و من قال لك أنها مفاطيح يا أبا بدر؟ هذه أسماك هامور و كنعد جاءت طلبية خاصة للإحتفال بإخواننا في العالمية.
المهم هل فيكم روح و نفس طويل يا أصحاب الجمهور حتى تقابلون شباب المجلس ، و سأطلب منهم أن يرفقوا بكم.
هلا والله بالقاضي .. عضو الشرف من جد .. ماهوب مثل بعض أعضاء شرف الترزز والفلاشات
أجل بحريات .. والله حتى هذي ما هضمتها .. الهاوي يعشيكم بحريات .. الهاوي أعرفه من سنين وأكبر وليمة تكفل فيها .. وجبة هرفي .. إذا كان فيه عروض توفير !!!! إلا إذا لقى واحد شقردي يسنده ويتكفل معه بالوليمة يمكن يطلع منه .. نص تيس .. مدفون
وبالنسبة لمقابلتكم ... وبسبب تدخلك وأنت قامة .. وهامة .. في سماء الكرة الشبكية .. وطلبك هذا الطلب شخصيا .. أعدك نطرح الموضوع للمناقشة في أقرب اجتماع مجلس إدارة .. بعد مانطلع على تقرير خبرائنا بقيادة السامي كسمو الهلال و بو وليد .. ومدى قدرتنا على إجابة الطلب .. لعيون القاضي .. القاضي وبس
إقتباس
الرسالة الأصلية كتبت بواسطة كلي هلالي
ههههههههههههههههههههههه
لو يحط الهاااوي بيض عيون كأنه حاط لنا مفطح ..
بالله هذي صحون مفطح !! المفروض عندك خبره ..
هذا عشاء خفافي تعرف الهاااوي وابو طلال مسوين لنا نظام غذائي خخخخخخخخخخ. ...
والله تشرفت اني قابلتك وسلمت عليك يالغريب ورده
والله راحت عليكم فعلا ... وشلون تموهون إنها مفاطيح ... وتحطون صحون مشكل مشاوي ؟!! <== يصرف
وإذا المسألة نظام غذائي وبيض عيون ... هذي لعبة الهاوي دوره عند لبقعاطة .. قصدي البساطة
والله الشرف لي وأنا أخوك ... وأغبطكم في المجلس العام على هاللمة الحلوة .. وروحكم المرحة والمحبة
تو اخوي الصغير مقومني من النوووم الضعيف ضايقن صدره ومحرّج علي الا يبيني اجيب له العالميه يبي يطق طق كورة عليهم
من جد عالميه وهياط ومحترفين لا ومنفتحين بعد هع هع وراوبط وشمبانيا << الاخيرة ذي شايفها مع اسير ومسوي يلعب علي يقول هذي فيمتو
واخرتها ذا المستوى الله يخسكم خخخخخخخخخخخخخخخخخخخخخخخخ
اسود المجلس يالبى قلوبكم يشييييييييييييييخ بصراحه يعجز التعبير عن اللسان خخخخخخخخخخخ
كلكم قدمتوا مستوى رااااائع صراحه ..!! رغم ان اللياقه كانت عامله عمايلها لكن لعيون
المجلس لو مانلعب الا ( بـ كراع ) واحد يكفي وخصوصا اذا كان خصمك زي العالميه هع هع
انت ماعليك الا تعرّض الكورة بس ثم يجيك واحد منهم مدرعم ويقبّها في مرماه ههههههههههههه
. .
* فور الوصول الى الاستراحه اقيمت احتفالات صاااااخبه على انغام صوت الربابه وقد احيا الحفل ( الغريب ) الذي حضر خصيصا من اجل هذه المناسبه ..!!
* اقااام عضو الشرف الفاعل ( الهاوي ) مأدبة عشاء تكريما للفريق .. بيض الله وجهك يابو هاوي
* شكر خاااااص للعضو هلاليه الشماسيه الذي حضر من اجل هذه المباراه من القصيم ..!! وقدم فيها مستوى اكثر من رااائع توجه بهدف جميل وكان لنا الشرف ان نقابله ونتعرف عليه ..!! لاتعبت يالذيب ..!!
برايفت كنق الميلان
<< بعد خمسة الخميس وبعد النظر في الحله النفسيه للاعبي العالميه امانة الرياض تعلن عن : موافقتها على طلب كنق الميلان .. واقامة دور سينما للاعبي العالميه لكي يروّحـوا عن انفسهم ويخرجوا من ازمة الخمسه ..!!
ليو ميسي الشرف لي والله إني أتعرف عليك وعلى باقي الشباب وهذا المقصد وهو الغرض الأسمى الذي وضعت من أجله المباراة واللقاء , , وما عنوتي من القصيم إلا لذالك لأن اللعب تلقاه في كل مكان , وكلمة حقٍّ لا بد أن أقولها : أحرجتني الطيبة والحفاوة والحرارة بالسلام وكريم الضيافة من الجميع , لذا أكتفي بأن أقول شكراً للجميع ,,
00000000
أما عن المباراة : - كل مباراة يكون فيها أخطاءً تحكيمية وأحسن الحكام أقلّهم أخطاء ,, ولو سألت أي واحد يفهم كورة مع إني أشك أن في الفريق المقابل من يفهم كورة خصوصاً عندما دخلو الشوط الثاني 13 لاعب !! لو سألته : هل ألغى الحكم لكم هدفاً صحيحاً أو حتى باطلاً ؟!! أو هل تغاضى أو تغافل الحكم عن احتساب ضربة جزاء صحيحة ؟!! أعتقد أن الجواب لا ,, لذا قما ذنب الحكم ؟!! هل له ذنب الحكم كونكم خلال الشوط الأول لم تصل الكورة لحارسنا الكبير سوى مرةً واحدة ؟!!
- من اتهمنا بالخشونة أعتقد أنه اتهام باطل فالكابتن الذي أصيب بداية الشوط لم يشترك معه أحد لذا أعتقد أنه ضعف لياقة والدليل أنه ارتاح ونزل الشوط الثاني ماعنده إلا العافية ماشاء الله . وأيضاً لم نرى أي لاعب خرج مصاباً أو حمل على النقالة من جراء الخشونة .. أنا لا أنفي أن هناك بعض الكدمات التي تُعتبر عادية جداً إذا عرفنا أننا نلعب كرة قدم وليس كيرم لا يصدر فيها أي إحتكاكات ,,
00000
ختاماً وهو الزبدة أعتذر لكل من أخطأت عليه بكدمةٍ أو بصدمة أو بخدشة , وذلك للحماس والإستنزال الذي اعتراني من جراء الكلمات التي سمعتها من الرئيس وأعضاء مجلس الإدارة والمدرب القدير
انا ما قلت لكم خلو معاذ يشارك وما عليكم ماشاء الله عليك يا معاذ بالله كم كبري ؟! الف الف مبروووووووك فوز المجلس على المهايطيه الي مسوين حنا راعين الكوره قال الحالمي قال هع هع هذا وحنا ملعبين وهاب والشياب الي معه شلون لو اننا لاعبين حنا يالصغار بس الحمدلله جالسين نطقطق على روسكم
للاسف امنيتي كانت اني اجي خاصه عشان اشوف الهاوي الي سمعت عنه كلام كثير بس يكفيني اخوان قلبي خالد ومعاذ جو بدالي يكفون ويفوون واهم شي انهم بدعو بأسمي احد يبي معاذ اليوفي يا شباب ترا نأجره بالساعه --> الحين معاذ يحس انه كرتون مناديل مهوب آدمي
اتفق مع متعب " مولع بالهلال" وعادل " الكلاسيكي " اهم ما يميز المجلس العام هو ترابط اعضاءه ، والله العظيم انك تحس انك جالس مع اخوانك ، وهم اخوان لي والله ،
@ يكفي ان امس تمت عملية المصالحه المجلساويه ، شكراً شكراً شكراً .
من جد اذا جات معي الكوره او قطعت كوره سمعت ابو طلال وعادل والهاوي يصايحون لي ويحييوني ، ودي ارجع لمرمانا واسجل فيه
ابو طلال ورده الهالوي ورده الكلاسيكي ورده
ليو ميسي ، الا تتفق مع في ان اهم سبب من اسباب تدهور مستوى ولياقة الاخ هامور البورصه هو المايك ..؟؟ سؤال محير من جد
اشكر كل من شارك امس في المبارهـ وخصوصاً هلالي الشماسيه وزعيم افريقي ورده .
ولا ننسى ان المباره حبيه ، وهي عربون صداقة ومحبه بيننا وبين العالميه ورده .
الله يبيض وجه راعي الفكره ### انا اشهد انها تنحسب لحسابه
قبل ان اختم اعلن عن فقداني محفظة في الملعب امس ، بها البطاقة الاحوال و بطاقة الصراف ..
على من يجدها اعادتها الى صاحبها .. ويا اهل العالميه ترا رقم البطاقة السري 5555 خخخخخخخخخخخـ .
فيه فرق يالغالي بين لعب رجولي وبين مضاربه داخل الملعب
بعدين شلون تقول مافيه تسلل خطأ ولا هدف صحيح ملغي .. بعدين تقول بالاخير آسف للي انبرشت عليهم بعدين لازم نجيب اسعاف معنا علشان تقتنع انكم خشنين
00000000
هلا والله وغلا أخوي الكبير سليمان لم آتي للتسلل بطاري وذكرت بأن من يسمع ويقرأ حديثكم عن الحكم يعتقد أو يُخيّل له أنه ألغى لكم كم هدف أو تغاضى عن كذا ضربة جزاء .. أما أنا فاعتذرت عن الكدمات البسيطة إن كنت سببتها لأي أحد ,,, أما عن خشونتنا فالدليل أن جميعكم ولله الحمد أكمل المباراة وهو بصحةٍ وعافية ولم يخرج أي واحدٍ مصاباً ,, ولو أن كذا واحد لا قدر الله لم يكمل المباراة بسبب الإصابة لإعترافنا مُجبورين بالخشونة من جانبنا ,, عموماً أجزم وأبصم بالعشرة أن الجميع كان له هدفٌ سامي ومقصدٌ نبيل وهو الجمعة والتعارف الذي كسبناه من هذه المباراة , لذا إن كان أحدٍ منكم تعرّض لأي أذىً ( بسيط ) فهو من واقع الحماس ومن جراء الغيرة على إسم المجلس ,,
إلا إذا لقى واحد شقردي يسنده ويتكفل معه بالوليمة يمكن يطلع منه .. نص تيس .. مدفون 
<< الاخيرة ذي شايفها مع اسير 
الوضع المتطور
