أقتراح يعمل دخل لخزينة النادي ب15 مليون شهريا ً . - صفحة رقم 2 - نادي الهلال السعودي - شبكة الزعيم

القناص من تبوك · #1 16/02/2008, 10:40 AM

اقول يا اخوي تصدق في الميه هذي لاني احس انك شبعان من الفلوس ترى تكسب ورى الصدقه اجر الله يجازاك بالخير
وبعدين انت تزود الطين بله يا اخوي مو كفايه مواد العذائيه رافعين الاسعار جايه انت تقول 100 ريال

انا بديت اشك فيك احس انك انت اللي رافع اسعار المواد العذائيه يا اخوي كل شيء فلوس عندك انت

.......,,,,,,, القناص من تبوك ,,,,,,.......

L E G E N D · #2 16/02/2008, 12:06 PM

إقتباس


	الثاني : أن تجعل شبكة الزعيم رسوم شهرية للتسجيل كعضو في الشبكة وقيمة الأشتراك 100 ريال .

الفكرة جيدة .. ولكن المبلغ كثير بالشهر !!

لو كان مثلاً ( 10 ريالات ) فقط

وتكون على شكل باقات زي اشتراك الانترنت ( شهر , 3 شهور , 6 شهور , سنه )

طبعاً لو نحسبها بالتقريب /

100000 مشترك × 10 شهرياً = 1000000 ريال ( مليون ريال شهرياً )

سنوياً = 12 مليون ريال

بالإضافة لوجود بعض الجوائز للاعضاء المميزين .. تتراوح ما بين ( 5000 - 20000 )

ممكن بالشكل هذا يكون الوضع مقبول نوعاً ما

شوت ياهلال · #3 16/02/2008, 12:05 PM

ياعمي انت بتدفع وانا بدفع وبيدفع معانا 10 آلاف عضو والباقين ؟؟ نخسرهم ؟؟

بعدين طال عمرك البلد ناااار ناااار دخل الفرد ما يكفي قوته وقوت عياله تبي تنشبهم في فلوووس مهوب كل الناس عندها وفي رأيي الشخصي فكرة تقفيل المنتدى بإشتراك شهري راح تخسر الشبكة 94% من اعضائها على حسب دراسة متواضعه لموضوعك استمرت خمس دقايق اجل لو دققنا بالسلبيات بنلقى بلاوي الله يصلحك بس خل المواطن يصرف على عياله ويغطي طلباتهم , لو الود ودي اخلي كل عضو بشبكة الزعيم يدخل النت مجاناً بس العين بصيره واليد قصيره الله يعين ويستر من الزمن الجاي

المجهول الهلالــ10ـي · #4 16/02/2008, 05:25 PM

صعبة أخوي ..

فيحاوي...هلالي · #5 16/02/2008, 12:18 PM

اي طيب بس

والله لو صار بريال واحد ,, كان تشوف المنتدى اسهمه تحت و فشل

اركدوا بس كل شي تبونه بالفلوس !!

بلو بليزر · #6 16/02/2008, 12:59 PM

يا اخي ما صارة ها الخمسة في المية

الشعب طغى من الزيادة

يا اخي يشيلونها احسن

ههههههههه

السوبر ستار · #7 16/02/2008, 11:02 PM

أخوي شكلك ضعت مع الغلاء اللي حاصل في ديرتنا

lover2000 · #8 16/02/2008, 12:25 PM

الجمهور ماقصر وهو يدعم النادي عن طريق الاشتراك في قنوات الهلال الاخبارية وعن طريق الحضور الى

المباريات واعتقد هذا كافي واللي يبي يدعم بطريقه اخرى فالطريق مفتوح كأن يرسل شيك الى النادي بالمبلغ

الذي يريده ولايكلف الله نفسا الا وسعها

حبووووب · #9 16/02/2008, 12:27 PM

اقتراح جميل جدا

بس انا اشوف ان مبلغ 50 ريال سنويا مناسب جدا

يكون على شكل بطاقة تباع وتفعل عضويتك

اللي يبي يقرا مواضيع شبكة الزعيم يشتري هالبطاقة

من جد حلوة والخمسين ريال اعتبروها قطة للزعيم

200000عضو Xخمسين ريال = عشرة مليون ريال دخل سنوي

مجرد اقتراح اظافي