تقرير عن تمرين منتخب المجلس - صفحة رقم 4 - نادي الهلال السعودي - شبكة الزعيم

alhawey · #46 13/02/2008, 12:13 PM

وعليكم السلام والرحمه،،

حيا الله أخوي عادل

وعوافي على هالتقرير

بما إني دافع قروش عشان عضوية الشرف، بودي أعلن حبي وعشقي لهذا الكيان عن طريق الآتي:ــ

1ـ المعسكر أمس ما جاز لي بالحيل، لذلك في المناسبات القادمة بإذن الله سوف يكون المعسكر في أديس أبابا، وسينقل الفريق بطائرة خاصة بالذهاب ، والعودة كل لاعب يدبر عمره لأني أبطلع منها أنا وابوطلال وعادل إلى باريس، عندنا شغل هناك.

2- بناءً على رغبتي وقروشي فإن ماجد مقبل سليعب أساسي.

3ـ فيما يخص اللاعب نمر واللي هرب من معسكرنا ، فأبشركم إني أرسلت ناس وراه وراح يجيبونه ويفسحونه.

4ـ بعد أن اكتشفت الإدارة أنه يلعب بالحواري ، فقد تم بالتنسيق مع مدير الفريق أبوطلال لفت نظر اللاعب/ زعيم افريقي( واعتقد أن اسمه سقط سهواً من هذا التقرير).

5ـ خصم راتب 9 أشهر على اللاعبين اللي تغيبوا أمس، وقبول عذر اللاعب هلالي الشماسية.

6ـ تقديم مكافأة مالية للاعب/ ليومسي ، لأن رده هنا جازلي ووسع صدري

.

7ـ تقديم مكافأة مالية للاعب الكبير/ مولع بالهلال، بعد أن نقل لنا بعض أسرار معسكر الجار .

8- بعد الفراغ من المباراة الحاسمة، أبروح أنا واللاعب الموهوب /معاذ اليوفي لايطاليا ليتدرب مع فريق اليوفي.

9- بعد الاتفاق مع ابوطلال ، سيتم تقديم سيارة والد ابوطلال حفظه الله للاعب اللي يسجل 6 أهداف باللقاء.

10ـ التكفل بعلاج اللاعب/جرح يشكي في أي مستشفى بالعالم، وإن كنت أنصحه بمستشفى بالشميسي.

11- لفت نظر اللاعب /كلي هلالي، بعد أن لبس فنيلة فالنسيا وذكرني باعتزال الثنيان وضاق صدري.

أخيراً ، أوجه رساله للاعبين بأنه ، كل ما طيرتوني بالعجة وصفقتوا لي ولابوطلال وللكلاسيكي كلما زادت مكافأتكم.

عدلنا عدد أشهر الخصم عشان خاطر هامور

هامور

( إن كان تبي ما أخصم عليك ولا ريال أكتب لي قصيدة قل فيها إني كريم وإني أطلق واحد بالشله، وبعدها أبشر برضاك))

هامور البورصه · #47 13/02/2008, 12:26 PM

السلام عليكم

إقتباس


	5ـ خصم راتب 11 شهر على اللاعبين اللي تغيبوا أمس، وقبول عذر اللاعب هلالي الشماسية.

يالهاااوي حراام عليك اشلون بنصرف على عيالنا

واسف اني امس ماقدرت اجي لكن ان شاءالله اليوم ابجي

والوعد بالاسترااحه اشحن سوا نطلع سوا

عالم الهلال · #48 13/02/2008, 01:01 PM

ماشاء الله شغالين بيانات وتصاريح

اهم شي لقيتوا حارس؟؟!
وانتبهوا من الحكم لا يصير من العالمية..

بالتوفيق لمنتخب المجلس
عوافي الكلاسيكي والجميع ..

leader-imf · #49 13/02/2008, 02:24 PM

السلام عليكم ..،،

خبــــــــــــــــــــــ عاجل ــــــــــــ وحصري ـــــــــــــر ..

بعد إلحاح شديد من leader الي هو أنا على كل من :

إداري الفريق (( الكلاسيكي)) و عضو الشرف (( الهاااوي)) و رئيس الفريق (( ابو طلال ))

وطلبهم بتوضيح المبالغ المرصودهـ من قبلهم لدعم فريق المجلس العام

وذلك لتحفيز الاعبين وعدم النظر لاي عروض اخرى ..

وتغطي هذه المصاريف الاتي :

1- المعسكرات الداخلية والدولية والفضائية ..
2- الإصابات الخفيفه والشديده والمزمنه ..

3- المـــــكــــــــافــــــــــــاَت .. للاعبين

و الحكام ..

وتم التاكد من هذه المبالغ بعد اتصال احدهم على الهاتف المصرفي
بحضوري وقمت بتسجيل لاتصال ..

وهذا هو الرصيد ..

http://up.m5zn.com/13NGU5IQ26GW/ااااا.wav

Abo Saud Alhilaly · #50 13/02/2008, 02:54 PM

يسم الله الرحمن الرحيم ,,

الإخوة الخصوم في فريق المجلس العام ,,

السلام عليكم

أتمنى تنسون المباراة و تخلونها كشتة في الصمان ولا الثمامة أزين لكم من المباراة , لأن فريق العالمية بيسحقكم بنتيجة ثقيلة , وسيهزمكم شر هزيمة

بالتوفيق للعالمية

الغريب · #51 13/02/2008, 03:13 PM

لا ترحل يا أبو طلال

وبالنسبة لعضو شرفكم اللي حضر .. الله من حب الترزز .. والله من سرع الهجه لاجاء طاري الدعم .. أو القطة !!

عموما إذا تمت التصفية بين كل المنتديات .. وعد مني ونيابة عن إخواني في منتدى الجمهور الهلالي نتيح للمنتدى الفايز فرصة التصوير مع فريق منتدى الجمهور واحتمال ( لكن ما أوعدكم ) نسمح لفريقنا الرديف يباري بطل المنتديات الأخرى ..

alhawey · #52 13/02/2008, 03:28 PM

إقتباس

الرسالة الأصلية كتبت بواسطة الغريب


	لا ترحل يا أبو طلال وبالنسبة لعضو شرفكم اللي حضر .. الله من حب الترزز .. والله من سرع الهجه لاجاء طاري الدعم .. أو القطة !! عموما إذا تمت التصفية بين كل المنتديات .. وعد مني ونيابة عن إخواني في منتدى الجمهور الهلالي نتيح للمنتدى الفايز فرصة التصوير مع فريق منتدى الجمهور واحتمال ( لكن ما أوعدكم ) نسمح لفريقنا الرديف يباري بطل المنتديات الأخرى ..

ودكم تلعبون أنت وفريقك

حامض على بوزك

معصي

لايغركم تراه يعشق الفلاشات(( فريان كبير ))

وشاف ما أحد حوله هو ومنتداه قال خلني أصرح تصريح مثير

وأترك الإدارة وزملائي اللاعبين يردون عليك بخصوص الدعم

الغريب · #53 13/02/2008, 03:53 PM

إقتباس

الرسالة الأصلية كتبت بواسطة alhawey


	ودكم تلعبون أنت وفريقك حامض على بوزك معصي لايغركم تراه يعشق الفلاشات(( فريان كبير )) وشاف ما أحد حوله هو ومنتداه قال خلني أصرح تصريح مثير وأترك الإدارة وزملائي اللاعبين يردون عليك بخصوص الدعم

شف يادغيثر المنتدى العام

صدقني ماهي مسألة إثارة .. يمكن .. بثارة .. بس إطلاقا ماهي .. إثارة !!

المسألة ومافيها إن رسالة فريق الجمهور كزعيم لفرق الشبكة إننا ندعم الفرق المغمورة .. وكان ودنا ندعمكم بالاحتكاك عبر لعب مباراة معكم بس مانقدر نلعب معكم إلا في يوم الفيفا وهذا تاريخه بعيد شوي فعرضت التصوير أو اللعب مع الرديف !!

أما تحريضك فهو متوقع .. بما إنك لاعب سابق في منتدى الجمهور .. و الآن عضو شارف يترزز في المجلس العام .. عموما علاقتنا بالمجلس العام وبكبار رجالاته أقوى من أن تؤثر عليها تصريحات غير محسوبة وأقول كما قال طلال العطيب في يوسف عنبر : من أجل كرام القوم تكرم حثالتها

السامي كسمو الهلال!! · #54 13/02/2008, 04:13 PM

الكابتن الغالي والغالي جدا الغريب ( قائد فريق لن ننساك ياسامي ) هنا,,
لا مش معقول.. ماهذا..

قوموا جيبوا القهوة والطيب ياعيال المجلس ,,
كابتنا ابو بدر جاء .. يالله وسعوا المكان..
انت وهو..

ياهلا بطعم الجمهور وكابتن فريقنا في المسابقة الثقافية,,
أجل يا أبو بدر موبايلي تدعم الهلال بمكالمات مجانية والجوال يدعم النصر بخدمة موجود,,

ذبة قوية يابطل..

وحاولت أدور لك مسج بس ماش المخ ماطلع فيه شيء ذاك اليوم,,

ومحضر لك مسج بمناسبة يوم الحب

هو متى بس,,

حنا مانمشي الا بالشيء الرومنسي,,
لاتصدق تراني اكرة يوم الحب ومايجوز

بس علمني أنت تسهر تالي الليل أو لا

اخااف أدز لك مسج ويزعجك وتدعي علي إني صحيتك من النوم,,

نجي لعيال المجلس ولاحظ قلت عيال المجلس لإنهم ماش مو فريق

أجل يا ابو بدر تبينا نلعب معهم وهم يلعبون بثياب,,

تخيل مكونين فريق للجمهور وتعرف حقين الجمهور ( ماشاء الله ) شغل عدل
ومو خذني جيتك مثل حقين المجلس العام يلعبون بثيابهم تقول أول مرة يشوفون كورة واستراحة

بعدين يا ابو بدر حتى يوم الفيفا لمدة سنتين عندنا في تاريخة مباراتين وحده مع لوكسمبورغ
والثانية مع انجولا

اذا بيدفعون لنا المجلس العام ( حق مباراة ودية ) عشان يحتكون مافيش مانع,,
منها نخلي فريق الجمهور يتونس ويلعب مع ناس يلعبون بثيابهم
ويعضون ثيابهم وهم رافعينها,,
تخيل أشكالهم ( اللهم لك الحمد بس )

أكويهم ياغريب أكويهم,,
حقين المجلس العام.. ناس مايمشون الا بالعين الحمراء مو ( عين صالح كامل المفتوحه )
على النايلسات مدري عربسات ,,

كنت برفع خطاب تظلم لــ أبو فهد ونقول ترى ناس يلعبونبثيابهم يفضحون الشبكة بعدين,,
على الأقل ناخذ طقم الهلال بشعار الجوال سابقا ونعطيهم هو يلعبون فيه لايفضحونا,,

أبو بدر انبسط لا شفت لون أخضر من الجمهور هنا

جب الكل هنا خلنا نعطيهم جوهم حقين المجلس العام,,

بعدين حقين العالمية اصدقائنا جنب الجمهور هم يعني في نفس الحارة لكن حقين
المجلس العام مكانهم بيننا وبينهم اقسام كثيرة واخرها منتدى المغتربين اللي راح
اكون صديقهم الجديد في يوم,,

وعلى دروب الخير نلتقي أحبــه

الســامي كسمــو الهــلال1982

جرح يشكي · #55 13/02/2008, 04:36 PM

إقتباس

الرسالة الأصلية كتبت بواسطة alhawey


	ودكم تلعبون أنت وفريقك حامض على بوزك معصي لايغركم تراه يعشق الفلاشات(( فريان كبير )) وشاف ما أحد حوله هو ومنتداه قال خلني أصرح تصريح مثير وأترك الإدارة وزملائي اللاعبين يردون عليك بخصوص الدعم

احدثكم وانا في فرنسا ، اثر اصابة مفاجئة داهمتني في بداية التمرين

احب ارسل سلامي لـ امي وابوي

ولـ عضو الشرف اللي تكفل بـ مصاريف رحلة علاجي

" الهاوي " ][ قلب ][

الشكر لـ الهاوي على تبرعه السخي والغير مستغرب منه ، تعودنا من الكرم الى ان اصبح كرمه شي طبيعي

<===@ الهاوي ابي العب المباره كامله

leo messi · #56 13/02/2008, 04:38 PM

^
^
الاسهم للسامي وخويه الغريب

اقول انت وياه ورا ماتشيلون عفشكم لمنتداكم وتعالجون قضايا المندسين

اللي ماشي سوقها عندكم هالايام

ياحبكم للترزز

لأنكم تعرفون ان اقصر طريق للشهره هو الهجوم

على المجلس العام وعلى اعضاء شرفه الاوفياء

بقيادة الهاوي
وابو طلال

لا وياليت بعد يجون يشجعون لا .. حش فينا ( صحيح شيون وقويين عيون

)

لكن فريقنا تعود على مثل هذه الاجواء حاله حال الهلال تجد الجميع متحدين

ضده لأجل اسقاطه ولكن الكوووبير لايسقط

وبهذه المناسبة اقدم قصيدة لعضو الشرف الداعم وصاحب الايادي البيضاء الهاوي

وصاحب المدة الجزلة

وصاحب اليمنى الكريمه

وصاحب التواضع الجم

وصاحب الوقفات البطوليه

وصاحب الشيكات

وصاحب العبدالله

>>

الهـاوي يالهـاوي يالهـاوي يالهـاوي ...... ياللي بتصريحاتك وحضورك كاويهــم

ياللي شيكاتك تبرّد الكبد وتبعّد اللاوي

.... من جــد انت اكـوس واحـد فيـهـم

<< كيييييف ؟؟؟ بالله منيب استحق مكأفأة مضاعفة بعد هالعصماء ؟؟؟؟

وسلامتكم

.

صقر فيصل · #57 13/02/2008, 04:41 PM

لكنني حزين انكم شلتوني من الحراسة

مع اني رفضت عرض لحراسة منتخب الجامعة

حتى ان فريق الهلالي الثقفي يبوني بداله

<< ايه طيب

بالتوفيق لفريق المجلس..

ما دام انه بقيادة المشرف والمستشار والناقد فما عليه خوف

الله يوفقكم بالمباراة

LBa your heart · #58 13/02/2008, 04:47 PM

يالسامي فيه أحد من أعضاء المجلس ذابح واحد من جماعتك؟

تدري اللي لابسين ثياب هم أحسن لعيبه !!

وهذا هم لابسين ثياب لقموني كم كبري.

المهم اذا انت بالرياض ياليت تشرفنا بحضورك بوقت المباراة .. بنحجز لك كرسي بالمنصه( جب معك كرسي يمكن مافيه كراسي )

نـــــــ15ــــــمر · #59 13/02/2008, 04:47 PM

رحت اخذ عمره مع كالون

تشـــــــــــــاو

أبو فيصل الرحيمي · #60 13/02/2008, 04:51 PM

إقتباس


	^ ابو فيصل وش دعوة مافيه مباريات الا فيه والمباراة حسب الموعد المتفق عليه يوم الخميس بالملاعب اللي على مخرج 6 .. الدعوة عامة حياك

طيب يا كبتن أي وقت (( لا تقول المغرب

)) ؟

والجية بإذن الله جايين