السلام عليكم ورحمة الله وبركاته

الحقيقه ان المصيبيح ماقصر سوى اللي عليه واكثر ويجب علينا ان نشكر هذا الاداري الفذ والجهبذ والحكيم والمثالي الحقيقه انا ماشفت اداري في حكمته ولا في الاسلوب الحضاري اللي يتعامل فيه مع اللاعبين خصوصا الشريده والصويلح وقبلهم ابو اثنين ولا انسى يوم رفض المصيبيح يعاقب نواف يوم رفض يلعب امام الطائي عشان خايف على نفسيته لاتتعب قبل كاس العالم وبعدين شوفوا حكمة المصيبيح وذكائه ومثاليته المولد يتدرب مع الفريق من خمس شهور ولما سجلوه ماخذه مع البعثه عشان يعطي فرصه للمطيري ياسلام على الذكاء والحنكه في هذا الاداري الفلته وغير كذا الهلال فيه اثنين من هدافين الدوري وعنده نقص كبير في خط الوسط لاحظ معي ان المصيبيح مااخذ الغامدي بالعكس قال اخذ سامي عشان يزيد الهجوم قوه ياخي انا ماادري المصيبيح يجيب الذكاء والدهاء من وين انا ماالوم احد على الهزيمه امس لان الفريق التونسي الحقيقه قوي جدا والدليل انه فالمركز السابع او الثامن في الدوري التونسي حتى ان الشتالي قال مافي مقارنه بين الفريقين لا من ناحية العناصر ولا الخبره ولا اي شي طبعا الافضليه للملعب التونسي وبعدين ياخوان لاحظوا التوقيت في تغيير المدرب ارثر فعلا كان توقيت موفق للغايه ينم عن حنكة الاداره والذكاء وانا احب اطمئن الجماهير الهلاليه ترى ادارة ناديكم في ايدي امينه واللي جالسين يديرون النادي من ادهى دهاة العرب وايش يعني ضاعت خمس ولا ست ولا عشر بطولات الامر عادي جدا خل البطولات تضيع اهم شي عندنا اداره محنكه بقيادة المصيبيح ولا انسى الاعب الفذ والاعب المخلص والمتفاني والفتى الذهبي وسفير النوايا الحسنه ونصير الجمعيات الخيريه الاعب الكبير نواف التمياط انا احب اشيد بمستواه خصوصا امس كان مستواه فعلا مذهل حتى ان عشب الملعب اشتكى من اللاعب ومن المجهود السخي اللي قدمه حتى ان الكاتو وادميلسون والعلي وسامي انحرجوا من كثر الكور اللي يصلحها صانع العابنا الداهيه نواف الحقيقه اللاعب خاطر بنفسه كثير امس بشتراكاته القويه والسبرنتات اللي كانت ماتوقف ابد (رايح جاي) حرث الملعب حرث فعلا نواف احسن صانع لعب فالعالم الحقيقه انا امس كنت اقول في نفسي شوي شوي يانواف على نفسك المباراة ماتستاهل كل هالمجهود الكبير انت وراك كاس عالم لاكن نواف ابى الا ان يثبت انه لاعب قمه في كل شيء عاش الفتى الذهبي عاش افضل لاعب في اسيا عاش افضل لاعب في العرب عاش نصير الجمعيات الخيريه عاش سفير النوايا الحسنه عاش نواف التمياط والى الامام يابطل

معك حق واللة يعين حال الهلال وجماهيرة

بس خلك معي في حالة المسعري والكاتو؟ لية كذا لية

اخوي فيجو الكاتو له ثلاث شهور مالعب كوره وهذا كله من الاداره الحكيمه والمسعري اللي يشفع له انه مجتهد ولا يلام المرء بعد اجتهاده انا مااقول المسعري ممتاز انا داري انه اسوء من السيء لاكن مادامك عارف ان عندك نقص كبير فالوسط ليه ماجبت الغامدي والجمعان بدال نواف وسامي بس الاداره الحكيمه بقيادة المصيبيح لها راي سديد وحكيم فوق مستوى تفكيرنا

الله يعين الهلال
وما نقول إلى الله يصبرنا

ههههههههههههههههه ليش كل هذا على نواف والله ترا هو مايبي رباط صليبي
ثانيه مايكفي الاولى................................

بدأت الحرب على نواف بعد سامى ياالله ياهلالين من البعده

وش دعوه ياشباب انا ماحاربته بالعكس انا امدح نواف وابجله على مستواه وعلى محافظته على صحته وعلى مثاليته هو والمصيبيح هذولا الاثنين لو يتركون النادي مانشم ولا بطوله لايهمونكم ابو اثنين والتيماوي وخميس ولطف تكملة عدد مانحتاجهم. احنا اهم شي عندنا المصيبيح ونواف.

لاحول ولا قوة الا بالله

اذا طاح الجمل كثرة سكاكينه

ما تنلامون فالبطوله كانت بين يدينا ولكن لماذا نحصر الأسباب بهم فقط بأنهم سبب الخساره

انها عدة عوامل مجتمعه ومن ضمنها انا وانت

لكن ما نقول الا عسى الله ان يخلفها لنا ببطولة الدوري والبطولة الآسيويه ان شاء الله .

قولوا آمين

يا اخ فيتيجف كلامك صح انا وانت اهم الاسباب اللي ضيعت البطوله وانا اعتقد بل اجزم اني السبب الوحيد في ضياع البطوله كلامك سليم ..