تقرير عن تمرين منتخب المجلس - نادي الهلال السعودي - شبكة الزعيم

أبو فيصل الرحيمي · #1 13/02/2008, 02:37 AM

ما شاء الله عليكم

وأنا اللي أحسبها مزحة أثرها جد ,,

بالتوفيق ومشكور أخوي على التغطية ,,

لكن عندي سؤال ... هل هناك مباريات صدق وإلا جمعة شاهي وسوالف

؟ - - - >>> جد السؤال

وداعا

hilalemooot · #2 13/02/2008, 02:50 AM

السلام عليكم

يعطيك العافية عادل

ماشاء الله تتدربون اجل

.. حنا الغينا المعسكر بـ آخر لحظة .. ماله داعي كل هالمصاريف

.. شدوا حيلكم ترانا لاعبين بخطة هجوميّة وتكتيك منظم

الاحظ ان احسن لاعب عندكم حسب كلامكم فيه من ريحة العالميّة و الدليل معاذ اليوفي

.. بسم الله علينا مبدعين بكل شي

موفقين .. وان شاء الله نشوف مباراة ممتعة

فـ مان الله ,.,.,

الهنوووف · #3 13/02/2008, 03:01 AM

وعليكم السلام ورحمه الله وبركاته

ياويلووووه ياويلووه من يقابلنا ياويلوووه

مو الاعبين ناقصين؟؟؟؟؟؟؟؟؟؟

كملتوو فريق ؟؟

الله يوفقكم وقلوووبنا معاكم

الفوووز مطلب

ولكن اهم شي انكم مثلتووونااا وماقصرتوووا

وكونكم لعبتوا باسم المجلس هذا بحد ذاته تشريف لنا ولكم

واذا فزناا فهذا شي يحسب لنا

لان اتوقع قسم العالميه عقولهم كلها كوره

مو مثل عيالنا ماشاء الله عليهم جامعين كل شي رياضه ثقافه وادب وساعه صدر البتاع كلوو

الله يحفظه ومن ملامحه باين عليه لاعب مبدع

اذا نقصكم مهاجم اتصلووا علي

يعطيك العافيه كلاسيكوووووو

الهنوووف

كانت

هنا

ورحلت

السامي كسمو الهلال!! · #4 13/02/2008, 03:24 AM

عمت صباحا الراقي دائما الكلاسيكي :

وش ذا

أحد يتمرن بثياب,,
لا والله فريق..

ليتك مانقلت التمرين بالصور..
الحين فريق.. وهيصة ودنيا وآخرتها يتمرنون بثيابهم,,

وين رئيس الفريق عنكم..
ووين المدرب..
ووين النقاد,,

الجمهور تراه ذويق يبي يتابع كورة.. مو درس بدنية في فصل 1\ب

انا ارشح العالمية.. لإنني من مشاهدتي للصورة اتضحت سوء أرضية الملعب اللي تمرنوا عليه فريق المجلس العام..تقول فريق اردني مو في الرياض ضاقت الملاعب يامجلس ياعام

استأجروا ملعب النادي حق زعيمنا,,

أو تعالوا بثيابكم كأنكم جمهور واذا انتهى التدريب شوتوا على بعض في المرمى خمس دقايق واطلعوا دامكم لابسين ثياب وانتم تمرنون,,
وثانيا مدخلين طلال ولد ابو طلال الملعب وهم في التمرين وماسك كورة,,
هاذي مشكلة الواسط لاصار الاب رئيس,,

أو يعني يدل ان التمرين ياترفيهي يا ( تمويهي ) على فرقة العالمية,,

عاد انا اشك ان فريق العالمية يضحك الحين,,
اجل ثياب ياحقين المجلس العام..

اشك انها مناورة إعلامية من الكلاسيكي.. ومجهزين فريق لهم خلف الأضواء,,
واللي بالثياب شكلهم اداريين او مسؤولي علاقات عامة في الفريق,,

يعطيكم على جوكم ياحقين المجلس العام,,

الا تعالوا ياحقين العالمية ماشفنا لكم مواضيع ولاتصاريح,,
نبي ندخل جو البطولة ..

ونقول للفائز شاطر .. شاطر..
وللخاسر.. بوس الواوا .. خل الواوا يصح..

ومنا لطلولي بوسه يا ابو طلال بس ماش الولد شكله شبابي من الكورة اللي حوله,,
قله يشجع الهلال,,

والا بنقول عنك مندس,,

وعلى دروب الخير نلتقيس أحبــه

الســامي كسمــو الهــلال1982

AC_MadriD_UTD · #5 13/02/2008, 03:26 AM

خخخخخخخخ .. من جدّكم أنتم متحمّسين

بأسألكم سؤال صدّزي

.. الحين بما أن اللعب بدون جزمة - وأنتم بكرامة - عادي .. طيّب اللي بيلعب

بـ طاقيّة

؟!!

طيّب .. إذا لعب بـ طاقيّة .. يصلح يلعب بـ ثوب ؟!! <= ما وسوس من معاذ اليوفي

لا جدّ يا معاذ .. ترى المباراة للوناسة فقط .. مب للتشهير

.. يعني مالها داعي كباريات وتسحيب

بالحارس ومدري ايش .. بعدين مالها داعي تصُاب بمباراة ودّية

ترى قلب الدفاع أسير الزعيم

<= من الحارس

؟!

هامورينهو

.. وش مركزك أنت ؟! أحس أنك قلب احتياط خخخخخخخ

تراني في وجهك يا هلالي موووت .. مالها داعي أجيكم مصاب بكرة