|
حنين اسواره السلام عليكم ورحمة الله وبركاته كيفكم يا زعماء...ان شا الله بخير وصحه وعافية حبيت اشاركم في المجلس العام بمحاوله شعريه عنوانها (حنين اسواره) فلا تحرمونا من النقد وهي اول مشاركه لي بالمجلس العام وأتمنى تنال اعجابكم واستحسانكم اخواني واخواتي الزعماء :) اسوارتك حنت لمعصمك يا زين وحن الخفوق وزاد معها ونينه وشمت شذاها رجعتني لعناوين خط القلم منها قصيده حزينه نوري ونورك كانو بيوم نورين واحيا شعاع الحب موت المدينه وماتت مدينتنا وصرنا كسيرين عشنا بدوله بعد ذيك المدينه يازين انا بشكيلك الحال يازين حالة وليفك بعدك اليوم شينه مسكين من قبلك ومن بعد مسكين يرجي معين الخلق ربك يعينه مسكين انا واهل الهوى به مساكين دام الوصل يا زين عمله ثمينه القلب يبكي لك وتدمع له العين وما تروي الذبلان دمعات عينه ما تنسقي زهرات حب ورياحين الا بوصل اللي زرعها بيدينه يا ناس ما تشفي ولا تروي العين دمعاتها زادت بقلبي حنينه ظني تداوي واثرها زادت البين الله يقرب من يميني يمينه لا مدها تهدى بقلبي براكين شوقي ويحلى الحب بيني وبينه يسري دفا كفه بدم الشرايين ويدخل على قلبي سرور وسكينه ويرتاح بالي لا سلب كامل الزين عقلي بنظرات العيون السنينه الله يعيد ايام وصل المحبين ياهي تزيد ايام عمري وسنينه تقول ما تعلى على الحاجب العين وجناحك المكسور زاد الغبينه واقول همشها عسى ربك يهين اللي بقى من سالفتنا السجينه ويفك اسرى البعد وتصير فرحبن فرحة لقانا وفك قيد السجينه اسوارتك حنت لمعصمك يا زين وحن الخفوق وزاد معها ونينه أخوكم عادل المالكي...دمتم بزعامة هيا سلامز ^_^ |
تتوقعون نفس الشي بيصير لو كانت الكاتبه مثلا ساره- جده انا ما اتوقع ابدا ^_^ هيا سلامز |
إقتباس:
:d عتاب لطيف :stoned: :d فعلا .. أحيانا يحركنا المعرف دون التفكير في المحتوى لكن كان الأجمل لو تغاضيت يا عزيزي :yes: ..، القصيدة جميلة جميلة جدا.. صح لسانك s60s دمت في رعاية المولى |
الصبر الصبر أخي . أشكرك على نشر مشاركتك في المجلس و لعل أحد الشعراء يمر فيعطيك رأيه فيها . |
وعليكم السلام ورحمه الله وبركاته صح لسانك ياخوووي والقصيده ماشاء اللهs60s ولاتعتب على قله الردود فكثير حنا ليسوا من محبين الشعررر فالعذر والسموحه :) واتوقع اول مشاركه لك معنااا فلازم الصبرر شوي:d تفاعل مع مواضيعهم ويتفاعلون مع مواضيعك الحياه اخذ وعطاا :d حياك الله الهنوووف كانت هنا ورحلت |
| الوقت المعتمد في المنتدى بتوقيت جرينتش +3.
الوقت الان » 06:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd