|
و ليلو سريع وبس وأول ما جاء كان معه مروحة لكن شكلها طارت :d لا استلام ولا تسليم وإذا استلم الكورة ما يفكها حتى تنقطع ياما ضيع كور قدام القول ما تحتاج جهد وإذا كان شغلته يفك الحصار عن ياسر فعندنا الحمد لله لاعبين يفكون الحصار عن ياسر ويفيدون الفريق أفضل من ليلو والخراشي أحدهم اللي أنا متأكد إنه قاعد يتقطع من جوه يوم يشوف مستوى النجم ليلو |
الله يعطيك الف عافيهعلى الموضوع وعلى الجهدتحياتي |
أنا معك وليلو نجم مزعج لدفاعات الخصوم بس يبيله زيادة في التوجيهات من قبل المدرب خاصة وأن سنة صغير وعقده مع الهلال ثلاث سنوات انشالله راح يكون مستواه أفضل في الأيام القادمة |
لاعب مزعج يحتاج إلى خبرة . |
مقلب وشربناه |
كلامـــــــــــــك صحيـــــــــــــــح 100% والله ليلو انه لاعب يوم جاء مع الهلال يقولون بعض الجمهر والله ليلو لعب :yes: ويوم جات مبرات الحزم قلو مهب لاعب :upset: يخوان تراه ملعب الى مبرات واحد :wallbash: في دوري ولي العهد يعني احمدو ربكم على الفوز :yes: عطووووووه فرصه في مبرات الشباب وشوفو وشي بسوي :clapping: تحيـــــــــــــــاتــــــــي |
ولكن ولأن ليلو(مقلب) وشربناه !! لازم نصبر عليه وندعمه لأن ما فيه قدامنا حل ثاني !! ننتظر اللين اقرب فترة تسجيل ونمسكه الباب والعوض من الله !! |
انا اشوف انة لاعب عادي |
مشكور على الموضوع وكلامك سليم |
يا جماعة اصبرو علية شوي لا تحكمون علية بسرعة الرجال عندة مهارات فردية عالية ومحد يقدر ينكر الشي ذا وبعدين يعتبر لاعب مزعج للخصم والدليل انة يتعرض للضرب والتكسير المتعمد كل مباراة لا والعض بعد كثير من الاعبين مايبدى عطائهم مع انديتهم بشكل المطلوب الا بعد فترة وتختلف من لاعب عن لاعب على حسب انسجامة |
انا استغرب من البعض انهم يقارنون ليلو بالصويلح ولا الخراشي ياخي هذولي هجوم وليلو يلعب بكل اماكن الهجوم مره على اليسار ومرة على اليمين ومرة بالوسط ومرة راس حربة يعني جوكر إذا بتقارنونه قارنوه مع فهد المبارك الي يقعد يمين ويجي اضعف ظهير يقدر يغطيه!!!! ليلو كان فيه عيب الا وهو انه يسوي مراوح بكل مكان والحين تعدل وسبب الكرت الاحمر امس هو ليلو يوم يسحب بالدفاع وما شاء الله امس كانت لياقتة جداً عاليه وهذا مافقده لاعبين الهلال والحزم ما اقول إلا شيء واحد افهمو مكان الاعب واحكمو عليه انتم الحين تتكلمون على ليلو وانا عندي وجهة نظر بالهلال ان التايب هو المشكلة مو ليلو اتوقع انكم بتستغربون من هذا الكلام انا اقول ان التايب معطل مهارات لاعبين الهلال ( السعوديين) لان الصراحة مهزلة ما في اي كورة تاصل للهجوم إلا وهم مناولين للتايب صح اننا نفوز بهالحركة بس المشكلة انه يبقى لاعب اجنبي وكبير بالسن واصاباته كثيرة والدليل على هذا الكلام الشلهوب مستواه مع المنتخب يختلف عن مستواه مع الهلال تـــبـــقــــى وجــــــهــــة نـــــــــــظـــــــــــر |
إقتباس:
والله أقف احتراماً وتقديراً على كلامك s60s صدقت اخوي وما أقدر اقول شي بعد كذا |
ليلو ما سوى شي يشفعلـه .. لكـن حمدالله على كـل حـــااالــ ليلو افادنـا في اكثر من مباراة .. وجت على مبارتيـن عندك بعض الجماهير ماتصبـر .. ليلو الى الانـ جيد جداً .. ويساند ياسر كثيــر اجل تبون ياسر 5 عليـه .. والله مايمر !!!!! |
هو لاعب حرك الصراحه ويشغل الدفاع ويغلي مجال لياسرانه ياخذ راحته اكثر واللله يوفقه مع الهلال |
اللاعب صغير في السن( 20 سنة ) ويملك مقومات جسمانية تضاف لسرعته ومهارته ويحتاج للصبر والمساندة وحل مشاكله التي قد تؤثر على حضوره الذهني ... هل من المعقول أن النادي لم يُحضر زوجته حتى الآن وهويطلبها منذ أسابيع ؟!!! ارجعوا للوراء قليلا واستحضروا مستواه في أول 3 مباريات شارك فيها ... وقارنوا تلك المستويات بمستواه البارحة .. لتعلموا أي أثر كبير تصنعه الظروف الاجتماعية في لاعب بعمر العشرين !!! الإدارة الهلالية يجب ألا تُهمل تلك العوامل .. وأن تهيء الجو المناسب لمحترفها حتى تجني منه الفائدة الأكبر ... بالنسبة لي .. لا أستطيع أن أُصدر حكما نهائيا على اللاعب .. ولكن إحساسا يتملكني بأن الصبر عليه قليلا ومعالجة مشاكله ستنتج لنا لاعبا عملاقا .. قد نقطف ثمار وجوده .. في نهاية الموسم ... أو في الموسمين المتبقيين !! والحقيقة ساءني جدا أسلوب الصراخ الذي اتخذه بعض لاعبي الهلال البارحة ضد اللاعب .. وأتمنى أن يكون للمدرب والإدارة دور في تنبيه اللاعبين على عدم اتباع مثل هذه الأساليب سواء مع ليلو أو مع غيره .. فهي أساليب تهدم ولاتبني وإن كانت تنبع عن حماس .. إلا أنها لاتخلو من نظرة استعلاء .. والله أعلم !! أخيرا أقول للأخوة الأعزاء ... لاتنسوا أن اللاعب في النهاية ... إنسان .. يتأثر بما حوله .. واتقوا الله في ليلو وأوفوا بعهودكم وعقودكم وأحضروا أهله .. ثم حاسبوه ... فلا يُشترط أن يكون اللاعب عربيا حتى أحضر أهله وإخوانه وأصدقائه !!! |
| الوقت المعتمد في المنتدى بتوقيت جرينتش +3.
الوقت الان » 03:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd