أفضل دولة لـ الباحث عن تعلم اللغة الإنجليزية - نادي الهلال السعودي - شبكة الزعيم

جنرال الهلال · #1 14/02/2008, 02:47 PM

السلام عليكم ..

أنـوي في العطلة الصيفيه القادمة السفر لـ احد الدول الغربية لـ تعلم اللغة الإنجليزي ..,.. لكن سؤالي ماهي أفضل دولة .؟ و هل 3 شهور مفيده و الا تضيع وقت بس .. .؟

ّّوحـّــــ15ـــّـــــدكّّ · #2 14/02/2008, 03:21 PM

احسن شي اخوي انجلترا والله التعليم فيها زين انا مجرب

هلالي راقي · #3 14/02/2008, 07:38 PM

والله ياخوي انا مانيب مجرب لكن اعرف واحد سافر ماليزيا الصيفية الماضية وقعد 3 اشهر ودرس انجليزي وماشاء الله بلبل الان في الانجليزي

almobde3 · #4 15/02/2008, 11:16 AM

الصراحه من الصعب ان تحكم على دوله عن دولة اخرى .. جميع دول العالم بإمكانك الإستفاده منها في جميع المراحل .. خصوصاً في نطاق التعليم ...

بالنسبه لامريكا انا افضلها اكثر .. لان الشعب حبيب إلى ابعد درجه .. رغم الاحداث اللي صايره ولكن الدوله لها نظره .. والشعب له يختلف مع الحكومه

::: بعيداً عن السياسه .. بإمكانك إختيار اي دولة مع اني افضل امريكا لدراسة اللغه :::

والله يكتب لك الخير

هلالي ارسنلاوي · #5 15/02/2008, 07:24 PM

امريكا.. |

alhilal fan · #6 16/02/2008, 05:22 AM

امريكا........

Saudi Coder · #7 16/02/2008, 05:45 AM

انا فنيوزلندا واقول افضل الموجود امريييكا

*9الذيب9* · #8 16/02/2008, 03:03 PM

بريطانيا وماليزيا

جنرال الهلال · #9 16/02/2008, 05:46 PM

طيب كم يعرف عن سعر الدراسة في أمريكـا لمدة 3 شهور
شامله سكن مع عائلة - مدرستة التعليم

و على فكرة تذكره ذهاب وعودة من السعودية لـ أمريكا كم سعرهـا ؟

bebo3443 · #10 16/02/2008, 09:49 PM

دراسة اللغه بامريكا ياعزيزي

الرسوم تقريبا بيكلفك 2600 دولار شهريا للمعهد+ السكن مع عائلة وهذا من اغلى المعاهد طبعا

يعني يمكن تلاقي ارخص بشوي

تبي انت تدور عائلة

السكن مع عائلة لشهر يتفاوت حسب الولاية من 500 دولار الى 1200 دولار

التذاكر انت و اختيارك لشركة الطيران و موعد سفرك وهل فيه عروض ام لا

اخوي 3 شهور جيده نوعا ما عشان تتعلم اساسيات لغة انقليزية

او تطور لغتك شوي كان عندك الاساسيات

وهي تعتمد اولا واخيرا عليك انت

ولا تنس مسألة الفيزا لامريكا ومشاكلها

امريكا حلوه

لكن الفيزا و تجديدها و مشاكل الفيزا هو اللي يكرهك فيها

إحساس خالد · #11 17/02/2008, 11:19 AM

عفواً اخوي ...

خالي بأرامكو ... <<< وش اسويلك

واشوف يمدح لي كندا .... وبريطانيا في تعلم الانقليزيه

1/ كندا

2/ بريطانيا

الله يوفقك يارب

almobde3 · #12 17/02/2008, 01:33 PM

إقتباس

الرسالة الأصلية كتبت بواسطة إحساس خالد


	عفواً اخوي ... خالي بأرامكو ... <<< وش اسويلك واشوف يمدح لي كندا .... وبريطانيا في تعلم الانقليزيه 1/ كندا 2/ بريطانيا الله يوفقك يارب

معليش مداخله بالنسبه للغه

انا اشوف كندا افضل إذا كانك تحب البرد مهوب البراااد فيه فرق البرد البرد ابو -20 رح كندا

اهلها طيبين رخيصه نوعاً ما .. والعوائل رخيصه

وحاول ترووح لقريه مهيب مدينه كبيره علشان ماتشغلك عن الدراسه هذا اهم شئ

وخلك مقدام << حلوه
على التعرف على الاجانب .. وخل عنك السعوديين لمدة ثلاث شهور لاحق عليهم إن شاء الله

هلالي عاشق للارسنال · #13 18/02/2008, 07:54 PM

والله انا بكندا ومرتاح جدا الحمد لله

AHMED477 · #14 19/02/2008, 02:47 PM

أخوى نصيحة من لك لا تروح الا وانت تعرف اساسيات اللغة الانقليزيه يعنى القواعد وكيفية تركيب
الجمل وتركيب السؤال وزى كذا موب اذا رحت هناك تضيع عليك الثلاثة أشهر وأنت مااستفدت شى ..
وأحسن لك خذ دورة هنا بالسعودية وعلمهم انك بتروح برا عشان يعطونك مستوى مناسب ..

وأنا ان شاء الله ناوى على نيوزيلندا .. والله يوفق الجميع

عسم الزعيم · #15 20/02/2008, 05:42 AM

كلام اخوي اللي قبلي صحيح

لكبر غلط انك تروح تدرس لغة بره وانت ميح لغة

كيف وانت بتروج بس 3 شهور؟

ضروري تعرف اساسيات و ياليت تدخل من الحين معهد عشان تتطور اللغة

انا ادرس الحين بكلورادو امريكا والوضع حلو جدا بس شي براد بالشتا

بس دامك بالصيف تبي تجي انا انصح بكندا نفس دراسة امريكا

واما بالنسبة لبريطانيا ففيه شباب يقولون ان المعاهد هناك كثير منها همه اقتصادي بحت !!

اهم شي ان المعهد اللي تسجل فيه يكون تابع لجامعة معروفة عشان تضمن نوعية التعليم

وبالتوفيق