اخوي هلالي 88 !

سؤال بسيط .. وش دخل الحديث ان النبي صلى الله عليه وسلم كان يتسابق مع عائشه رضي الله عنها !

شكلك من الي يخلط الدعوى .. وناوي مناقر ؟

اول شي راجع ردي الاول ..

ثاني شي من اي قال لك اني قايل للمره اجلسي ببيتك وهاه ياويل ويلك ان تحرككتي ولا لمستي كوره ولا ركضتي !

ولا هاه قسم لا اذبحك !

عسى ما شر ! وشوله تخلط الدينا ! ..

انا اقول .. ان الي يسوونه ذا خرابيط .. ولازم يتم منعه ..

اجل دوري حريم .. ذي والله وما قالت !

الحين دوري حريم مغلق .. بكرى يصير مفتوح .. بعده يبارون منتخب الكويت .. بعده بطوله حريم للخليج !

وبعده وبعده ..

لا تقول لي انها رياضه تروحيه .. الي تبي تروح عن نفسها تنظم بطوله له وللحريم دوي كوره عيني عينك .. !

يا بوي .. القاعده تقول .. ما غلب ضرره على نفعه وجب منعه وتحريمه ..

والدوري هذا الي مسوينه ماله اي معنى .. و ضرره اكبر من نفعه

ما فيه الا الدجه والهجه .. و شوي شوي بيتطور الوضع وينفتح وشوي شوي يقلون وشوله نغطي وجهي .. عادي عادي اكشفه دام الي قدامي ولد عمي .. وشوي شويالعباه .. شوي شوي مره وحده ..

وهذا الي صاير بالكويت .. وصار ..

وبعدين بزعمك ان الي مسوي ذا من حقوق المره ؟

قسم بالله انه اكبر ..................... . علماني(ن) قاعد .. وتفكيره وصخ وبعيد ..

واول الخيط قطره ..

يعني خلك ذهين .. وخلني صيرح ..

بتخلي اختك تسافر للشرقيه عشان تلعب معهم ؟

جاوب على هالسؤال .. اذا جاوبته بتبين شخصيك وانت وش تصير ووش تفكيرك وكم درجه غبائك الاجتماعي ..

إقتباس الرسالة الأصلية كتبت بواسطة أبو فيصل الرحيمي أخوي أبو طلال لا تتحمس كثير هو ما فيه شي لو كان مثل ما تقول مغلق تماما لكن لو كل الحريم إنشغلن بالكورة وتركن البيوت وتركن العيال وبهالحالة خرب المجتمع , الرجل فساده على نفسه ,, لكن المرآة وراها أجيال , , تقول الرجل بعد له دور , , لكن مو مثل المرآة , , والدلائل تشير على كذا بالتوفيق للكل , ,

إقتباس سؤال بسيط .. وش دخل الحديث ان النبي صلى الله عليه وسلم كان يتسابق مع عائشه رضي الله عنها !

لو تلاحظ ردودي أنا كنت أتكلم عن الرياضة النسائية بشكل بعام
والحديث إللي وضعته علشان أقول إن الرياضة النسائية ما فيها مانع شرعي إذا كانت في صالة مغلقة وبلبس محتشم

إقتباس اول شي راجع ردي الاول ..

راجعت ردك الأول بتمعن لأني قبل شوي قريته بشكل سريع
إذا تقول إن إللي موافقين على الموضوع ماهم من نجد لعلمك أنا من نجد
وبعدين المباراة صارت بين فريقين أحدهم من الرياض

إقتباس انا اقول .. ان الي يسوونه ذا خرابيط .. ولازم يتم منعه .. اجل دوري حريم .. ذي والله وما قالت !

كلامك صحيح إذا كان في دوري بين مناطق بعيدة
لكني أعتقد إن الطالبات إللي من الرياض أكيد كان عندهم دورة في الظهران ولا مستحيل يجون الظهران بس عشان يلعبون

إقتباس الحين دوري حريم مغلق .. بكرى يصير مفتوح .. بعده يبارون منتخب الكويت .. بعده بطوله حريم للخليج ! وبعده وبعده ..

لو النظرية هذي بنطبقها كان طبقناها على أشياء واجد

هذا مقال عن الرياضة النسائية
http://http://www.islamtoday.net/que...=73&artid=7125

يازينكم دخلتوا بالحلال والحرام

[QUOTE=ابو طـــــلال;7610129][COLOR="Indigo"]انا عندي سؤال بسيط ... اتمنى القى له اجابة !!

الحين وش فيها لو البنات لعبوا مع بعض كورة قدم .. طالما الصالة مغلقه !! وكلها حريم في حريم ؟؟ وش يفرق اللعب عن الرقص في الزواجات !! ونسمع عن بعض الرقص العاري والماصخ في بعض حفلات الزواج

اتمنى القى إجابة ... يعني هالبنات كفرن بالله !! اجرمن في شي ؟؟!!

مايمنع البنت تلهو مع البنات اللي مثلها وفي مكان مغلق, ولكن كرة القدم عنيفه وقد تشوه البنت بحكم إن البنت ناعمه وليست خشنه مثل الشاب الذي يتحمل الإصابات..
ايضاً البنت من لعبها للكرة قد تتابع( أكثر) للمباريات ومن ثم تعشق الاعبين!! .. (حاصل هذا)
ولكن اختيار اللعبه المناسبه للبنت هو الحل الأفضل.

تخيل شباب في في مكان عام يرقصون رقص بنات!!

الحل هو أن نعرف ماذا يصلح للبنات فقط ..

بالنسبة للصورة:
ههههههههههههه هههههههههههههه
رقم خمسه رأسها اكبر من بطنها هههههههههه
الدعايات فله استشوار وروج ههههههههههه

يعطيك العافيه على المجهود