|
مميزات القناة الرياضية السعودية ؟ السلام عليكم ورحمة الله وبركاته بصراحة كثير منكم ينتقد هذه القناة المسكينة ويصفها بالخشبية لكن بصراحة انا اشوفه ممتازة لوجود معلقين ومذيعين متميزين مثلا عندك سلمان المطيويع مايحتاج نتكلم عنه عندك صلاح الغيدان ببرنامجه المشهور 999 عندك الظاهر اسمه خالد السعيد الي كان يقدم برنامج عن الدوري السعودي يوم الثلاثاء بصراحة يعجبني عندك الحصان بصراحة برنامجه رائع ومفيد للشياب وفكرته حلوة ويكرم نجوم الماضي عندك احمد الشمراني الاهلاوي مع انه اهلاوي لكن اسلوبه هادي وممتاز عندك وعندك وعندك وفي مجال التعليق عدد ولا حرج عندك دكتور التعليق عبدالله العدوان الي يقول عملها الجمعاااااااااااااان وسياسة القادمون من الخلف وعندك ابراهيم الجابر ماشالله انسان رايق وعندك خالد اليوسف متحمس ماشالله عليه احسن من الحربين وعبدالله الحربي الي تقول صوته كانه توه بالغ وعندك ناصر الأحمد ممتاز لكن عيبها في عدم نقل الدوري السعودي ويمنون علينا بالدوري الفرنسي الطفشان واسف علي الاطالة لكن الحق يقال |
وللأسف أن أغلب برامجها فيها كره واضح للهلال ونجومه والدليل برنامج الدليل القاطع للفرهود ::::::::::::::::::::::::::::: تحياتي لكــ |
إقتباس:
لكن ياخي في برامج تميل الي الزعيم واخري للاتحاد واخري للاهلي .. الخ وشكرا |
والله قناة مافيها اي نوع من الاحترافيه عندهم مذيعين والله يمكن خريج سادس ابتدائي اكثر ثقافة رياضية منهم المذيعين المميزين عندهم مايتجاوزوا أصابع اليد والبقية مابين مشجع ومابين جاهل ومابين واسطة |
إقتباس:
|
ابووووووووووووووها من مميزات والله حالة اقوووول الله يعين اللي ماعندهART او شوتايم اوالجزيرة تصدق لو يرجعووووون القناة الثانية افضل لهم |
إقتباس:
|
إقتباس:
تحياتي لكـ ورده |
art كل الكره السعوديه في ملعبك |
إقتباس:
الله يهديك |
مع احترامي للجميع لا شفنا لا إبداع ولا إمتياز ولا بعد فتحيه خخخخخخخخخخخخخخ... عمومآ نتمنى انها تتطور للأفضل في القادم....والله يعطيك العافيه% |
إقتباس:
|
إقتباس:
احترم وجهة نظرك ولو انك محيت اي ذرة ابداع وهذا ظلم |
أنا عندي إستراحه .. وفيها جميع القنوات الرياضيه .. art... showsport...الجزيره الرياضيه... لكن والله ما أرتاح إلا على الرياضيه السعوديه ... ليه ما أدري ... وأتمنى ما أحد يقول المثل اللي براسه !!! يعطيك العافيه يا العندليب الأسمر |
إقتباس:
هذا ان دل علي شي دل علي اصالتك وعشقك للماضي مشكور يامعدن يا أصيل |
أولا قنــــــــاة مع احتــــــــــرامي مافيــــــــــها الا برامج تنعد على اليـــد .. ولا بسالك سؤال انت شفت الديكـــور حقهم من يوم اشوفه اطفي التلفزيون .. كيف تقولي قناة متطوره .. كل الرياضه و 99 وبس والباقي ياشيخ على ديكوراتهم الفاشله .. ولا خذلك من المعلقين ابرهيم الجابر تنام في نص المباره .. كل المعلقين معليش ماعدا ناصر الاحمد .. ولا مبــاريات مهمه ومتنقله اذا الدوري السعودي ماتنقله اجل ايش تنقل .. هذا اكبر دليل انها مافيه اي احترافيه .. |
مع احترامي للجميع لا شفنا لا إبداع ولا إمتياز ولا بعد فتحيه خخخخخخخخخخخخخخ...عمومآ نتمنى انها تتطور للأفضل في القادم....والله يعطيك العافيه% |
أي قناة تقصد الرياضية السعودية ما غيرها ؟؟؟ خخخخخ الله يرجك يالمزّاح !! جاد أنت ؟؟ لا ابوها لابو أبو أبووو ابوها قناة !! و99 هذا اللي فيها .. وبعدين وش اللي حرام تسمونها الخشبية !! يحمدون ربهم .. وشفها جت منهم شالوا الشعار الذهبي لانهم موب كفو !! بس مشكلتك نسيت المميزات التالية : 1- بدر الفرهود (اطلق مذيع بالشرق الاوسط ويبونه الـBBC ومعيي ) !! 2- قناة سعودية (وتجيب لك الدوري الفرنسي ) صافي قزازة !! ويوم قالوا طيب نبي الدوري السعودي ننقله بحكم اننا نمثل السعودية !! قالوا لهم (اقطعوا واخسوا ما بقى الا هي ) !! 3- الحصان اللي متناسقة (لغة الجسد ) مع (محتوى الموضوع والحوار) !! يا شيخ صفقني كان عنده (ترابط عصبي عضلي ) !! الجملة في وادي وحركات خدوده ويدينه في وادي !! 4- بعدين يكون في علمك هالطقة اللي أنت تقولهم (( السعيد !! الجابر !! المسعود !!الفرهود!! الحيدان!! العرفج!! ال ال ال كلهم تكملة عدد !! وأقل من المتوسط بقوة !! )) ليه ننفخهم ونطبل لهم وهم ما يستاهلون !! تميلح وملل وقلق !! وبعدين وراك تقول : إقتباس:
إقتباس:
- وإلا خالد اللحيدان ؟؟ اللي أحس انه من توظف وهو ما عنده الا تكميلة النصر وبنطلوين قطن لاعب بأمهن الجفاف !! واذا شفته المرة الجاية أبهدي له (كريم شعر ومشط) يا اخي كد شعرك !! - وإلا ذاك المسعود اللي اذا جاء يقرأ من الورقة كنه يعلك باغة !! - وإلا القحطاني !! أنا أول مرة اشوف (سكسوكة) أكثر من شعر الراس !! أنا اقترح على القحطاني يلبّس سكسوكته (طاقية) !! وش اللي عندك وعندك؟؟ والله ما عندنا ولا مذيع بارز !! كلهن (أقل من الافريج) !! ولا فيه ولا اسم في قناتنا الرياضية مشهور خليجيا والا عربيا ما عدا المطيويع وحايقها في هالمواويل !! إقتباس:
إقتباس:
قناة ما بعد أجبرت المشاهد (يحترمها ) وإلا يناظرها !! لو تشوف وشلون القنوات تتسابق لكسب الجمهور !! تتسابق للظفر فيه وتلبية متطلباته !! يعني تخيل نفسك بنغالي !! وقناة بنغلا الفضائية ما تنقل الدوري !! ميب معقولة صح؟ !! أجل وشلون وحنا الدولة العربية القدوة !! وشبابنا على قولتهم اطلق شباب !!خخخخخ ايه هين !! وقناة (الشباب الرياضي اللي هي محور حديثنا ) .. عاجزة !! ومكتفة اليدين !! ولا فيها الانسان اللي تأمل عليه مجرد تأميل !! أنه يقدم يقترح يبادر !! يا جماعة اذا ما نقلتوا الدوري السعودي وش تبي تنقلون (دوري كشمير للركبي )؟! احترموا (مشاهدينكم ) عشان يحترمونكم !! |
قناة مالها اي لازمة في الدنيا !! يسكرونها افضل ولا احد درى عنها !! |
طيب رح وقارنها مع دبي الرياضيه اقسم بالله الواحد يحزن اذا شافها فرق السماء عن الآرض وينقلون كل مباريات الدوري صح ان دوريهم خايس لكن على الاقل ينقل ومعه الدوري الآلماني استوديهات زي العالم والناس قناه محترمه بمعنى الكلمه اما حنا غرفه مظلمه ولمبه حمرا في وجه المذيع وجنبه فاكس :d عووووووووووووووووووافي |
الله يخلي الاوربت اول والله لا art ولا الخشبيه اللي قاهرني انا art يفشخرون كاميرات وخرابيط والله ما عندك احد شكل طاقمهم ومخرجينهم اي كلام مباراة كامله ما يجيبون صوره للجمهور والا الامواج والا الزلزال والا المعلقين والله ان الخشبيه احسن من القرد الحربي والغثيث الحربين |
لا مميزات ولا شيء ؛؛ قناة فاشله ماعندها أبسط طرق الاحترافيه في البرامج والنقل .. |
إقتباس:
ياقدمك تراه استقال بسبب القناة الرياضيه لانهم هزئوه ليش؟ لانه امتدح الهلال امام فريق بخاكور الاوزبكي |
طيب وش دخل الريااضيه بالجمهور الهلالي؟ |
ههههههههههههههههههههههههههههههههههههههه مغاط صح لسانكـ أحلى تعليق : لازم جنب المذيع فاكس ههههههههههههههههههههههههه شوف ياعزيزي القناة الرياضية ما أتابع فيها غير كل الرياضة اذا فاتتني لقطات مباراة والبرنامج الثاني هو الخميس الرياضي ومو كله هع .. |
المذيع سلمان المطيويع مذيع يستحق كل تقديرو ياريت مذيعالدليل القاطع يتعلم منه فن التقديم و يبتعد عن رمى الاتهامات و التشكيك |
| الوقت المعتمد في المنتدى بتوقيت جرينتش +3.
الوقت الان » 11:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd