الغريب عدم تثبيت هذا الموضوع ياإدارة المنتدى

والله بصراحه اكبر غلطه الانسحاب من بطولتين من الثلاث بطولات الرسميه بالسعوديه والزعيم قدها وقدود وسبق له الحصول على الثلاثيه قبل موسمين وللعلم انه يجب عليهم التفكير بجميع البطولات . ولا اتوقع ان الرئيس قصدها يمكن تكون مناوراه والله العالم شكرا على موضوعك .

اشكر الجميع على التفاعل مع الموضوع

وعلى دروب الخير نلتقي

متـى قـال هـالكـلام ..؟
أنـا متـابعـة كـل تـصـريحـاتـه ولاعمـري سمعتـه قـال حتسـي مثـل هـاللـي تقـولـه ..!!!
حـــرام عليـك تجـيب كـلام مـن راسـكـ ..
وتتهـم الـرجـال بشـي هـو مـاقـالـه ..!!
وبعـديـن انـت مـن جـدكـ يعنـي هـو مـايبي الكـاس .؟
ليـيه ..؟
هـو هـلالـي زيكـم ..
وعــاشق للهـلال زيكـم ..
وش فـرقتـوا عنـه .؟
بالعكـس محـد يتمنـى الخيـر للهـلال زي أبـو سلطـان :smilie47:..
لانـه مـوب شـايل هـم نفسـه بـس ..
لا هـو شـايـل هـم أكثــر مـن 600.000 مشجـع للهـلال فـي جمـيـع أنحـاء العـالـم ..
سـواء كـانـوا سعـودييـن ولا مـوب سعـودييـن ..!!
والمـره الثـانيـه لاتألف فـي التصـاريـح ..
لان فـيـه نـاس مـاتفهـم وتنتـظـر أي زلـه عـلـى أبـو سلطـان :smilie47:..!!

بنوته الله يسامحك الرجل صرح بنفس المضمون بعد مباراة النصر بقوله سنفرغ اللاعبين لبطولة الدوري

ارجعي لتصريحه بعد مباراة النصر ولا تتهميني بالتأليف قبل تتأكدي

وهذا نص الخبر في اخبارالسبت في جريدة الجزيرة

كتب - طارق العبودي

قال الأمير محمد بن فيصل رئيس الهلال عقب الفوز على النصر في افتتاحية مسابقة كأس سمو ولي العهد: إننا فزنا بجدارة على فريق كبير وصعب وهو (المنافس الحقيقي) للهلال.

وأضاف: أهم شيء هو أن الجماهير استمتعت بأداء كبير ونظيف من الفريقين وهو ما تحدثت عنه قبل المباراة في تصريح إعلامي.

وفجر سموه مفاجأة كبرى حينما أشار إلى أنه سيجتمع مع المدرب من أجل المشاركة ب(الأولمبي) في بعض المباريات وإراحة الدوليين والأساسيين!.

معليش يالغاليه ما صدقتي بهاذي يمكنك ما تابعتي تصريحه

بعدين انتي معقوله ما تلاحظين محمد بن فيصل اول والحين فيه فرق موب طبيعي وعندنا مصلحة النادي فوق الرئيس وغيره يعني ما قلنا عليه شي ما قصر بأي شي وهاذا من واجبه انه يدعم النادي بس اذا انه صرح بهاذا التصريح يعني اقل شي يراعي شعور الشعب الهلالي يعني كم لنا ما خذينا بطولات ؟ وقلنا اننا مشتاقين للبطوله ولا قلنا شي غلط وهاذا حقنا

ذهبـ يا هلال بيض الله وجهك

تحن الهلاليين نحب محمد بن فيصل لكن لابد من انتقاده حتى نسير بشكل صحيح

وعلى قول أخي ذهب ياهلال نريد بطوله تفرحنا

هـو مـاقـال احنـا مـاتهمنـا هالبـطـولـه ..
وبعـديـن الـرجـال صـادق ..
يعنـي مـوب معقـولـه ان الـلاعبـين يلعبـون فـي الاسبـوع الـواحـد مبـاريتين ..
هـم نـاس زيكـم ويحسـون مثلكـم مـوب آلات ..
وحتـى هـم يبـون الفـوووز زيكـم ..
وانـا مـاقلـت انـك مـاتحـب أبـو سلطـان ..
لانـي عـارفه ان كـل هـلالـي يحبـه ..
وركــّـــــــز ع كلمـة ][ هـلالـي ][
ومـاقلـت لاتنتقـده ..
انتقـده بـس بشـي هـو سـواه أو هـو قـالـه ..

قد يكون أبو سلطان يريد من الأندية لأخرى أن ترتخي من أجل أن يتهمها الزعيم..لاتخاف هذا أبو سلطان.