الناجح يرفع اصبعه .. - صفحة رقم 3 - نادي الهلال السعودي - شبكة الزعيم

هلالية من زمن آخر · #1 07/02/2008, 10:44 PM

وه ودني أعبر عن شعورااآتي أكثر وأكثر

ياإني تعبت من هالـثاني ومن هالاختبارات وعندي إحساس ان درجاتي زفت والله خااآيفة احس اني بجيب 90 % بس ان شاالله ظني يخيب واجيب أكثر

ومبروك للناجحين والله يوفق الي مابعد دروا والله يسهل على اللي رسبووا وترا يمديكم تعوضون

إقتباس


	انا ثاني ثانوي علمي والى الان مااخذنا النتائج دعواتكم اخذ النسبة الي في بالي يااارب وبالعكس ثاني مو صعبة وعلى فكرة الفصل الثاني اسهل من الاول

الله يبشرك بالخير / اهم شي الكيمياء ان شاالله انه أسهل لانه يفقع المرارة وأكرهه كره الويل

أبو طلال الله يوسع صدرك مثل ما وسعت صدري مع إني مابـ ع ـد فضفضت بكلش بس ماحس انه احد بيتفاعل معي

احبكم يا 2/ع

حب يقطع الكون كلـه

ومن هذا المنطلق

سوف اكتب لكم ابيات شعر من تأليفي من قعر أيام الامتحاآنات ومن زود التعب والزهق والقلق وحومة التسبد

صرت اكتب هالخرابيط ض1

لاتدققون عآد

هذي كتبتها بأيام المراجعة قبل الاختبآآرآآت ../

نبكي... عساه الوقت يرجع لامــــجــــاده
حالنا في هالســنه واصــلن حــــده
عقــب ماكــنا ماخــــذين اللعب عــاده
صار الهم يلحقنا ولا قادرين نرده
ضــــاع العمر بالنــكد والهم وضاعت أعيــــاده
تمر كنها غصــة تعذب الاحساس وتهــــده
وبهالــفصل كني غريب فاقــد بــــلاده
لولا ربــي ثم وجــود (***) كان الروح منــــهده -> اسم صقيقتي

سكون وصمت وشــــطاره عندنا زيــاده
تحاكيهــــم عسى يحكون و ماغيرها مــنهم الصده
لا صار الواحد يحاول يعدل الأوضــاع ولا فــــاده
بيقفل باب الأمل والــــنور و يسده
لا يغركــ شوفة شطار الفصل ورواده
ياشينهــــا إذا انغصب شخص على مكــــان ولا <وده>..

وملينا من تــــكرار الشكى و تــــرداده
متــــى تفهم العالم وتوقف التعليــــــم عند حده
مناهج وقــــرارات زفت ياسآده
والتطور رآح و أعــــلن الصده
تعبنا والله وكــرفنا كرف [بزياده]
وعسانا نحصل الــــتوفيق بعد كل هالشده!

وسلامتكم /

وهذي باختبار الرياضيات ع مااأظن

[!!]
ياكتابي ارفق بحالي تراي تعبآن
من بدينا وأنا ماسكك باليد!
كنت اجتهد كل يوم وانا الحين زهقآن!
زهقت من كثر ماجمع الدرجآت [وأعد]!
طفشت من ملاحق حصة ومقابل فلانه بنت فلان --> اسم مدرستنا

وتعبت والله حتى وصلت [الحد]
حنا حظنا مثلنا حظ أعوج و خربان!
يعني على وقتنا قالوا (لازم على الطلاب نشد) ؟
شدوا من قبل يامال الخسران
أو شدوا صح ولا بلاه من [شد]!
اخ ياكتابي انت سبة الآحزان
احترق تكفى عشان[ اسعد]
احترق ترا تسعد مليون انسان
مليون ذآق منك التعب [والكد]
[!!]

هخخخخخخ

انتقدوني واجيزوني

وهذا غيض من فيض طبعا اقصد المشاعر

والله لو تشوفون ملاحظاتي الي بأألجوال لذا لتفشلون لي

لي ع ودة مع الفضفة معااآكم وان شاالله ارجع ابشركم بنسبة ترفع الدميجة (خخخخخخخخخخخخخ)

يالله

B r B

هلالى ولا احلى · #2 07/02/2008, 10:56 PM

ياطلاب ثالث حسب ما لدي من معلومات
لان يكون هناك اختبار من الوزاره لهذا العام بل
بحساب نسبه ثاني وثالث ثانوي تراكمينا

والا انا غلطان

بس
لا تزعلون

مبــــــــــــــــــــــــــــــــــــروك لكل الناجحين

^ العنود ^ · #3 07/02/2008, 11:17 PM

^^^^

طيب وانا

<<< الاسهم للهنوووف

هلا ابو طلال

كيف طلولي وفارس

لنا للحين ماطلعت نتيجتي .. الله يستر

وقت الاختبارات خربتها ونزلت الاخبار ,,

مبرووك لكل الي نجحوا

وخاصة بلد القلق

عوافي ابو طلال ,, ورده

ليش يابعدهم ليش؟؟ · #4 07/02/2008, 11:20 PM

سلااام
ألف ألف مبروووووووووووووووك للناجحين وعقبالي<<يانس وين أياام الثانوي ياحبيلها ماأفكر بالرسوووب أبد الحين ماأفكر بالنجاح أبد

تكفوووون ادعوا اني ماأحمل ولا ماده<<كثري منها حلم ابليس بالجنه

بس يالله الله يعين

يصلمووو بو طلال على مشاعرك اتجاه الناجحين والراسبين<<زي حضرة جنابي

هلالي متيم20 · #5 07/02/2008, 11:30 PM

الحمد ــ لله ــ وباركـــــــــــــولــــــــــي .

