السلام عليكم

امس الجمعة نزل الفلم وإلي كان محط انظار الجميع

انا شفت الفلم والصراحة الفلم كان بطل

وبطل الفلم الظابط السعودي ( فارس )

وما كان بالفلم إلي تجريح وأو إهانة بالسعودية

على العكس كان في توضيح إن الأرهاب ليس بامريكا بل بالسعودية يجد بها الارهاب

وانهم ضد الارهاب ويحاربون الارهاب

الاشياء إلي اشوفها فيها اخطاء

انا الامير يستقبلهم بقصره ويعرض عليهم طيوره الصقور ويسلون عن اسعارهم وخلاهم يصورن مع الطيور
وقبل كم يوم صاير تفجير

ولا الشي الثاني بعد ألا وهو انا الامير يجي مكان التفجير ويقول تم بحمد الله القبض ومن هالكلام


نرجو من شاهد الفلم يدلي علينا بتعليقاته


مسوي فها انا لغة عربية وبعدين عامية


سلام عليكم

والله انا شفت الفلم اليوم


والله الفلم اخراجه شي غير طبيعي

اللي اعجبني هو تضيح صورة السعوديه انهم ضد الارهاب و ضد اللي صاير

بس اللي ما اعجبني

هو توضيح قوة امريكا في كل شي

حتى في السعوديه

<<<<ما وده يحرق الفلم على اللي ما شافه

بس يا اخوووي زودوها انهم اقوياء

بس والله فارس ذا سنايدي

اما عبدالملك ذا كرهته

اما الامير اللي جابينه ما ادري وش يبي في الفلم

للأسف فيلم فاشل لأبعد حد
القوات السعودية لا تعني شيء
وأربعة أشخاص من ال FBI ينقضون دولة كاملة من أكبر راس مدبر للعمليات الإرهابية الغاشمة على البلاد
والأمريكان تنقلب فيهم السيارة ولا ينقلبون
عوذا

فيلم يقهر
وعلى فكرة حصل على تقييم +C وهذا يعتبر تقييم سيء لهذا الفيلم
وحرام والله هذه الضجة الإعلامية التي صاحبت الفيلم



تحياتي

اللي ما عجبني في الفيلم كانهم يقولون لولا العملاء الفيدراليين الامريكان ما كانت السعودية نجحت في التصدي للهجمات الارهابية

ممكن سؤال؟
هل ابطال الفيلم مشهورين
وهل التصوير كان في السعوديه

والله لا تنتقدون الفلم الفلم كان ايجابي في اغلب حالاته
اكيد معروف ان الامريكان لازم يهايطون شوي وهذا من حقهم
ما دام البلد اللي صاير فيها المشاكل هذي محد قدر يطلع لنا ولا فلم ولا مسلسل ولا حتى حلقه من حلقات طاش ما طاش اللي حنا فازيين فيه تتكلم عن الارهاب
بصراحه انا مدري وش ارد على الامريكان اللي معي يسئلوني عن اماكن التسليه والترفيه واتورط معهم تخيلو اذا قلت ما عندنا سنما انهبلو
يقولون طيب عنكم سباق سيارات زي اللي عندنا قلت لا ولا مسابقه كلاب طبعا لا
ولا مصارعة ديكه اقول لا
يقولون ياخي انتم وشلون تفلونها
طبعا اقعد انصب عليهم واقول عندنا ملاهي واماكن ترفيه وحركات
بس بصراحه ما علمتهم انها عوائل بس عشان ما يحقدون علي

إقتباس الرسالة الأصلية كتبت بواسطة البحر الأزرق المتزعم والله لا تنتقدون الفلم الفلم كان ايجابي في اغلب حالاته اكيد معروف ان الامريكان لازم يهايطون شوي وهذا من حقهم ما دام البلد اللي صاير فيها المشاكل هذي محد قدر يطلع لنا ولا فلم ولا مسلسل ولا حتى حلقه من حلقات طاش ما طاش اللي حنا فازيين فيه تتكلم عن الارهاب بصراحه انا مدري وش ارد على الامريكان اللي معي يسئلوني عن اماكن التسليه والترفيه واتورط معهم تخيلو اذا قلت ما عندنا سنما انهبلو يقولون طيب عنكم سباق سيارات زي اللي عندنا قلت لا ولا مسابقه كلاب طبعا لا ولا مصارعة ديكه اقول لا يقولون ياخي انتم وشلون تفلونها طبعا اقعد انصب عليهم واقول عندنا ملاهي واماكن ترفيه وحركات بس بصراحه ما علمتهم انها عوائل بس عشان ما يحقدون علي

أخي العزيز و أنت تعتبر كل اللي ذكرت منقصة في بلدنا !!!!!!!
إنا لله و إنا له راجعون

إقتباس الرسالة الأصلية كتبت بواسطة hilallover أخي العزيز و أنت تعتبر كل اللي ذكرت منقصة في بلدنا !!!!!!! إنا لله و إنا له راجعون

كلام رائع والله من اخي العزيز هلال لوفر ...

طبعاً "اغلب" الامريكان او الغرب بشكل عام يحترمون عاداتنا وتقاليدنا ::: إذا كان ماينقصنا الا السينما والملاهي :: فاللهم لك الحمد مانبيها وخلها لهم ...

إذا تم سؤالك لاحقاً عن اماكن التسليه في بلادنا الحبيبه :: قلهم وناستنا وفرحنا بصلاتنا في مسجدنا وجلوسنا مع اهلنا ....

والله العظيم مافيه شئ تفرح فيه الا يوم انك تسمع انهم مايسكنون مع اهلهم وكل واحد ساكن لحاله ومعتمد على نفسه .. وحنا نتظر الإجازه علشان نرجع ونشووف اهلنا ..

فخرنا بدينا وبلادنا وعاداتنا وتقاليدنا هي اهم شئ المفروض الواحد يبرزها للغرب...

إقتباس الرسالة الأصلية كتبت بواسطة فاضي مسوي قاضي ممكن سؤال؟ هل ابطال الفيلم مشهورين وهل التصوير كان في السعوديه

بالنسبه للابطال هم عرب لكن ما اتوقع انهم سعوديين
بس التصوير كان في ايرزونا وهذي ولايه مناخها يشبه مناخ السعوديه
بس برضو كان فيه تصوير في السعوديه جزء بسيط والباقي في ابو ضبي

المـــــــقـصود من الفــلم هو


تغيير تفكير الشعب عن امريكا


وانه عادي انهم يدخلون السعوديه عشان الحمايهمن الارهاااب

طيب ياعيال ابي اشووووف الفلم كيييف

توني شايف الفلم اليوم ... سحبوني الشباب الانجليز الي معي بالغصب لاني شفت مقاطع من الفلم وصراحه قهرني.وماكان ودي اشوفه. بس بعد ماشفت الفلم صراحه ماكان فيه ذاك الحش بالسعوديه الي كنت متوقعه.. بس فيه كم شي قهرني فيه اول شي مسوين ان امريكا الكل فل الكل وان السعوديه ماتقدر تسوي شي بدون امريكا.! وان هالخمسه الامريكان انقذو دوله بكبرها!!. ثاني شي لهجت الممثلين اللي مسوين نفسه سعودين ؟؟؟ من وين جايبينهم !!! لهجت سوريه علا اردنيه علا باكستانيه مدري وش تبي..؟؟ بس الفلم والله بطل من ناحيه الاكشن شييي.. الفلم مصورينه بالامارات بابوظبي حتا كم مقطع وهم بالشوارع لوح السيارات اماراتيه..

اقول الفيلم ما فيه اي شي يمت بالصحة الا الحادثة الاولى والابي افتراء

إقتباس وهل التصوير كان في السعوديه

الفلم صوروه بصحاري لاس فيقس بأمريكا

وكان مساعدهم في اخراج الديكور واحد سعودي

واستخدمو في الفلم 4 آلاف شماغ....

التصوير ما كان في لاس فيقاس كان ب اريزونا

ومخرج الديكور السعودي واحد من العيال في دي سي


انا اللي عجبني بهالفلم ان العربي كان ينفهم مهب مثل باقي الافلام ما تفهم الا سلام ويالله
بس الامير ما ادري وش كان يبي ما غير يترزز على التلفزيون

ورد بسيط على الشباب اللي زعلانين وشلون اربعة اف بي اي حلوا القضية وعساكرنا يقشرون بصل ، هذا حال الواقع مهب بذيك الدرجة بس هذا الواقع
وبعدين لا تنس ان الفلم امريكي فلازم يستعرضون بعضلاتهم وهم الابطال الشجعان هههه