|
دعونا نتفق بعد هجوم البطي على كوزمين الكل شاهد طريقة المدرب في اللعب وهذا الشي راجعله لكن في الاستديو التحليلي كان المنتقد الاكبر للمدرب هو السيد عادل البطي والمطلب الي يباه دخول الشلهوب وكان حجته ان الشلهوب اساسي في المنتخب وهذي اساسا ماهي حجة نستند عليها الشلهوب لاعب كبير لكن يعاني من انخفاض مستوى وانا افضل بقائه في الاحتياط حتى يعود مستواه ولكم اقرب دليل رونالدينهو في احتياط برشلونه والي مجلسه المدرب لانخفاض المستوى والمطلوب ان ندع المدرب في حاله والانتقاد اذا كان في محله شي جميل والسؤال لكم مارأيكم بمستوى الشلهوب ووجهة نظر المدرب فيه؟؟؟ |
الشلهوب مستواه ممتاز وانا ضد انه يجلس الين اخر اربع دقائق ويلعب |
بقائه في الاحتياط حتى يعود مستواه |
الشلهوب صانع العاب شف اقرب مباراة وعد الكرات اللي صنعها ما تتجاوز عدد اصابع اليد |
ما ادري ليه انا محسن الظن في كوزمن وحاس انه حاط الشلهوب احتياط عشان يراجع حساباته ويحس بالخطر على مركزه وبعدها بيفلته على الشباب والاتحاد والاهلي في مباريات الحسم (وكأنه يقول له ورينا وش عندك يا شلهوب) اتمنى ان يكون هذا ما يفكر فيه الشلهوب او الادارة , لان الشلهبو اصبح يلعب بارتخاء في المباريات الاخيرة وخاصة مع الهلال ليس شلهوب الحسم الذي نعرفه |
مااقول الا آآآآآآآآه ياشلهوب وين زمان اول اللي كان لا طلع بالهجمه قلنا قول........الحين مستواه عادي جدا وفقد الكنترول والمراوغه اللي خبرناها فيه...الله يستر بس وانشاء الله يرجع الموهوب بعدين لاتنسى انه مر بضروف صعبه لازم نصبر |
والله ان تحليل عادل البطي يعجبني ودائما في محله بصراحه مدربنا غريب من جد من قبل لااسمع كلام البطي وانا اقول هل يعقل الشلهوب اساسي بالمنتخب واحتياط في فريقه وين نصرف ذي بعدين مستوى الشلهوب احسن من بعض الناس اللي ملعبهم مدربنا الغالي والشلهوب بدا يرجع مستواه شوي شوي وبعدين وشلون يرجع لمستواه الاول وهو مايلعب الا 5 دقايق الاخيرة مع احترامي الشديد مدربك مخبط اليوم وعااااااااااااااادل صادق بكل كلمة قالهااااااا |
طيب كيف نعرف ان مستواه رجع اذا كان مايلعب الا سوى 10 دقائق مستحيل تبغى لاعب يعطيك كل ماعنده خلال 10 دقائق لعب الشلهوب من بداية المباراة و إذا ما ادى المستوى المطلوب طلعه لكن إنك تخليه كذا مباراة و ما تلعبه الا آآخر المباراة فأسمح لي هـذه الطريقه راااااااح تنهــي اللاعب ما رااااااح تفيــــــــــده |
ياحبيبي البطي هذاا ماأدري وش يبي.. فضح الهلال وكشف مكامن الخطوره فيه وكيف يرسم هجماته..ومن اللي ينفذهاااا ..والله غريبه منه قال قال محلل.. يالبطي انت محلل ممتاز بس على الهلال لانك كنت اداري سابق فيه... يالبطي لا عاد تحلل لمباريات الهلال الجايه وتفضح به الله يرحم والديك.. وهو الاداري السابق في الهلال... اما الشلهوب خله شوي في الاحتياط الين يراجع حساباته.. |
والله حرام الشلهوب بالاحتياط |
يا اخي حتى لوكان الشلهوب مو في مستواه بس برضو افضل من غيره(فهد المبارك) وبالعكس الاعب يتاثر ادا نزل اخر خمس دقايق ومايقدر يسوي شي اعتقد انها تكون سلبيه عليه |
والله جلوسه بالإحتياط غير يدمره |
الشلهوب لاعب كبير وكلنا نعرف الشي هذا لكن الظروف اللي مرت عليه صعبه كثيير وماهي غريبة ينخفض مستواه بسببها والمفترض من المدرب انه يلعب الشلهوب مع الفريق الاولمبي حتى يرجع لمستواه المعروف عنه ولا اعتقد انه جلسة الشلهوب في الاحتياط راح تخليه يرجع لمستواه |
جلوس الشلهوب في الاحتياط لمراجعة الحسابات فقط لاغير وانا اللي كنت ابا اوصله هو ان المدرب عال العال وكلام البطي زي ما هو وشكرا على المرور |
لو يترك الشلهوب محاولة تقليد التايب واللعب بطريقته لأن كل لاعب لديه طريقة لكان افضل بكثير فالشلهوب يحاول ارضاء الجمهور بشتى الوسائل وهو يرى الرضا التام عن التايب لدى الجماهير الهلالية ويحاول ان يقوم بنفس العمل فلو عاد الى اسلوبه كما يفعل مع المنتخب لعاد توهجه وبريقه وانا ضد بقائه احتياطيا لآخر المباراة على الأقل لا بد من دخوله في الشوط الثاني وأن يلعبه كاملا وجهة نظر تقبلوا تحياتي |
| الوقت المعتمد في المنتدى بتوقيت جرينتش +3.
الوقت الان » 03:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd