..][.. فريقنا فريق الـ(ـحـ)ـالمية (( يــنــدك )) بخماسية ..][.. طلّع حرتك ..][.. - نادي الهلال السعودي - شبكة الزعيم

S U L A I M A N · #11 15/02/2008, 06:56 AM

السلام عليكم ورحمة الله وبركاته

< وجه صغيييير آآآد كده

أصلا حنا مالعبنا علشان نفوز .. لاعبين علشان نعطيهم جوهم ونونسهم ونوريهم أشكالنا بس يعني لا أقل ولا أكثر

أيضا ماحبينا نطلع كامل مهاراتنا التكتيكيه وكذا فـ قلنا نخليها بالإياب في حال صار فيه مباراة إياب

..

نجي للجد .. بصراحة ياشباب زي ماقال عبدالله .. التنظيم عندنا سيء بصراحة .. نتفق مع الشباب كل واحد في مركز .. ويوم بدت المباراة نشوفهم متحرجمين على الكوره

وين الاتفاق ياكابنت انت وياه ههههههههههههههههه

.. في المقابل نشوف فريقهم تنظيم ( مانلومهم مسوين معسكرات تدريبيه ومتجهزين ومتدربين وكاملين مكملين والكامل وجهه سبحانه ) .. وهالشي من حقهم .. بس ترى يعني هنري وزيدان وغيرهم يوم طلعوا من فرقهم لفرقهم الجديده نزلت مستوياتهم بشكل كبير ليش لانهم يلعبون مع فريق مختلف عن الي كانوا موجودين فيه ..

طبعا هذا كله كوم وأبو جينز كوم ثاني

أجل بالله ياشباب ماجد مقبل يمسك الكوره بيده وتتغير مسارها قدام عيون الحكم .. ومشييييييييي ياكابتن مافيها شي

ورااااه مافيها شي سلامات

ولا اكزافي ينبرشون عليه ومافيه الا تقصيب وكنق ميلان يمشي ويعرج وراكان طول الوقت جالس على حيله مايقوى يتحرك من الآلام المبرحه .. بس اتركوا عنكم .. الحكم اليوم حكااايه .. مسوي شديد بعد مايرد على دكة البدلاء ويوم قلناله عطنا وجه بنسوي تبديل قال سووا وش علي منكم بس بطريقه أخرى

وين يابو ثالث ابتدائي بدل بدون اذني خخخخخخخخخخ مباراة دوليه ذي خراص الدعوه

.. بس حلو الجنز صراحة

حكمنا .. ترانا نمزح والله لاتاخذ العلوم جد

بصراحة ياشباب فريقنا فيهم مهارات وتكتيك .. بس ينقصهم التنظيم .. عارف ان كل واحد يبي يطلع الي عنده وكذا .. بس مايصير لعب بدون تنظيم .. والدليل بعد تعليماتي بداية الشوط الثاني

صار فيه تنظيم وشغلات كذا وقدرنا نمسك الكوره بشكل كبير وسيطرنا على الشوط سيطره تامه وطلعت مهارات الاعبين .. حتى فيه واحد من الاعبين الله يستر عليه كانوا يقولون لي بدله طيب شف له حل .. بس كنت أرفض لاني كنت أتوقع انه يمتلك مخزون بس ماطلعه .. وفعلا طلع الي عنده وجندلهم واحد واحد ماشاء الله عليه

.. نظره ثاقبه بسم الله علي ولا طارق حقنا مهب حقهم

اجل زيدان مايحبنا < مات ضحك عليه

مقطتفات من المباراة

@ طبعا كلنا شفنا الليزر الي في الملعب جراء بعض الأمور الخارجه عن الروح الملعبيه من قبل جمهور المجلس العام بتبريكات من الاداريين أبو طلال وعبد الرحمن وعادل

..

@ احد إداريي فريق المجلس العام قال انهم بمناسبة الفوز نظموا استراحه في احد أحياء مدينة الرياض .. قام واحد من شباب العالميه الزقرت وقال هذا وهي مباراة اجل شلون لو هو كاس ولا دوري وش بتسوون

< حلوه محمد

@ طبعا أنا مالعبت في المتش ولا كانت علوم سفره .. لذلك الوعد في مباراة الإياب ان شاء الله .. وقلت هالشي لـ اداريي المجلس العام

..

@ حكم المباراة < ياذالحكم الي غثيتنا افيه انت

@ أسير الزعيم جيّّد بالـ .. ياحكم !! حكاااااام ياحكم

@ أحد المتواجدين في احتياطييننا قال ان فارس الزعيم هو الحكم < مهب هلالي الجنوب ترى