|
رغـم الـفـوز لانـنـسـى الـسـلـبـيـات !! اولا مبروك الفوز والتأهل امام فريق النصر اهنئ الجميع اداره واعضاء شرف ولاعبين وفنيين الفوز لايمنعنا من ذكر بعض السلبيات في اللقاء ... سوف اذكر الحاضر في بالي واتمنى من لديه سلبيه اخرى ان يضيفها في الردود اولا - عبداللطيف الغنام كثرة احتكاكاته قرب منطقة ال18 وداخلها ايضا ( علامة استفهام كبيره عليك ياعبداللطيف وهالشي تكرر كثييير ) هذي نقطه اتمنى ينتبه لها الكابتن عبداللطيف وكلنا ثقه فيه ان يتلافاها في القريب العاجل انشاء الله ثانيا - علامة استفهام كبيره على طبيب النادي وحصول تسمم للكابتن الشمري ؟؟ الا يوجد اهتمام بالتغذيه ؟؟ الا يوجد متابعه وجداول للاكل ؟؟ على ادنى تقدير ابداء النصايح للاعبين حول الاكل الافضل قبل اي لقاء ثالثا - وجود الكثير من اعضاء الشرف واعضاء مجلس ادارة النادي بعد اللقاء عند مدخل اللاعبين لغرفة الملابس كان المشهد غير حضاري ابداً وهذا سبَبَ اعاقة لمصورين القناة الرياضيه وقناة ART هذا مايوجد في بالي هذه اللحظه اتمنى من لديه اضافه ان يضيف ومن لديه تعليق فليتفضل والسلام |
رابعاً مستوى الهلال اليوم اقل من عادي ولو الفريق الي نباريه غير النصر كان انهزمنا بس الحمد لله انه النصر استراحة الزعيم |
مشكور على الرد اخوي وكلامك سليم !! |
خامسا اللياقه ضعيفه الاعتماد على عشرين الف محور وانت تلعب قدام النصر والاستعراض الزايد عن حده والحمد لله ان هجوم النصر الحارثي والشهراني ولا كان علوم |
مشكور اخوي هلال تميم وفعلا اللياقه كان واضح انها ضعيفه خصوصا من لعب في مباراة المنتخب الاخيره وهالشي ماينلامون عليه لانه ارهاق عليهم |
المباراة كلها ايجابيات ولا يكثر هذرك المختصين ابخص ولابس تبغى تنتقد وبس لاعمرك تعود له |
اقول تعشيت ..!! |
اخوي زلزال الزعيم و اخوي مالكي هلالي شكرا على ردكم اول شي ياحسافة انكم تشجعون الهلال وهذا اسلوبكم بالرد .. اذا الموضوع ماعجبك مافيه داعي ترد يعني منتب مغصوب واعتقد عنوان موضوعي يكفي اننا ماننسى السلبيات حتى لو فزنا عشان نتلافاها مستقبلا اما اخوي زلزال الهلال احب اعلق على كلام (المختصين ابخص) .. يعني لهالدرجه انت عارف قدر نفسك وحاقرها ؟؟ ياخي الله حط لنا عقول عشان نميز الصح عن الغلط ولو شفنا الغلط لازم نقول عنه غلط حتى لو فزنا بعدين ( والكلام لاثنينكم ) انا كلامي من حرص وحب للنادي مب مجرد كلام فاضي احب اختم اخيرا انه اتحدى واحد منكم يذكر لي ان كلامي اللي قلته غلط ويحاجني ليش غلط تحياتي لكم .. |
صحيح أن مستوانا ليس جيد بس لا تنسى أن فريقنا ناقص الشلهووووب وعزيز وليلو يعني هذولي كلهم يأثرون وخاصه أنا حنا لعبنا بمهااجم واحد بس بأذن الله راح يرتفع مستوى الفريق |
انا ما الوم الاعبين خاصه اللي اللعبوا مع المنتخب ثاني شي نقصنا ثلاث لاعبين .. واللاعبين اللي لعبوا فيهم الخير والبركه ثالثاً اصابة المفرج .. رابعاً اصابة الشمري (( مع ان الدعيع اسد ما ينخاف عليه )) بس اكيد جاه وقت فكر لو جتني اصابه من بيوقف مكاني؟؟؟ كل هالعوامل تؤاثر بفريق .. كبير وإن شاء الله الجاي افضل وبالتوفيق للزعيمـ .. |
مشكورين ياشباب على الردود وفعلا الظروف اثرت على اداء الفريق اكيد ولكن يضل الهلال كبير بمن حضر بس قصدي من موضوعي ان فعلا غريب اللي صار للشمري وحالة التسمم وايضا احب اشوف اراء الاعضاء باداء عبداللطيف الغنام هل فيه احد لاحظ هالشي عليه مثلي او لا ؟؟ !! |
مع اعجابي الكبير بكوزمن واكتشافه للمواهب وتوظيفها الا انه الى الان لم يستطع تنظيم الدفاع , ويتفوق عليه باكيتا كثيرا في هذه النقطة باكيتا عنده التنظيم الدفاعي على مستوى عالي جدا حتى انه استطاع ان يتغلب على مشكلة انتقال الدوخي وضعف الجهة اليمنى وكان من الصعب اختراق الدفاعات الهلالية مع كوزمن حتى دفاع الحزم استطاع اختراق دفاعاتنا رغم لعبه بثلاث محاور ووجود ظهير يمين(افضل من العنقري والياس ) ووجود ظهير ايسر على مستوى عالي دفاعيا ومع هذا كله مازال التنظيخ الدفاعي سيء جدا التنظيم الدفاعي السيء هو من اخرجنا من البطولات منذ رحيل باكيتا وحتى الان المدرب الوحيد بعد باكيتا الذي كان عنده تنظيم دفاعي جيد هو سيريزيو (حسن شحاتة البرازيل) ولن نستطيع المنافسة ما دام التنظيم الدفاعي سيء وسهل اختراقه |
إقتباس:
مازلنا هواة ولا يوجد عندنا احتراف حقيقي مثل الذي في اوربا حتى تلوم احد على التغذية في اوربا اللاعب من الصباح الباكر وحتى الليل في النادي ويتناول وجباته هناك اما بالنسبة للتسمم ففي النوادي مسؤولي تغذية (وليس طبيب) هو المسؤل عن صحية الغذاء الذي يقدم للاعبين وخاصة قبل المباريات , ولا اظن ان في الهلال او اي نادي سعودي مسؤولي تغذية خاصيين في النادي .... |
يعطيك العافيه اخوي العشق الهلالي كلام سليم وموزون بخصوص التسمم انا فعلا قلت طبيب النادي وكان المفروض اقول الجهاز الطبي عموما لانه اكيد فيه اخصائي تغذيه عموما زي ماقلت هي تبقى مسؤوليه اللاعب ..ولكن بما ان اللاعبين عندنا هوات في الحقيقه محترفين في الاسم فـالمفروض انه يقدم لهم النصائح والارشادات لماهو الاكل المناسب قبل المباراة بساعات او حتى بليله .. مجرد تثقيف وزياده في العلم فقط لاغير .. |
انا اعندي عتب !!!!!!!!!!!!! اولا لياسر القحطاني الى متى الاستهتار بالفرص جتك فرصتين وضيعتها ياليت تضيع وانت مجتهد فيها المشكله بدون جديه باللعب عندك تمريره التايب اللي اخذها على الصدر وصار مواجه الحارس وسدد اي كلام هذي ملاحظتي على الكابتن ياسر المباريات القادمه مهمه ولاتحمل تضييع فرصه نحبك ياااسر وانت املنا بالبطولات بعد الله شكرا لصاحب الموضوع |
| الوقت المعتمد في المنتدى بتوقيت جرينتش +3.
الوقت الان » 11:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd