ترى الدعوه ماتوصل لدق الخشوم .


كل واحد قال رأيه

عموما ياسر شاعر ومثله مثل غيره من الشعراء لدية الجيد والغير جيد واعتقد الكل يتذكر قصيدته اللي كانت موجهه لال زلفه حق الشورى مادري وش اسمه .

واعتقد انه اذا احد قال رأيه في ياسر التويجري مايحق لاحد انه يصادره بعد

ممكن اقول ياسر ماهو شاعر , طيب هذا رأئي , هل بيؤثر على شاعريه ياسر , هل بينقصها , لا بس البعض هنا مثلا يتوقع انه يشترك هو وياسر التويجري في نفس العائله خلاص صار ياسر ملك مقدس ماحد يقوله شئ

ياسر وغيره من الشعراء يقولون مالايفعلون , ومعروف ان الشعراء كلهم يبحثون عن الماده وخصوصا اللي تحصله يتقرب من الشيوخ والامراء وغيرهم , هل يتقرب منهم حبا لله , لا معروف انها من اجل المصالح الدنيويه

وكلكم كذلك لو تحصل لاحدكم فرصه صار مثل ياسر وغيره , والمثل يقول اذا هبت رياحك فاغتنمها

عموما ياسر شاعر مثله مثل غيره من الشعراء نتفق ونختلف معه , وماهو ملك منزل او رسول علشان ماحد يزعجنا يقول لاتقولون عنه شئ

وماقول هالكلام لاني ضد ياسر بس من اللي قاعد اشوفه شئ يقهر , ناس تطبل وناس تهاوش وياسر مادرى عنكم كلكم

على فكره تراني اعرف واحد من العيال يعرف واحد ثاني يعرف ياسر , اللي يتكلم على ياسر ايقاف

^^

شف يابعد حيي مانقول في ياسر شئ ونقول شاعر مثله مثل غيره من الشعراء وكل شاعر تحصل ناس يشجعونه ويحطونه شاعر مامثله ولاقبله ولابعده

وخذ مثال مثلا خلف بن هذال يقولون انه شاعر الوطن وهاللقب معطيهياه الملك عبدالله , وفيه ناس يقولون تركي الميزاني شاعر الوطن وهاللقب من الملك عبدالله , ومع ذلك تحصل ناس تمدح تركي وتسب خلف والعكس, وكل هالامور مانقصت من شاعرية خلف ولا شاعريه تركي وكل واحد منهم له جمهور كبير تلعب الفزعه القبيليه دور كبير فيه .

وهنا ياسر تماما ماتعني شهادة السامر او خلف بن هذال ان ياسر شاعر فوق الشعراء ومثلها تماما ماتعني شهادة عضو او عضوين في منتدى ان ياسر ماهو شاعر

ياسر عنده قصائد كثيره مميزه ورائعه جدا , لكن قصيدة شاعر المليون ذيك انا اعتبرها سقطه في تاريخه وهي اللي عطت الناس فرصه تتكلم عليه وتحصل عليه طريق , ياخي بتمدح الشيخ اللي مادري وش اسمه امدح بينك وبينه وخذ منه اللي تبي مو على الهواء مباشرة والعالم كلها تشوف وبطريقة مقززه وامي ارسلتني وقالت لي وانا بتزوج ومدري وش . هذي هي تقريبا نقطه سوداء في شاعرية ياسر وامر طبيعي على اعتبار انه نقول قليل خبره وخانه التعبير في هذي , لو زين مثل الذئب انسحب بهدوء واليوم الثاني اقام امسيه ومدح شيوخ الامارات ومنها احد الابيات اللي يقول ياشيخ ماعندك عماره , طبعا هو مايقصد انه يبي عماره بس انها طراره محترمه

الا على فكره امسية ياسر بنادي الهلال وين راحت


برايفت لفزاع وبريماكس , ليش تهاوشون الناس لما تقول عن ياسر انه طرار وفي نفس الوقت تقولون عن الناس القافله والكلاب ومدري وش , كان الاولى منكم انكم مثل ماتبحثون عن احترام الناس لشاعركم المفضل انكم تحترمونهم او على الاقل تحترمون رواد المنتدى

شاعــــــــــــــــر شحاد<<وللأسفـ ان يمثل ديرتيـ

"وجهة نظر"

هو شاااااااااااااعر موت والله انى احبة ولااقول فيه شى وكل قصايدة سامعهن خصوصا حقت قيادة المرأة للسيارة دايم اسمعة .. لاكن من قديم الزمن فية شعراء يمدحون عشان ياخذون هبات وعطايا وهاذى مافيه شى لاكن هو الله يهدية ماخلا احد ماشحطة .. لاكن مع انه شحااذ الا انه شاعر والله يرزقة

إقتباس الرسالة الأصلية كتبت بواسطة شيخ العشيره ايش بيطلب هذه المره اكيد سياره والله اني كرهت هذا الشاعر فيه مثل يقول عز نفسك تجدها

طلب منك سيارة ياسر اقول كيف الحال

إقتباس الرسالة الأصلية كتبت بواسطة كان هنا [يـآسر التويجري] شـآعر جميل ، الله يرشدهـ لمـآ فيه خير وصلآح [ زعيم حريملاء - شيخ العشيره - بريماكس!! ] انحروا ابليس بس ؛ ترـآ كلنـآ اخوآن ؛ واختـلآف وجهـآت النظر حول شيء معين مـآ يعني أننـآ نقذف بعض ونتسـآبب فيمـآ بيننـآ !! الله يصلح حـآلنـآ وحـآلكم ,’

