|
ونِعم مافعلت يـ كوزمين .. فـ البقاء لـ الأفضل بسم الله الرحمن الرحيم السلام عليكم ورحمة الله وبركاته .. إلى الشعب الهلالي الكبير ابخش في الموضوع دايركت .. انا الحين قريت كم موضوع شابِين على كوزمين لأنه مجلّس الشلهوب على مقاعد البدلاء .. انا بـ رأيي طريقه سليمه اللي سواها كوزمين يوم حط الشلهوب احتياط لأن بصراحه الشلهوب في آخر كم مباراه مستواه نازل ومادري ليه .. فـ اتمنى انكم لاتتدخلون في امور المدرب كوزمين خلُوه بـ راحته وبسسسسس هذا اللي عندي |
معاك حق في كل كلمه قلتها وانا من اشد المعجبين بكوزمين بعد ما حط الشلهوب في الاحتياط لان مستواه نازل مره |
كلامك صحيح اخوي بس لازم يعوده على شوي شوي يعني كل مباراه يلعبه على الاقل اخر 20 دقيقه ولا شرايك صدقني كوزمين ( ضـــــالة الزعيـــــــــم ) وان شاء الله اول بطوله له الموسم هذا ولي العهد وللبقيه عنوان |
يارجال ناس مادري وش تبي الشلهوب نازل مستواه لازم يتم معه هذا التعامل وهو طبيعي بعالم الاحتراف |
من أبسط حقوق المدرب عدم التدخل في عمله وتركه يعمل وفق قناعاته في جزئية محمد الشلهوب .... فمع احترامي لمحمد الشلهوب إلا ان محمد غير مقنع غير مجدي على الصعيد الفني إذا ينبغي ان تكون الاولوية للاعب المقنع المُجدي .... بعيداً عن جماهيرية لاعب ومحسوبية لاعب عند اعضاء الشرف |
كلامك سليم ويعطيك العافيه تسلم |
محمد الشلهوب مستواه هابط وسيء جداً فلم يعد الموهوب كما نعرفه لذلك أنسب حل له هي دكة الإحتياط كلامك عين العقل تحياتي لك |
كيف تقولون مستواه هابط مره وهو مشارك اساسي في المنتخب ومبدع فيه وحتى لو لعب ومستواه هابط ماراح يلعب زي ليلو النكبه والله الفلوس حرام فيه ذا شكله بودي قارد ولا معلم شورما مو لاعب كورة |
فعلاً هذا الي نقول عنه من زمان الشلهوب لاعب كبير بس الزعيم ما يعتمد على اللاعب لأن اللاعبين كلهم نجوم وأنشالله راح يرجع أفضل بكثير الشلهوب بس الصبر |
صدقوني يازعماء اننا نملك مدرب عالمي مدرب ذو فكر احترافي وفني يستطيع قراءة مجريات المبارة والتغييرات التي تطرأ عليها ويجيرها لصالحه وصالح الزعيم فاتمنى منكم يازعماء الصبر وعدم الاستعجال بالحكم وان ندع المدرب يعمل حتى نهاية الموسم وبعد نهاية الموسم لكل حادث حديث |
كوزمين بيقدم الشلهوب بأفضل مستوى انتم بس تبغون الاسماء عشان الشلهوب حتى ماترجع لياقته اذا لعب الحين قلتو ليه شارك مايستاهل الاعلام متخلف تذكرون مباراة الطائي |
وانت صادق المدرب أعلم في هذي الامور هو يشوف اشياء حنا مانشوفها |
ارجع اقول سواء لعب الشلهوب بمستواه الكامل ولا بنصفه بيكون افضل مليون مره من مستوى ليلو امبيلي اللي وجوده في الملعب زي عدمه واذا الشلهوب مو جاهز يدخل اي واحد غير ليلو |
خلى كوزمين يطبخ على كيفه |
والله الشلهوب مستواه غريب والمدرب معاه حق بالي يسويه معه المدرب همه الفريق وليس اسماء وجماهيريه لاعب |
| الوقت المعتمد في المنتدى بتوقيت جرينتش +3.
الوقت الان » 05:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd