أستديو تحليل القناة الأولى كأنك جالس في ملحق
 

والله انواع الخنطلة والبربسة والفلسفة

أمس سلمان المطيويع ويوسف الثنيان أحرجو يوسف خميس برجتهم وحوستهم

مع احترامي لسلمان المطيويع اقول له ماهو هذا اسلوب تبدء فية في تحليل مبارة وانواع الصجة والفلسفة والكلام البايخ اجل هذي مقدمة استديو ولا افتتاح الجنادرية يا سلمان

شف استديوهات التحليل العالمية وتعلم كيف تبدء

لا واخرتها وهو يتكلم يصارخ على الزملاء في الاستديو يقول لهم ياشباب ترا صوتكم وصل لنا في الاستديو؟؟؟؟؟؟؟؟؟؟؟؟؟
والصوت واضح وبقوه صوت ناس تسولف وتضحكم والله من زين الاخراج والاعداد

لا واللي يزيد الطين بلة انه يبدء الحديث عن الشوط الثاني عند الثنيان وابو يعقوب مفرع فاك ازارير ثوبه ورامي المايك على الطاولة ويحكي بعدين يقول له سلمان ابو يعقوب ترا المايك على الطاولة ماركبتة صوتك محد سمعه؟؟؟؟؟؟؟؟؟؟؟

يعني معقولة يوم بدء التصوير ما نبهو وقالو استعدو وركبو المايك على الثنيان ؟؟؟؟؟؟؟ وبعدين الثنيان الظاهر جازت له فكرة الاستضراف مع المطيويع

والله لو تشوفون وجه يوسف خميس المحترم تنقهرون والله فشلونا أحس ان كان يقول وش احرجني وخلاني معهم في الاستديو التحليلي

والله اشياء كثيرة قهرتني أمس في الاستديو مافي داعي اذكرها بالتفصيل

بس الوضع امس مسخره ومسوي فيها المطيويع يقلد مصطفى الآغا

بالعكس أخوي أنا أخالفك ف الي قلته تماما مع أني أحترم وجهة نضرك والمطيويع بالنسبه لي أطلق من الآغا بمليون مره

لازم الموضع يسير طبيعي

لا تعليييييييييييييييييق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

لا تعليق ع كل شيء خلونا نفرح بس يا عيال

يا خوي خل الرجال يعبر عن فرحته

المطيويع هلالى وكلن يعرف هشي


وش تبي يقول

خلاص انتهي وقت المجاملات

انا اتكلم عن الاستديو قبل المباراة واثناء المباراة

أستديو يفشل بصراحة

المطيويع اطلق مذيع رياضي سعودي مع بتال طبعا

والثنيان خبرة قليله بالتحليل التلفزيوني

يا أخي هم لو يطيعون شوري ويقلبونها دكاكين ومحلات .. وفوق شقق !! اصرف لهم وارحم لنا !!

يا اخي والله ما فيه مهنية !! اطلق ما فيهم يقرون اقوال الصحف !! يخوكم كل العالم تعرف تقرأ !!

لكن الفكر !! التجديد غايب !!

أنت شفت الاستديو حق امس .. كانه مكلفهم فما اتوقع متعدى 117 ريال .. بدون حساب البلكاش .. بويـبـينتين ونجفتين صغار هذي 9 ريال .. ومكرفونات زي اللي مع المطيويع بسبعة واما اللي مع يوسف خميس والثنيان اذا شريت واحد عطوك الثاني ببلاش .. خلنا نقول بسته ونص !! وكيسان شاهي نص درزن ب 11 .. وعلى كم تصميم فوتوشوب .. !! ما أقول الا الشرهه ميب عليهم الشرهه على اللي يناظرهم !!

برايفت سلمان المطيويع !!

ترا والله موب مضيعك الا هالمزاعق !! أنت تناظر الحلقات مسجله ؟! يخوك والله العظيم أم حديجان ما تستهبل كذا ؟! يخوك اركد !! يخوك قسم بالله اننا نسمع بدون مصارخ !! عندي جد موب يحتسي .. واذا شافك قام يشر لنا بيدينه يعني قصروا له !! لأنه داري انك راعي مزاعق وخايفن تقوم البزارين !! الا تسانك منتب تسمع زين .. لانهم يقولون اللي سمعه ماش !! يبتل يصارخ .. !! أنت انسان متحدث !! وتعرف تختار ضيوف !! بس عاد موب جايب لي نص معسكر المنتخب !! مروان شيحه !! الحربي !! الخليوي !! ع الدعيع .. فيصل ابو اثنين !! الرومي !! سعد مبارك !! حاتم خيمي !! ابراهيم ماطر !! مابقى الا تدق على (احمد خريش ومروان بصاص وعبدالله فوال) ويكمل فريق .. وتجيبون الفرهود يحكم لكم وتاخذون لكم طقة !!

صح ان الوضع تحسن شوي !! بس انت تبني وغيرك يهدم !! عمر الشغل ما يمشي الا اذا صار جماعي و منظم !!

لكن تكفى انا طالبك طلبة !! تترك عنك هالمواويل والله ميب راكبه على وجهك !! يعني انت متخيل وجه (يوسف خميس) يغني (ناقتي يا ناقتي لا رباع ولا سديس ) !! صح ما تجي؟! اذن انت موب راكب عليك هالمزاعق !!

خلك على طبيعتك يخوك .. خشاتك .. مداخلاتك متميزة !! لكن فيك هالعيب !!

مع احترامي لك الموضوع حطيته اكبر من حجمه أنا تابعت الاستديو

الاستديو رائع والمطيويع رائع والثنيان رائع وخميس رائع

حصل خطأ والخطأ وارد بس التحليل من أروع التحليلات


أما أخوي مورينهو السعودية الصراحة جانبك الصواب


الثنيان دائما اراءه صائبة وينم عن خبرة رياضية

واكبر دليل اول يوم شاف فيه ليلو في أول مباراة الكل مدح ليلو ألا الثنيان قال اللاعب غير مقنع
وفعلا المباريات اللي بعدها صحت نظرية الثنيان