سوء تفاهم بسيط

إقتباس الرسالة الأصلية كتبت بواسطة فزاع الاجيال يعطيك العافيه اخوي احمد .. ولو الامر كان بيدي .. ما فاتتني الامسيه .. خصوصا بوجود الراعي لها سمو الشيخ حمدان بن محمد بن راشد آل مكتوم .. وكانت امنيتي اشوف ياسر و حمدان مع بعض .. والحمد لله تحقق هالحلم وبقى الامنيه الثانيه .. و بالنسبه للي يتكلم عن ياسر .. و انه يشحذ .. ومن هالكلام .. فهذا اكبر شي يعجبني في ياسر .. لانه بالاخير دايم .. يفرك خشوم حساده في الارض كما هي عادته حفظه الله ورعاه بعد كل امسيه وظهور .. وما يضر السحاب .. نبح الكلاب .. يا ................... و ...................الخ و عندي مقطع بسيط حبوب مره .. واحب اهديه لكل من يحاول انه ينقص من ياسر وحاقد عليه .. بسبب انه كاسب شعبيه كبيره .. ومعارفه كثار وهذا الي قاله بنفسه بالمقطع .. لكن من معارفه .. شوفوها بالمقطع .. وكل هذا محبه من الله .. واذا كانوا الي عندهم ما يفهم .. فخلاص .. ابي اصير غبي مثلهم .. [ اضغط هنا للتحميل ] + [ هذه هديه بسيطه .. يمكن يتعدل الوضع واكسب فيكم اجر ] + [ هذه اللقطه حبيتها في ياسر . واهديها لحساده .. مع احلى تحيه وتقدير ] واتمنى انكم تشاهدون مقابلاته وامسياته .. وكيف انه يمسح خشوم حساده وياطى عليهم في نهايه كل امسيه .. يا بعد قبلي والله يـ الآســر .. وآسف على الاطاله .. بس تحمست من اقزام الشعر .. الي تتكلم عن ياسر .. واهي لو قلت قلي اسم ياسر الثالثي خبطت فيه .. لكن دبش .. والله وش نسوي دبش .. للمعلوميه .. دبش .. تعني .........................الخ كفوهم !

ارحمنا يالمتنبي

اولاً انا اعتذر اذا انا تعرضت اي شخص ! وبلاشك الشخص لابد ان يعامل كما يحب ان يعاملوه الناس فيه .

ياخي حنا مافرضنا حب ياسر بالغصب ؟ اعجبك حمدلله .. ماعجبك بسلامك لن ينقص من شاعرية ياسر ولا غيره شئ .

بس ياخي العزيز من القهر يطلعلك واحد مايعرف من القصيد شئ ويقعد يبخص بشاعر عملاق كياسر

لا ابسالك قسم بالله واحد يقول ياسر ماشوفه شاعر ؟ وش تقول لمثل هذا ؟ هذه عقله ماهو معه فاقد

ممكن تقول مايعجبني هذا شئ طبيعي انه مايعجبك ؟ بس ماهو شاعر قويه هذي

مثل يقول شحاذ ومدري ايش !! ياخي المدح هو احد انواع القصيد ..ياسر ياعزيزي لم يمدح اي شخصيه لما يمدحها شعار قبله ؟ واتحدى اي شخص يجيبلي شخصيه مدحها ياسر وهي ماتستحق المدح ؟

اغلب قصائده عن الشيخ زايد وابنائه حفظهم الله ورحم الله والدهم . وايضاً حكامنا حفظهم الله .

وخاصه صاحب السمو الملكي الامير : عبدالعزيز بن فهد بن عبدالعزيز حفظه الله .

ياسر ياعزيزي قاله بلقاء انا مانب بزنس ولا ابوي مورث ملايين انا مثلي مثل غيري ( للمعلوميه والده متوفي من فتره طويله ) .

إقتباس ياسر وغيره من الشعراء يقولون مالايفعلون , ومعروف ان الشعراء كلهم يبحثون عن الماده وخصوصا اللي تحصله يتقرب من الشيوخ والامراء وغيرهم , هل يتقرب منهم حبا لله , لا معروف انها من اجل المصالح الدنيويه

ياخي العزيز هل تعلم عن نياتهم ؟ يعني انا ابقولك شيخ او امير قدملك افضال كثيره .. الا يستحق المدح ؟

اما عن كلمة مصالح فالدنيا اليوم كلها مصالح الله يخلف الا ماندر

بالتوفيق للأســر

ومالعليكم من الحساد

ياسر شاعر وهالشي يكفيه لنستمع له

وإلا لو عالاخلاق اجل اغلب شعراء العرب الي لهم قصائد بكتب المدارس

نصابين وراعين شراب وسكر وعربدة ونفاق ووو

ليش ماقلنا عنهم .....

الشعر يقراء بدون إسم

على هونكم على هونكم كل واحد قام يمدح والثاني يذم تروها اراء وكل واحد يقلول اللي عنده والاختلاف في الرأي لايفسد للود قضيه لكن للامانه ياسر شاعر جيد ولكن لايرقى لمكانة الشعراء المتميزين وهو يعلم ذلك جيداً وانسحابه من شاعر المليون خير دليل على الرغم من تحفظي على البرنامج وطريقة التقييم , فالاحرى به تكملت مابدأ به وترك ماقام به ,,

وتروا الشاعر اللي تتكلمون عنه ياسر التويجري!!!!!!!!!!!!! موب سعد بن جدلان الاكلبي وشتان مابينهم!!!!