تصدق قعدت اقرا بمواضيعك لقافه بما انك شخص منتهي .. وايضا لحب اطلاعي على بعض ماتخطه اقلام بعض المميزين لدينا في المنتدى <000000 الله من الفظاوه
وصدمت تماما 
لما قريت موضوعك هذا ... فلم اتخيل نهائيا بأن شخص يملك كمية من الزحف كسعادتكم يملك ايضا هذا الفكر الراقي والرائع واللي واضح ان راعيه دافور وكان يقدر المذاكره لدرجة( البكاء اذا ماحل زين) ..
اخي العزيز .. بندر<---------- مره يمون ويبي يعلمك انه قاري كل مواضيعك <----- من كثرها الحين
المهم والله بدون مجامله كنت اقراء ردود لك في بعض المواضيع وكانت توضح لي بأن هذا الشخص
وسيع صدر وايضا يشاركني في بعض قناعاتي كما هو ردكم الاخير على موضوع حقوي وشريط الاهازيج ..
وما موضوعك هذا الا هو دليل على ان نادينا محظوظ بأمثالنا من الغيورين على النادي <00000 دخل نفسه في الموضوع
وفي وقت ليس بقريب وقبل ماتجي شركة موبايلي واللي الظاهر انها لهت بالهلال وتركت اسهمها تنزل ولاتبي توزع ارباح ونست ان فيه مواطنين يبون دراهم من ورى الاسهم <00000 لاعبه فيه الاسهم لدرجة انه طلع من الموضوع ..
ماعلينا عموما كان هناك اقتراح لي وفي هذا المنتدى وكان تجاري بحت وكان صراحه موضوع متعوب عليه المهم حاولت اني اترزز قدام عبدالله بن مساعد وماعطاني وجه وبعد كذا راسلته على الخاص بما انه عضو معنا بالمنتدى ولكن الظاهر اخر مره دخل المنتدى يوم كان رئيس واقوم وارسل له ايميل ويرسل لي عسكري <---- مخربها في الايميل
طبعا امزح المهم طنشونا الجماعه .. ولو ان اللجنه اللي انت تتكلم عنها موجوده كان من بعد صلاة الفجر وانا بملف علاقي مشخص وبطرح اقتراحي الاستثماري التجاري ( الفّذ ) عليهم ..
لكن قدر الله وما شاء فعل والايام جايه ان شاء الله وراح تبين لنا مدى نجاح موبايلي مع النادي..
لكن اذا مانجحت موبايلي مالهم الا اقتراحك عشان اقدم اقتراحي على اقتراحك ونسوي اللي نبي في النادي <-----فاهم غلط ويبي يفلها ..
عموما انا نسيت موضوعي وطارت الافكارلكن الحمد لله ان الواحد له ملف شخصي يقدر يرجع لمواضيعه لاني والله نسيته وما ذكرني الا موضوعك
ولم يدخل اليأس في قلبي بل في اخر مقابله لسلطان بن فهد مع المجلس في قناة الكاس تحدث عن الفكرة اللتي تحدثت عنها بموضوعي وذكر انها لابد ان تطبق في يوم من الايام ولكن متى .. الله اعلم
المهم كلامك يوسع الصدر واقتراحك جميل واقتراحي اول( اقتراح بجي ارزه في وجه اللجنه) ان كانهم
سووها وتأكد ان الهلال بخير مادام هذي افكار جماهيره والله من جد الواحد يقول ماشاء الله اللهم لاحسد .. فرق لما تشوف منتداك وكتابه وباقي المنتديات وما يشخمطون بها من خرابيط تدل على مدى ضحالة فكر هذه المنتديات ومتابعيها وبالتالي هي تعكس واقع انديتها ..
ومنتدانا ولله الحمد يفخر بوجود كتاب مفكرين اقتصاديين وفي شتى المجالات ..
اشكرك اخوي المغاط على ماطرحت واتمنى الا تكون بخيلا بأطروحاتك فموضوعاتك قليله جدا اذا ماقارنّا هذا الفكر النيّر لديك ..
تقبل مروري ولك اعطر تحياتي
يــــورو
الوضع المتطور
