بوسع صدري بموضوعك ,,بنسى وضعي وادخل جو مع نقافتك واضحك
إقتباس
أهنئ القائمين على المجلس من مشرفين وإستشاريين ( على إني حاقد عليهم شوي ) ، وأعضاء على هذا النجاح ، آملين بالمزيد من التألق في ظل حكومة خادم الحرمين الشريفين وولي عهده الأمين.
يارب زيده فتاق على هالمقدمه
إقتباس
إتصال من الماما : عبدالله ترا غدانا رز ومرق ، تبي أسوي لك غداء خاص أو بتتغدى برا؟ أنا ( بحالة إحباط ) : لا خلاص بتغدا برا .
ماتأكل رز
اجل الماما >> ايه هين أجل يايوووووه وينها
إقتباس
النعفقة : مصطلح أسمعه دائما من الماما بمعنى : نفسه شينه
راح يستغرب الكثير منكم ويسأل عن ( الطماط ) : ما عمري أكلته وما أقدر آكله ، على إنه يسبب لي مواقف محرجة كل مره ألقى بالأكل طماط . الأكلات البحرية : ما أقدر آكلها .
أكلات بحريه ثقيله مره احس اذا اكلتها سببت لي تخمه وثقل ماادري العالم كيف تأكلها
الا الروبيان بس مااحبه وراء بعض حلو مرتين كل 4 اشهر
إقتباس
الأكلات الشعبية : الحمد لله أخيراٌ وقبل فترة بسيطة إستطعت أن آكل ( الجريش ) ، وقدرت إني آكل ( المطازيز ) ، و( القرصان ). بشرط أن تكون من يد ( الماما ) . أما المرقوق فلحد الآن ما عمري ذقته على كثر الوصف بأن طعمه في ( المخ ) .
والله الأكلات الشعبيه يازينها من يدين أمهاتنا .. الله يعظم أجر الأميمات عليكم يالعيال والا حنا البنات وهـ بس
بعدين والله الجريش حلو >> لعبة أمها
القرصان >> لعبة أم ليز
أما المرقوق أكرم النعمه يارب هي والمكرونه نصيحه لا تذوقهن >> اذا صار عشاهم مكرونه والا مرقوق لجدتها حطت راسها ونامت
الا على الطاري من هذا المنبر أطالب شركات المكرونه ( تعطي امي وعائلة ليز شهاده حسن سيره وسلوك وشكر وعرفان وكل الأوسمه أحسهم العوائل الوحيده اللي تقدس شي اسمه مكرونه لو يبقى عندهم كيسين يطربقون للسوق يخافون يمر يوم ماياكلون مكرونه
عاد يصيحون وتذن قيامتهم يوم بلا مكرونه
وان كشخوا كشخوا غيروا من الخواتم للقواقع يقالهم يجددون
وان صحنا عليهم مانبي مكرونه غيروا لصينية مكرونه
تبون صور للمرقوق بموضوعي بالمغتربين >> دعايه غير مباشره خخخخخخخ
إقتباس
زيادة على المرض المصاب به أعلاه ، فأنا مصاب بمرض نفسي أسميه ( ما أقدر آكل إلا من يد ماما ).
الحاله مستعصيه له له لزوم طبيب تغذيه وحمى اقلاعيه >>براا
إقتباس
( عمتي شيخة ) ، إمرأة كبيرة بالسن ومالها إلا ولدِ واحد ، وأنا أعتبر بالنسبة لها الإبن الثاني ( هذا إذا ما كنت بالمرتبة الأولى على ولدها ).
( عمتي ) ما تسمع بشخص إسمه ( عبدالله ) وأتوقع لو عندها بنت كان زوجتني إياها وأرسلتها ببقشتها حتى بدون ما أروح أخطب . ورسائل الجوال بيني وبين عمتي تحمل شعار ( لا يوقف ) . وتفرح وكأن الدنيا ( موش سيعاها ) إذا زرتها ببيتها ، وتكون مجهزة جميع الأكلات والحلويات وتحطها قدامي.
ماشاء الله يالعمه >> السوري >> طيب اطلعي براا لو سمحتي
ياحليلها عمتك شيخه الله يحفظها اجل تزوجك بنتها بس ياخساره ماعندها بنت
ماقلت لنا ماهو سر هذه العلاقه الدفينه >> وش عليتس من خلق الله
بي
إقتباس
وم كنت رايح لها البيت وبعد ما سلمت وتربعت وتأهبت لتصريفه من تصاريفي المعتادة
مولم العصابه قبل الفلقه
إقتباس
سألتني عمتي السؤال اللي كنت خايف منه : ليه ما تآكل ؟ من عرفتك وإنت ما قد مديت يدك إلا على الحلا ويكون من ( محل حلويات ) وغيره ما قد شفتك تآكل شئ .
ياويلي يالعمه والله اني أويت لها الضعيفه .. وراه ماتأكل ياملا الأكله يامنقوف
عاد انت ذكرتني بوحده الله يطول بعمرها دايم اذا رحت عشان اونسها واتعشى معها
يكون عشاها مرقوق والا مكرونه >> تقلد
المهم تقول يابنيتي كولي .. وانا اقول والله شبعانه ماله مكان توني متعشيه واذا لزمت وشفتها ضاق صدرها شوي وتصيح
الحالة : جائع والماما مسويه فطائر جبن من اللي يحبها قلبك
والله ياانا كل مامريت سطر والقى ( الماما ) أموت ضحك
أدوخ انا على هالمقطع واللي كله لغه عربيه >> حسستني انك خريج لغتن عربيتن
بس والله ماشاء الله عليكم من ايام المتوسطه اثرك يامواصل وصول
الموقف الثالث :
إقتباس
فلم ألبث أن أديت صلاة المغرب ( وفقعت ) .
ياويلي ياام ايمن وخوات ايمن تلاقيهن ودهن يخلطنك
اذا صار عندنا احد وادهرنا بعشاء ومااأكلوا قلنا وجع ياسفاب التعب >>ايه طيب
إقتباس
( مشغلنا هالخال أول ما يصلي يشغل بمسجل سيارته قصايد شعر ) .
عساها بس مب ناقتي يابعيري
إقتباس
سألت الطاهي : ما هذا ؟
اجل ماهذا ؟ ايه طيب <<< متقطعه ضحك فزعت العالم ياهذا ابوك حسستني اني جالسه عند بلاط سيف الدوله >>الا وش معنى بلاط
إقتباس
وقال : ترا اللي أكلته ( قوانص دجاج ) . *القوانص : قلوب ومصران دجاج الله يديم النعمة ( يعني مطرسه )
وتسبديه >> راحت ترجع عصيرها
بذ انا معك وشو قوانص توي ادري انهن يوكلن ..
إقتباس
الحواق باللغة : المطرسة بالإصطلاح : أن يخلط أحد الأشخاص الأكل بعضه ببعض .
شكلي من هالموضوع توي ادري عن نفسي
اني منقوفه وملحوسه وبي مرض نفسي الطنزه ماتعدى العركوب
إقتباس
مثال بسيط : خلط الرز بالمرق أو طحينيه مع جبن . أمور غريبه يسوونها الناس ما أقدر أسويها ولا أقدر آكل جنب أحد يسويها .
ذكرتني بعيال جيراننا يسوون الادهى بالفشفاش كلن يغط بفمه شوي ويرجعون يكبونه بصحن ثم ياكلون سوا >>الا والله امهم ماصطرت كل واحد كف يلبد خشته
إقتباس
صديق مقرب عمل خلطة أمامي حامت كبدي منه إلى الآن : كأس شاهي وضع بداخله جبنه ( مثلثات ) ثم زاد على الأمر بأن وضع الخبز بنفس الكأس وجلس يأكل أمامي .
انا لو مكانك كرهت الشاهي بكبره
إقتباس
كانت تقول لي عندما ( أتعنفق ) : نفسٍ شينة بلجدٍ ( أكمل الفراغ التالي ) .
نفس شينه وجلداً مروح
نفس شينه وجلداً مروح >> خلاص عرفنا انتس تعرفين
إقتباس
أمها داعيه لها اللي بتآخذك بتريحها لا طبخ ولا نفخ
ياسلام هذا المطلوب
إقتباس
2- دعوة للصبايا ممن تجد بنفسها مقبله على الزواج أن تقبل بي على شرط أن تخفض قيمة المهر إلى ( 10.000 ) ريال فقط ، لأنها لن تتعب أبداً بالطبخ .
يالله يابنات تخفيضات تخفيضات
إقتباس
3- حسيت إن كلمة ( ماما ) ما تنفع لي
<<< الى الحين تضحك
والله ذكرتني انا وحده من صديقاتي كنا ايام الجامعه انا مستحيل اكل شي فيه مكسرات وهي مستحيل تاكل شي فيه مشتقات الأجبان والحليب
وهات ياضحك وتطنز
إقتباس
أحب أن أنوه للجميع بأنني حالياً أعاني من فتــــــاق عقلي مزمن ، وربما لاحظه الكثير من خلال ردودي والسبب لا يعلمه إلا ثلاثة فقط وربما يستمر الفتاق العقلي لمدة سنه فالرجاء من الأعضاء أن يستحملوني
عادي تحصل بأكبر العائلات
كلنا هنا أخوان وخوات مافيه استحملوني واستحملكم
مواصل & عبد الله
يعطيك الف عافيه على المووضع يامنقوف وسعت صدري الله يوسع صدرك بالعافيه ورده واعذرني على الاطاله
والله التميتوز << البنت لغة على سبيل المثاااااال لا الحصر الشكشوكة << البيض من الد أعدائها
وعلاوة على كذا يجتمع هو والطماطم والبصل في طبق واحد يااااااربي الواحد وين يطس
الحواق فن من الفنون والتي لا يتقنها إلا قلة ..
هلا بالأخت الغاليه شـــــــذى هلا بالفضية ، مبروك مره ثانية وتستاهلين إلا بسألك وش التيتموز ؟ أما عن الشكشوكه ( فالحمد لله على النعمة ) !!!!!!!! ما أدري كيف العالم تآكلها والمشكلة أبوي يموت فيها ويتضايق إذا ما كلت من الشكشوكه ( ويسفل فيني ) صدقيني لو يتبرى مني ما أكلتها
ياليت يا شذى تتحفينا بنوع من أنواع الحواق لديك
إقتباس
الرسالة الأصلية كتبت بواسطة (((أخلاق سامي)))
والله يا عبدالله موضوعك كذا
حياك يا مشعل
إقتباس
الرسالة الأصلية كتبت بواسطة هلالي من ارض اليمن
اخوي مواصل ... اخيرا تشرفت بقراءة موضوع لك
للعلم انا من اعداء الطماطم ... ليش ؟ مدري
هلا فيك أخوي هلالي من أرض اليمن بالعكس أنا تشرفت بمرور علم من أعلام المنتدى أما الطماط فالحمد لله الكثير يوافقوني الرأي يعني مو أنا لحالي ( ALIEN ) والرواية واقعيه ( إسمي عبدالله ) شاكر لك مرورك
والا الليمون وتسبديه >> فيس يستفرغ وع بعدين والله الجريش حلو >> لعبة أمها
القرصان >> لعبة أم ليز
ذكرتني بعيال جيراننا يسوون الادهى بالفشفاش كلن يغط بفمه شوي ويرجعون يكبونه بصحن ثم ياكلون سوا >>الا والله امهم ماصطرت كل واحد كف يلبد خشته
هلا بالقصمنجية وربي ريما يا أنت مت من الضحك بردك لدرجة إني قريته أول ما نزلتيه 4 مرات كل يوم أدخل بس أقرأ وأضحك أما ليــــز فسلمي لي عليها ( سوت فيني حركه بـايخة ومعها كل الحق لكن ياليتها غيرت الطريقة) هي أخت وعزيزة وغاليه ومازالت أخت وعزيزة وغاليه وراح تظل أخت وعزيزة وغاليه أما عيال جيرانكم تذكرت حركه يسوونها البزران قبل نجمع سعابيل ونخليها ثقيله وبعدين ننزلها وحنا واقفين ونرجع نمصها علشان ترجع بالفم أما عن ( الســــــــــــوري ) اللي إنتي خابرتها فيا لبى قلبها هي وشيخة
إقتباس
الرسالة الأصلية كتبت بواسطة هلاليtop
يامواصل من عام الفيل والله انت سيم سيم انا سبحان الله لقيت واحد مثلي
حلو وشئ جميل يعني نقدر نقول إنك ( ALIEN )
شاكر لك مرورك
إقتباس
الرسالة الأصلية كتبت بواسطة algohmani
ليه وش تبغا تسمع اذا الشعر شغله اجل روح صفط على سيارة ولد خالي تلاقى خالد عبدالرحمن مسنتر في السي دي
مبروك مبروك توني أشوفك فضي ألف ألف مبروك أبوعبدالله
عاد لا تنسانا
_______________________
سأعود بإذن الله غداً أو بعد غد لإستكمال الرد بالصفحة الرابعة
حمدًا لله على عودتك إلى أيقونة الإضافة ,, علّك لا تعد إلى التغلى والتجافي معها مرةً أخرى
00000
تشير الساعة إلى 2:15 مساءاً
أسأل الله أن يحفظ لك الماما وأن يمتعها بكامل صحتها وعافيتها وأن يرزقك برها ,, أخي التنعفق واجد وهو منتشر في هذه الأيام , وراجعٌ باعتقادي إلى شي وإحساس نفسي لي صديق لا يأكل أي شي أبيض ( لبن , حليب , جبن , قشطة , جوز الهند , ... ) ,
0000000
الموقف الاول
* اللي حصل بعد جوابي هذا مالكم شغل فيه ( أسرار عائلية ) . ههههـ إن شاء الله ما وصلت إن الكعب مع العلبات لكن من جد ما تقدر تاكل ولا مجامله شوي بس ؟! .
لكن عسى الله يكون بعونك من جد معاناااات , ويعافيك ولا يبلانا
0000
مواصل من عام 1413 هـ يعطيك العافية على ما أتحفتنا به من مواقف جميلة وخفيفة على مابها من معاناة أسأل الله أن يفك أسرك وأن يرزقك زوجةً تساعدك على طلاق سراحك ,,
وراجعٌ باعتقادي إلى شي وإحساس نفسي لي صديق لا يأكل أي شي أبيض ( لبن , حليب , جبن , قشطة , جوز الهند , ... )
هلا فيك أخي هلالي الشماسية مثل ما قلت لكن مو توقع ، أنا متأكد إنها مسألة نفسية بس خويك تحفة سبحان الله بهالموضوع طلع ناس غريبه
إقتباس
الرسالة الأصلية كتبت بواسطة ماجد مقبل
ان شاء الله بعزمك على كبسة واجيب شطة وزبادي وليمون ولبن واخلطهم مع الرز وصب عليهم مرق قال لي وش رايك نسوي قشطة بالطماط
هلا بالأديب اللبيب لا تذكرني تكفى أمس جالس بالمقلط إلا ويدخل أخوي ( أحمد ) آآآآآآآآآآآآآآآه ما ادري وش حاط بصحنه أشوف اللون وردي بالصحن رز ولبن وشطه مع مرق وسلطة !!!!!!!!!!!!!!!!!! أنا جالس أتقهوى وأقرأ الجريدة ما قدرت أستحمل الريحة والمنظر وهو جالس يسولف معي ، قمت وخليته الحمد لله على النعم بس
إقتباس
الرسالة الأصلية كتبت بواسطة دوم هلاليه
الفــأئدهـ المترقبـه بالنسبه لكـ من موضوعكـ هـذهـ الفأئـدهـ الميح < خـآنها التعبير
2- دعوة للصبايا ممن تجد بنفسها مقبله على الزواج أن تقبل بي على شرط أن تخفض قيمة المهر إلى ( 10.000 ) ريال فقط ، لأنها لن تتعب أبداً بالطبخ .
هلا وغلا بـ دوم هلاليــــــــة وين طلعتي منه إنتي لو أدري إنك بتردين كان كاتب موضوع من زمان وبصراحة إنتي كشفتيني أنا كاتب الموضوع أبغا احد يتقدم لي ، والمشكلة إني طفران وأبغا وحده تنزل قيمة المهر بعدين ليه بايعة عمرها اللي بتاخذني والله إني لطيف وخفيف وظريف وشريف ( وكل جملة تنتهي بحرفي الياء والفاء موجوده فيني )
إقتباس
الرسالة الأصلية كتبت بواسطة alhawey
لكن إنك تصنف الطحينيه مع الجبن على أنها محوقه فهذا ما لا أرضاه ، وشكلك ما قد أكلت طحينيه مع جبن مالح
alhawey روقنـــــــــــا تكفى الطحينية ما أحب آكلها إلا لحالها مع شاهي مر ( هذا جوي بالطحينيه ) أما عن الجبن المالح !!!!!!!!1 ( تعجب كبير ) أنا ما آكل من الأجبان إلا ( البقرة الضاحكة ) و ( كرافت ) بس غير النوعين هذولي ما أقدر آكلها ( قال إيش قال جبن مالح مع طحينيه )
إيه أنا ( صوت الشعب ) ومتى كتبت إن أخوياي دشير وصيع !!! وملاحيس وعاطلين !!!!! إذا كلامك صحيح بالله تذكرني !!!!!
إقتباس
الرسالة الأصلية كتبت بواسطة @$%alshlhoob%$@
لازم تلقى لنفسكـ حل لانك راح تتعب بالحياة يعني انت وش ترضى تاكل من يدين الناس؟
هلا فيك أخوي إذا على مسأله لازم ألقى حل فهو لازم ألقى حل وضعي صعب إذا أعرست
إقتباس
الرسالة الأصلية كتبت بواسطة بريماكس!!
يعني انا احب الرز مع المطازيز طيب ابقولك وش رايك باللي ياكل تونه مع لبن
رز ومطازيز !!!!!!! وتونه مع لبن !!!!! أتوقع إنك تستهبل بس تبي ترفع ضغطي فارس إذا جد جد كلامك فوالله مع ينجلس جنبك إنت
إقتباس
الرسالة الأصلية كتبت بواسطة ملـــــ الهلال ــــك
أقول الله يعينك ع نفسك والله يعينك ع مرتكـ وأخوياكـ بس تصدق ألي يلحق الرز سنكرز انها بيعها ..
هلا بملك الهلال لا تبعد شف اللي يلحق الرز بسنكرز راد بعدك على طول
إقتباس
الرسالة الأصلية كتبت بواسطة كبرياء إنسان
هلا فيك يا زوووووووووول أنا قايلك إنك مريض نفسي من زماااااااان والردود أثبتت لك الشئ هذا أنا إذا أكلت رز ولحقته بسنكرز فكله بيروح للبطن وما راح يفرق شئ
ما راح يفرق شئ أجل!!!!!!! إنت يبي لك قاموس فضايح بالأكل وإذا على الرز مع سنكرز تهون
اعذرني على التاخر في الرد ..حجزت وحذفوا ردي ..<<<<<حبيته وانا انسان اذا ما كان ردي في الصفحه الاولى يخف حماسي..
ماعلينا ....انا الحين فيذا..
ابوعابد ..ما سمعت بالعبيله .. العبيله اصطلاحا:هي خلط المرق مع اللبن وعاده تشرب بعد المفطح
إقتباس
(2) صديق مقرب عمل خلطة أمامي حامت كبدي منه إلى الآن : كأس شاهي وضع بداخله جبنه ( مثلثات ) ثم زاد على الأمر بأن وضع الخبز بنفس الكأس وجلس يأكل أمامي . وكل هذا لمعرفته بأنني مريض نفسي من ( الحواق والبربسه ) .
اما بالنسبه للمواقف ... فانت انسان مريض .. ممكن انسان ما يحب اكله معينه ..مثلا انا ما احب الجريش.. لكن كل الوجبات ...انت مريض.. يا رجل الطماط ..الان اغلب الوجبات لابد من الطماط .. يعني انت ما تاكل بيتزا .؟؟؟؟؟
<< البيض من الد أعدائها 
..
..
..
..
..
: عبدالله ترا غدانا رز ومرق ، تبي أسوي لك غداء خاص أو بتتغدى برا؟
.
>> وش ها لفيس المملوح تونا نشوفه
ماادري العالم كيف تأكلها
> سامع انه تجيب البرص صدز 
الوضع المتطور