لـــــــــــــــــــــــكــــــــــــــــــــــــــــن لــــــــلأســــــــــــــــــــــف ــ الـــطـــيـــب ـــ حــــــاذف لــه تـــرم .

هـــــــــذا . وأحــنــا . بـــأولــــهـــا .

الله يستــــــــر .

مشكور أبو ــ طلال ــ من الأعـــــمـــــــاق .

مع أنـــــي ــ زعلان عليك ــ كم رساله . ولا لك نيه ترد

وش الطـــــــــــــــاري . ولو حتى مجامله . مـــــــاتعرف أتجامـــل .

فارس بني يام · #6 08/02/2008, 02:14 AM

الحمد لله انا نسبتي 97.22% وانا ثالث ثانوي
وجبت في القياس 80%

الحمد لله اموري ماشيه تمام

الغدير الازرق · #7 08/02/2008, 03:03 AM

هلا والله بأبو طلال هلا بك يالشين
ياوجه بن فهره توني اعرف معناها

وييينك منقطع الله ياكافي وإلا خلاص حطوك استشاري
يعني ماعاد تسير علينا

<< تستاهل كل خير يالشين

وألف مبرووك للناجحين والناجحات والله يوفقهم جميع
وبالنسبة لي مابعد طلعت نتايجنا بالكلية لكن متأملين خير بالمعدل

أبوطلال ودي ابربس وااااجد بالحتسي لكن برااسي نووم وشفت موضوعك
وقلت خلنا نسلم عليييك ونبارك ورده

يالله طس مناك يالشين << قفلت الأخلاق قبل النوم

مشكور وخيي أبوطلال ماقصرت على هالبادرة الطيبة ورده

BOY NJD · #8 08/02/2008, 03:53 AM

هلا والله يابو طلالــ ., بشر وشلوووون النســــــــــــــــــــبه

اما عني نفسيــــــــــــــــ فالحمد لله خلصتــ من الترم ما معيـــ ولا ماده

<<لاتسألونه عن النسبه

اما الي نجحوووو نقدم لهم التهاني والتبريكات من هذا المنــــــــــــــــــــبر

والي غرزو على قولتكــــــــ

نتمنى لكم حض اوفـــــــــــــــــــــر

مَاهِينُورْ · #9 08/02/2008, 05:26 AM

..

أهلاً ابو طلال

..
ألف مبروووك لكل الناجحين والناجحات

..
وعقبال النتيجة والنسبة الزينة بالفصل الثاني

..

شكراً لك ابو طلال ورده ..

..

عاشقة المنتخب · #10 08/02/2008, 10:49 AM

مبروووك لكل الناجحين وهاردلك للراسبين يعوضون الترم الثاني ان شاءالله

انا الحمدلله نجحت جيدجداً نسبتي 83.77 << ثاني ادبي

لايفوووتكم وماخذه السابعه من 55 ههههههههههههههههه
وااللي ماخذه الاول نسبتها 90
الله لايبلاكم من هالكسل

بنت عبد الله & · #11 08/02/2008, 01:24 PM

الف الف الف الف الف مبرووووك للي نجحوا

وادعولي اني انجح لأني ما بعد أخذ النتيجه

ابو طـــــلال · #12 09/02/2008, 01:32 AM

بشرونا بكرا باالنتايج الجديده ..........

وراجع للموضوع .. ولي عودة ...

هنا تقبل التبرعات

جنـــ الزعيم ـــى · #13 09/02/2008, 04:15 AM

وعليكم السلام ورحمة الله وبركاته
انا يابو طلال اسمحلي ماني رفعة صبع وحده
انا ابي ارفع كل اصابيعي وزياده فرحًا بنجاح جميع طالباتي
صدقني يابو طلال المعلمة تفرح بنجاح طالباتها مثل ماتفرح الطالبة لنفسها
بل انها ترى ثمرة جهدها بهذا النجاح لذلكـ اشاركـ الفرحة
واباركـ لجميع الطلاب والطالبات نجاحهم وعساه دوم
وعقبال الباقين
ودي اسوي لهم تصميم بس الوقت ضدي
جبت واحد ملطوش

لولاه غالي · #14 09/02/2008, 02:52 PM

ابشرك يابوطلال طلعت النتايج اليوم وخلصنا الجامعه الحمدلله وصرنا ممرضيين قد الدنيا عقبال الجميع

واذا تبي المعدل تعال خاص <= يسمع بالعين

ابو طـــــلال · #15 09/02/2008, 07:43 PM

إقتباس

الرسالة الأصلية كتبت بواسطة لولاه غالي


	ابشرك يابوطلال طلعت النتايج اليوم وخلصنا الجامعه الحمدلله وصرنا ممرضيين قد الدنيا عقبال الجميع واذا تبي المعدل تعال خاص <= يسمع بالعين

الف مبروك ياخلفهم ... وعقبال الوظيفه اللى تناسبك .. والراتب اللى يطلع مع خشمك >> مايعرف يدعي

.. ممرض وين ؟؟ لايكون عندنا ؟؟