني ظرف وانسى بإذن الله اطلع وارتاح ولاهنت ع المرور :smilie47: إقتباس:
اللي مكتوب بالاحمر اعجبني هذا اللي كنت بوصل له ومثل ماقلت ملطشين الظباط ويكون يفكون حرتهم فينا يالمواطنيين لاهنت ع المرور احمد < عرف اسمك :d |
. عادي وليد .. بـ ........... ما عليه شرهه :D .. |
:dوش ذا الدلع والدلال <<<قصدي من العسكري ياخوك لو انا مكانه ضفيتك بخلاقينك للحجز وما تطلع الا بتسديد جميع المخالفات وتجلس 18 ساعة <<<<محجوز على شان رخصة:wallbash: نظاما يحجزك على شان الرخصة بس هالعسكري الصراحة باله طويل شكلك ماجربت العسكر زين <<<<< متلوووع منهم 13 سنة قيادة سيارات حول المملكة اجل تقوله ما احترمتك الا عشان البدلة <<<ياكثر ما تنقال هالكلمة <<يعني العسكر يرتفع ضغطهم منها <<<يعني انتبه لا تعودها وتقولها لواحد ثاني <<<اسئل خبير حجز الناصرية ابو عزيز:d جعلك ما تجرب عسكر مكة <<<منتهى الاخلاق والاريحية <<<يحطونك بالحجز وهم بالطريق يوقفون عند باسكن روبنز:d ويشترون لك ايس كريم :d<<يعني حجز بارد <<ماله دخل:d |
اخوي لا تلومهم من الضغط الي عليهم وبعدين اصابعك ماهي سواء والله يابعظهم يحرجك بأخلاقه اذا اعترفت بغلطك واحترمت القانون ،،، وبعدين اخوي الصوره المرفقه هاذا يستاهل ماجاه مصخوها كل شوي واحد نازل الملعب اثناء المباراة قمه الاستهتار في الامن .. تبيهم يحبون راسه اخيرا تقبل مروري بود |
اي والله الشرطة نوعين زبـالة (وانتم بكرامة) واحباب |
على طاري المرور والرخصه :surprised: صارت لخويي سالفه في يوم مباره الهلال والنصر :bigeek: وبعدها مالوم الشرطي لاقام ينافخ :yes: القصه ومافيها ان الشرطي وقف خويي وقاله رخصه قال مامعي :d قال الاثبات قال نسيته :d قال الاستماره قال ضايعه :d وجا ركبه بالسياره عشان يوديه التوقيف المهم جوا السياره خويي قام يضحك جا العسكري قاله الي مثلك مفروض يزعل قال خويي يعني وش بتسوي بتقطع راسي مثلا بعدها الشرطي انقهرررررر :upset: وقام يكسر المفتاح حق السياره قدام خويي المهم راح القسم وجا عم خويي يشتغل بالقاعده وخلا العسكري يقول لخويي انا اسف ورجع خويي وشاف المباره في بيتهم ازين دامه نصراوي :d المهم شنو رايك بالاهانه :stoned: |
والله اني اووول مرررة يووقفني تفتييش اليووم اقسم بالله ان تعااملهم زفت وشااالو موترري بسطحة ولا تكلمت قااام واحد منهم ينفخ اقسم بالله قهرررررر اقسم بالله ولايزعلوون الجيزاانة اني حقدت اليووم على الجيزاانة لان اللي مو قفني جيزاااني ووااحد بدووي الله ياااخذه يااارب تعااامل اسوء من السيء .. يلييت يحطوون لهم دوورات فن التعاامل مع الناااس .. |
اهااااا كذا أجل ,, خلني أقولك يا وليد أنت مبين إنك ملكع :d وإحمد ربك إنك طحت بالعسكري ,, وإلا لو غيره والله ما يركبك إلا بالشنطة وزحلطة ع القسم :d لكن بالنسبة للأخلاق ,, خلنا من العسكري الآن طبيب في مستشفى أخلاق = 0 موظف في دائرة حكومية أخلاق = 0 وفي المقابل تلقى ناس أخلاقهم ما شاء الله لو حصل تشترى شريتها يعني بغض النظر عن الوظيفة الأخلاق مو حكر على قطاع - - >> على حسب ما فهمت من موضوعك :d والدنيا قدامك وراح تشوف ملاحظة : بعد 4 شهور إن الله أحيانا وأحياك وتخرجت من الثانوي ورحت تقدم تعال قلي كيف موظفين الجامعات :d |
لاهنتوا ع المرور ويعطيكم العافية |
يارجاااااال احمد ربك والله مافيه احد عانا منهم زيي ..قبل سنتين طلعت رخصة والمخالفات حول اربعة الاف .. والحين ابقدم تاشيرة لبريطانيا ورحت ابطلع جواز واناضر المخالفات اللى على حول الفين ريال .. وسيارتى مرتين يشيلونه بسطحة .. ومرة واحد بدووى عطان ثلاث مخالفات بورقة وحدة .. المشكلة قبل مدة وقفنا خرفان ثنين عند مطعم يقول ليش تدورون وحنا واقفين المهم بعد ساعتين شفنا نفس العسكرى ببدلة العسكرية يدور ؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 06:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd