|
كوزمين (4 محاور مره وحدة) لو كان فريق غير النصر كان راح فيها الهلال!!! السلام عليكم ورحمه الله وبركاته تحية طيبة: في البداية الف مبروك فوز الهلال على النصر واهم شي ان الهلال تاهل للمرحلة القادمة في كاس ولي العهد واتوقع ان خصمنا في المرحلة القادمة بيكون الشباب... عموما الليلة كوزمين في الدقيقة 70 سحب وسط مهاجم (فهد مبارك) وادخل خالد عزيز واتوقع بان الهلال اصبح يلعب بـ 4 محاور ( الخثران- عزيز- الغنام- الغامدي) وهذي بحد ذاتها مشكلة فهي نفس تشكيلة (باكيتا) السنة اللي راحت عندما لعبنا امام الاتحاد في نهائي كاس خادم الحرمين الشريفين وانهزمنا من الاتحاد 2/1 يا كوزمين... اربع محاور لا تصلح مع الهلال ولو كان فريق غير النصر الليلة لاستغل هذي النقطة وخرج فايز... لكن النصر الليلة لعب بدون هوية... بدون روح الفريق... كان واضح عليه بانه فريق منتهي الصلاحية (مع احترامي للنصر) لكن اتمنى من ادارة الهلال ومدرب الهلال ينتبهون لهذي النقطة في المباريات الجاية فالهلال معروف عنه بانه فريق يهاجم ولا يدافع.... تحياتي،،، |
صحيح بس عدت على خير ويمكن عشان الي قدامنا النصر غير كوزمين يعني لو الاتحاد قدامنا ما اظن بيجازف بضياع الوسط |
الحمد لله انها عدت بخير |
غلطان اخوي الغامدي لعب وسط يمين والخثران لعب وسط يسار والغنام وعزيز محاور وانا مع كوزمين بالتشكيله المناسبه للظروف |
ماادري ليه تدورون الزله حتى بالفوز ياخي افرح بتفكير المدرب واللى سواه اليوم ويوم تشوف كوزمين يسوي هالطريقه قدام اي فريق اقوى من النصر تعال تكلم ,, |
ممكن تقول لي من اللي لعب محور اليوم؟؟ عمر الغامدي ساعد ظهير أيمن والمحاور في بداية المبارة كان الغنام محور ثابت والخثران يتحرك أمامه لما دخل خالد عزيز كان الخثران أكثر حرية وشفناه يهاجم ويساند أكثر هذي هي الحقيقة يعني لا تنظرون للأسماء ولكن أنظروا لدورهم داخل الملعب الطريقة هذي تعطي الأظهرة الحرية في التقدم وتخفف من العبء على خط الدفاع وتمنح الفريق السيطرة على كامل الملعب بالله أبي أسألكم؟؟ كم هجمه للنصر في الشوط الأول ؟؟؟ ومع انهم متأخرين في مباراة خروج مغلوب ما هجموا إلا ثلاث هجمات في الشوط الثاني وعلى فكره هذي طريقة باكيتا ببداياته مع الهلال أيام السداسية |
إقتباس:
الف شكر لك على تواجدك وردك s60s |
من قالك انهم لعبوا محاور .؟ يابوي متابع المباراه انت .؟ شفت وين لعب الغامدي والخثران اليوم ؟ شفت وين لعب عزيز يوم دخل .؟ اثنين محاور الغنام وعزيز وقدامهم وسط ايمن الغامدي ووسط ايسر الخثران صح هم يجيدون ادوار المحور وممتازين لكن الخثران مكانه الاساسي وسط ايسر الغامدي يلعب وسط ايمن ومحور ويبدع فيهم بالعكس انا يوم شفت هالتغيير تطمنت كذا نمسك الوسط صح ودفاعنا ممسوك الكره الحديثه امن دفاعك والوسط اكثر عدد من الاعبين وهذا الي صار اليوم وفزنا وبمستوى |
خل الأمر للمدرب وانت شجع |
إقتباس:
بس اتمنى يكون المدرب مقتنع من هالطريقة ما هي تفرض عليه s60s واتوقع بان ار تي قالت بانه حدث تغير في تشكيلة الهلال قبل بداية المباراة بنص ساعة بعد ان تم ادخال الغنام والمفرج بدال عزيز والمرشدي وهما كان اساسيين لكن حصل تغير قبل البداية :bigeek: |
إقتباس:
|
إقتباس:
صدقت أخوي ,, بعضهم بس من يشوف لاعب محور مشارك يعتبره خلاص لاعب في مركزه الأساسي وهذا مش صحيح ,, وبالنسبة لعزيز عندما دخل المدرب كان معطيه حرية يتقدم ,, بينما الغامدي والغنام يثبتون كما بدأو المباراة ,,,, أما الخثران فلا أعرف من وين إستنتجت إنه لعب كــ محور ! هو لعب منذ البداية كــ وسط أيسر |
اخوي اسمحلي ارد على موضوعك اللي ماادري وش يبي بس على العموم انتم اذا انهزم الهلال سويتو قلق واذا تعادل برضو قلق واذا فاز قلق انا ماادري فيه غير الثلاث هذي شي علشان ترضون الحين تشوفهم يبدعون بتكتيك مدروس اوربي وتجي انت وتقول لا المدرب مايعرف الا وشرايك تصير مدرب وتخلي الهلال في بطولة الحواري علشان نشوف تكتيكك مع فرق الحواري لو موضوعك مقفله اصرف وخل الجمهور يتمتع بالفوز وبالتوفيق للمدرب وانزل اعجابي للمدرب الداهيه تحياتي لك يابطل |
اقول خلو نا نفرح بالفوز ومالكم شغل با ا لمدرب المدرب ابخص ومن ناحيتى يعتبر هذا المدرب من أ فضل المدربين الذين مرو على الهلال بكل صراحه مع تحياتى لكل هلالى |
| الوقت المعتمد في المنتدى بتوقيت جرينتش +3.
الوقت الان » 03:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd