|
الـســــجــن و الــتــحـــقــيــق ... لــصـــاحــب الــقــلــب الــرقــيــق السلام عليكم ورحمة الله وبركاتة ... هذه القصة حقيقية ... جرت أحداثها ... لقريب لي حكا لي أحد اقاربي أنه في يوم ما ... ذهب بزوجته إلى المستشفى للولادة ... وبعد انتظار طويل ... لتشريف المولود الجديد ... جاء في خاطره أن يأكل ... فخرج من المستشفى للبحث عن الطعام وأثناء عودته ... دخل في أحد الأحياء ... وإذا هو يرى شيء أسود مرمي على الأرض ... وقرر أن يرى ما هذا ... وإذا بها سيدة دهستها سيارة ... وهيا بلا حراك ... ( أكيد ابوالذهب يتمنى أنها سئيدة :d ) ... ولكنها تتنفس ... وعلى عجل حملها إلى سيارته وأسرع بها إلى أقرب مستشفى ... وحين أدخلها إلى ألإسعاف ... إذا بالشرطة تقبض عليه وتودعه السجن بتهمة دهس السيدة ... فا اخبرهم بأنه وجدها مرمية على الأرض ... وأتى بها إلى هنا ... ولم يصدقوه . المسكين قعد في السجن يفكر في زوجته الموجودة في مستشفى أخر للولادة ... وهو مرمي بالسجن بتهمة لم يرتكبها . وفي اليوم الثاني أتى إليه شرطي ليبشره بأن السيدة تكلمت وأخبرتهم بأنه فاعل خير ... وأنها دهست من قبل سيارة أخرى . ............................................... فخرج من السجن وذهب إلى زوجته في المستشفى ... ليبشروه يـ مولود جديد ... وهم بصحة وعافية . سألته زوجته :- وينك سألت عنك قالوا أنك غير موجود . فا أخبرها قصته بالكامل . قالت :- أجل ما راح تتعودها مرة ثانية وتسوي خير بالناس . قال :- ما أقدرقلبي رقـيـق ... ولازم أساعد الناس في هالظروف ... و بــ أحصلها من رب العالمين . .............................................. ما رأيكم يا احلى أعضاء هل ... كلامه صح ... أم ... غلط ... أنتم إذا شفتم رجل ... سيدة ... طفل ... مدهوس ... هل تهبون إلى إسعافه ... وإيصاله إلى المستشفى ... أم تخشون مسائلة الشرطة ... والسجن . أبي رأيكم بكل صراحة ودمتم بخير وعافية |
مساك الله بالخير يا شايبنا :d ______________________ هذا طال عمرك واحد من أخوياي ، كان طالع من الرياض للعيينة يقول وأنا بالطريق إلا وفجأه ينقع كفر السيارة اللي قدامي وتتقلب قدامي طبعا الرجال بيسوي خير وبيلحق على الروح البريئه ، لأنه يدري إن الهلال الأحمر ما راح يوصل إلا بعد أن تفارق الروح الجسد :d وقف عن السيارة المنقلبة ، ولقى السائق ولد شباب بالعشرين سحبه وركبه معه وعلى أقرب مستشفى . النتيجة : القبض على خوينا وإتهامه بأنه السبب بالحادث :d يعني لو مات الولد إنتهى موضوع خوينا :d. بعد يومين صحى الشاب ولله الحمد وإعترف بأن خوينا ( فاعل خير ) . بعد ما طلع خوينا من السجن بأسبوع :d شاف راعي دباب يتقلب قدامه :d ما لقى حل : إلا أنه يدعي له بأن الله ينجيه من الموت :d وتركه وراح :d |
وعليكم السلام ورحمة الله وبركاته ،، اتذكر شفت مسلسل سوري نفس القصة:wallbash: منجد خيرن تعمل شرن تلقى :upset: والله ياخوي لو شفت أحد بين الحياة والموت اعتقد ان انسانيتكـ تحتم عليكـ تساعده وماننسى الاية الي تقول ( ومن أحياها فكأنما أحيا الناس جميعاً ):yes: تقبل مروري المتواضع:smilie47: |
قلبت المواجع وذكرتني بقصه حدثت لي أنا شخصيا قبل سنتين تقريباا صار لي حادث وجاني كسر براسي .. اللي اتذكره لحضه الحادث واحد مطوع شالني ووداني أقرب مستوصف نزلني عند باب المستوصف وأنحاش وإلى اليوم ما ادري مين وليتني أعرفه كان على الأقل أشكره طبعا الشخص انحاش يخاف يجيني شي ويتهمونه ويبتلى فيني الخير موجود أي شخص اذا شاف الموقف قدامه راح ينسى العواقب ويسوي اللي يقدر عليه وأذا سويت الخير الله راح يعطيك على قد نيتك والحجز أو التحقيق أجرائات أمنيه لازم يطبقونها |
هلا فيك جاج أعمل خير تلقى شر.. كثير مواقف تصير تسبب ان الناس يتخلون عن بعضهم .. يعني فذا الوقت كل شئ بالمقلوب .. يعني النيه الصافيه تطيحك في مشاكل كثير انت في غنى عنها .. شان الزمان والناس طبعهم شان .. أثر النوايا الصافيه ضيعتنا .. يعني انا بحكم وضعي اني بنت يمكن قليل تمر علي هذي المواقف .. أو حتى يمكن ما أملك الجرأه اني اساعد احد ,, لكن ماكنت اتمنى أن الناس تتخلى عن بعضها بهالشكل وتكون تمر من عند المحتاج وماتقدم المساعده والسبب خوفك انك تتمشكل في س وج .. يعني حنا مجتمع مسلم من المفروض قللوبنا على بعض .. مشكله تقريبا تنطبق على سالفه المساعده .. عندك مثلا الهيئه حفظهم الله لهذا البلد يعني لما يكون مواقف كثير تتمنى تبلغ عليها لان الساكت عن الحق شيطان أخرس ومافيه مسلم غيور بيسكت عن المهازل اللي قاعده تصير ويوقف موقف المتفرج منها بس لكن للأسف اللحين حنا صايرين كذا نتفرج بس تدري ليش ؟؟ نخاف نتمشكل معهم يعني وش شفت ؟ وليه ؟وكيف ؟ وتعال شاهد ومن هذا القبيل .. تقوم عاد انت تريح راسك وتقول ابعد عن الشر وغنيله .. ويا للأسف على الأمه.. بس مدري الذنب ذنب مين؟؟ الشرطه ؟حنا؟ او مين بالضبط ؟ مشكور أخوي على طرحك دمت بود بقايا.. |
:D القصة صارت بطاش ما طاش ؟ بس ممكن تكون بالواقع |
مدري ... حسب الحالة والشخص ... لكني على الأغلب بأدق على 999 وأقولهم وش أسوي ؟؟ |
إقتباس:
عين الصواب إلا في الحالات الحرجه و المميته شاكر لكــ أخوي ع الموضوع وردهوردهورده |
سمعت من شخص واثقٍ من كلامه ومتحقق منه أنه تقرر أو سيقرر قريباً غرامة مالية على من يمر بحادثٍ ولايقف عنده إذا كان يمر به أولاً , لما رأوه من تركٍ وعدم إسعاف من يعمل الحادث 00000 أما أنا فلدي مبدأ اسير عليه وأنصح به : إذا أتيت على حادث وكنت أول من يقف عنده فابدأ بمساعدة بقدر إستطاعتك أما إن كنت مسبوق إليه فلا تقف إلا إذا كنت تملك خبرة ودراية بالإسعافات الأولية 0000 J.A.J يعطيك العافية أخي الكريم على ماأفضلت به من قصةٍ غريبة ومحزنة وكثيراً ماتقع ,, 00000 |
والله الصراحـة نسمع على هالمواقف كثير وكثير مرة انا قد جاني مثل هالمووقف وكنت آجاكر مع ولد عمـي بس ولد عمـي فرت علية الطارة ويرقى الرصيف وعلى النخلة المهم انا اوقف واركـض اشووف الولد مغمـي علية وفية جرح بالرقبة والدم نازل منة مثل السيل المهم اشيلة واودية اقرب مستشفى اللي هي كانت مستشفى الشميسي خيطو الجرح وزبطو وضعة وصحى من اللي هو فية بس الحمد لله ماحد مسكني او حقق معي بشي بس انا لو شفت واحد مثل هالمووقف على حسب الوضع يمكن اسوي مثل طريقة المطووع مثل آخونا S K Y او يمكن اتصل على الاسعاف واخليهم يجون |
وعليكم السلام ورحمة الله وبركاته .. هلا وغلا فيك اخوي جاج .. وحياك الله من جديد .. القصه اللي صارت مع قريبك صار مع احد اقاربي .. والمشكله ان المريض اللي قنله قريبي توفى .. ودخل في سيج وجيم وتحقيق ماله آخر .. لكن الحمد لله طلع منها .. ودايم تصير .. عندما تعمل خير تلقى شراً واذى .. لكن اللي مبدأه فعل الخير والمساعده صدقني مايفكر باللي يصير له .. جاج .. شكراً لك ولحضورك ولطرحك .. تقبل فائق احترامي وتقديري .. دمت بخير |
وعليكم السلام ورحمة الله وبركاته .. أنا والله أتفق مع صديقك .. لأني ما أتخيل إن أي شخص بيشوف أحد يموت قدامه ويتركه خوف من المسألة ..!! الواحد يسوي اللي عليه وسيظل حقه محفوظ عند من لا تضيع الحقوق عنده جاج .. مشكور والله يعطيك العافية . ورده |
اعتقد ان الموقف يصنع ردة الفعل ... انا من الاشخاص الذين لا يعشقون مشاهدة الحوادث ابدا ابدا ابدا ... وكثير من الاحيان عندما اشاهد حادث في طريق واشاهد التجمعات البشرية حول الحادث فمن سابع المستحيلات ان اتوقف او حتى القي نظرة على الحادث واكتفي له بالدعاء " قلبي رهيف " :d ومع ذلك حدث ان حضرت حادثة شنيعة لم يتحرك لها احد ساكنا لأنها خرجت عن قيد السيطرة وكنت شاهدا عليها رأي العين وبالصدفة ... لم اجد نفسي الا وانا اخوض هذه المشكلة وبتوفيق " محض " من الله تمكنت من انقاذ ذلك الانسان وانقاذ نفسي :d فسبحان الله الذي بيده الموت والحياه وسبحان من بيده مقاليد " الكاف " و " النون " ... كن فيكون ،،، يعطيك العافيه JAJ وشكرا جزيلا لك |
هلا وغلا استاذ الكريم جاج ... ورده وحياك الله يالغالي :clap: حقيقة في هذ الزمن صار الواحد يخاف يسوي خير !!! وانا استغرب التعامل هذا من الدوائر الححكومية وتغليب سوء الظن الى درجة مبالغ فيها:upset: ومرة حصل موقف منذ زمن وهو اني صديقي كان مسافر وانسرقت سيارته من قدام بيته وانا ادري انه مسافر وكلمته قالي رح بلغ يوم رحت بلغت بغوا يحجزوني وقالوا ما تطلع الا بكفالة لاتك يمكنك انت اللي سارقها :bigeek: وبطلعة روح طلعت على اساس اجيب لهم كفالة وحطيت اثباتي عندهم ولا عاد عتبت عليهم:d ويوم رجع خويي اخذته لهم وأخذت اثباتي منهم :stoned: ولكن هذا وما يحدث لن نضعه عقبة لنا لفعل الخير ... لان الله لن يضيع اجر من احسن عملا ... مشكور أستاذي القدير جاج هذا الموضوع وهذا الطرح ... s60s والله يعطيك العافية ,,, |
عليكم السلام ورحمة الله وبركاته اول شئ الله يكفينا شر الحوادث بالنسبه للاسعاف الواحد يحتسب الاجر ويسعف المصابين واصلا هذه طبيعه موجوده بالانسان انه يساعد الانسان الا اذا كان عدو هذا شئ ثاني . لكن المشكله بالتحقيق واتهام الشخص المسعف المفروض اخذ بيانته فقط وتقديم الشكر له واذا كنت تحتاجه بالتحقيق او شئ تكون البيانات عندكـ وتطلبه هذا المفروض لكن اللي يحصل بعض المرات يكون العكس، فتجد الناس تتجمهر عند الحادث والمصابين بحاجه للاسعاف لكن ما حولكـ احد خايفين من سين وجيم . شكرا اخوي جاج ع الموضوع ،،، |
| الوقت المعتمد في المنتدى بتوقيت جرينتش +3.
الوقت الان » 01:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd