|
مــاذا تريـد الـ ART من الهــلال ...!!!! (( الى متى )) مسآئكـم ورود جميعـآ أولا الـف مليـون مبـروك على الفـوز اليـوم .... وإن شـاء اللـه من فـوز الى فـوز .. طبعـا كلكـم شفـتوا اليـوم القنـاه الي اصبحـت مكروهـة لدى الجميـع ،، قنـاة الـ ART ... والله العظيـم ان هالقنـاة كانت من أحب القنوآت لي ،، لكـن بصراحـه صارت تستفـز الجماهيـر بشكـل ملحـوظ بكبيـر ... ابي اتكلـم عن ماحـدث اليوم في مباراه الهلال ونجران ... الصراحـه شفنـا مصارعـه ومباراه متداخلـه مع بعض في عرض واحـد !!!! لـم اشاهـد مباراه دمويـة مثل مباراه اليـوم ،،، ولعـل اهم مايدعـم كلامي طرد لاعبهـم في الشـوط الأول اثر (( انبراشـة )) عنيفـة على ياسر .. مالكـم في الطويلـة ،،، في الشـوط الثاني شفتـوا اعتـداء ليلـو على لاعـب نجـران يوم سـدد ليلـو (( لكمـه )) على وجـه لاعب نجران .. الصراحـه ليلـو ماله داعي بهالحركـه ،،، بس الي يستفزك بهالموقـف الحركة الي سوتها الـ ART عادوا اللقطـة اكثر من عشرين مره ..!!! والانبراشاات والضرب الي من نجران ماجابوه اصلا في القناه ،،، والي تابـع التحليل يشوف حتى كلام صالح الحمادي لمـا قـال عن الشد والعض ..!!! :d:d الى متى يـا ART ??? الى متى وحنـا نتحمل هالبغض الشديـد من هالقناه لجمهورنـا ونادينـا ؟؟؟ المشكلـه انه في كـل مباراه ترفـع لهم لوح شكر وتقـدير من الجمهـور ؟؟؟ واخرتهـا مايقدرون هالشي ويردون الجميل بـ قبـح ..!!! ارائكـم حـول الموضـوع ستحل اهلا وتطئ سهلا ..!! لكـم ودي ..!!! |
الحين بدل ماتلوم فريق نجران جاي تلوم الارتي الحمد الله على نعمة العقل |
إقتباس:
احنـا قاعـدين نتكلم على اعادة اللقطة .،، ليس بس لقطات الهلال تعـاد .. ونجران لقطاتهـم مااعيـدت .!!! وبالنسبـة لنجران اكيـد ينلامون مايبيلهـا تفكير هذي ..،، عموما اتمنى انك تقرأ الموضوع زين قبل ماترد .. تحياتي لك ونورت الصفحه |
معليش بس تدخل ليلو تدخل سيء وغير اخلاقي وليس من أخلاقيات لاعبي الهلال تداخلات لاعبي نجران كانت عنيفة جدا ومتعمدة لكنها اهون من خطافية ليلو مهما يكن لابد من قول الحقيقة وهذه الحادثة تكررت من فاغنر الاتحاد وأعيدت أكثر من مرة |
بالنسبة لموضوع ليلو فالإعادات لم تكن من أجل ضربة ليلو بل للإستغراب من موضوع( العضة) الغريبه على ملاعبنا والتي تحدث لأول مره وكذلك كانت تعاد من أجل الحديث الطويل الذي حدث بسببها وشكرا لك |
الصراحه ليلو ماكان لها لزمه هالحركه ,,, الاخ داخل مباراة ملاكمة ... بس الاي ار تي بصراحه قانت مستفزه جدا ,, |
إقتباس:
ثاني شيء يريدون سبب اللكمه ثالث شيء هذا المخرج ورابع شيء أوافق أخوي على كلامه |
من جد انا اوافقك الرأي |
اما عادي ..؟؟؟؟ |
بصراحه القناة أستفزتنا كثير لبعدها عن الحيادية |
إقتباس:
|
يا بن الحلال ذي القناة اتحاديه يعني وش تبي والمقدم نصراوي بحت |
إقتباس:
اي والله انك صادق |
من ناحيـة اتحاديـة عارفيـن بس ياخي المفروض يكون في حياديـة شوي .. قهر ياخوي والله |
اشوف انك اخذت الموضوع بحساسية أكبر من اللازم |
والله انا اشوف انها شي عادي لو يعيدونها ستين الف مره.. لأن الخطأ خطأ...ثاني شي لاتشوف اللي لك وتترك اللي عليك راجع مباراة الهلال والنصر يوم الصقور يشد شعر الصويلح..رح شف كم عادوها من مره..اتوقع عادوها اكثر من حركة ليلو ونفس شي يوم مع باقي الفرق الثانيه.. صراحه انا اشوف انك تشوف الامور من زاويه وحده .. |
نجران اليوم لاعبيه منفعلين ويا تموت ويا تحيا لأول مره أرى نادي نجران بهالطريقه في اللعب وحرام على الإأرتي يبون يزرعون الفتنه والتعصب في الجماهير السعوديه ولا بد وضع حد للإ أر تي ونادي نجران والمخطئ لازم يعاقب وشكراً لكم |
مشكور اخوي ... كلام يوسع الصدر والله |
الله يعينا مافية الى هاذي القناة ايش نسوي |
والله اذا كثرت الشكاوي عليهـم بيتحركون وبيتركون عنهم هالتعصب ...!!! |
اهم شي ان زعيمنا فاااز وهذا هو الاهم |
صراحه بعد الاخرج الفاشل في اعتزال ابو عبدالله غسلت ايدي منهم |
لانه اداره الهلال واعضاء الشرف ماعندك احد |
شوف ياخوي ... محد ينكر ان art لها اخطاء وكثيره بعد ضد الزعيم وميولها الاتحاديه الواضحه ... لكن واحقاقا للحق ... art تحرص على السبق والاولويه في اي شئ مستجد في المباراة بغض النظر عن الفريق... والدليل ... ليزر النصر عادوه مرات ومرات جمهور النصر في الموسم الماضي في مباراة الهلال ماخلت شئ ماطلعته عن شغبهم ... وغيره وغيره ... الصراحه انها اي شئ تصيده تعيده مرات ومرات بغض النظر عن اي فريق... هذي وجهة نظري ... شكرا لك |
إقتباس:
بالعكس انا اشوف انها ردت فعل طبيعيه جدا ... جرب عض احد علي غفله وشف ردة فعله الاوليه ((يعني قبل يفكر)) وش بيسوي ................إلبس خوذه قبل تجرب لاكن الشرهه علي ذا ال......... الي عضه .. حقه وماجاه .. |
إقتباس:
الله يهديكم بس المقدم يتكلم عن الكلام والعضه الي من لاعب نجران! يعطيك العافيه.ورده! |
القناة مافيها حيادية مثل ما قال اخوي ارسن وبصراحة اقحمة الحضور الجماهيري في الاعتزال http://thewanted33./thewantd33.jpg |
صاادق والله الله يعييين عليهاا مافيه الا هي للاسف ...!! |
اقول يالحبيب مااعتقد ان هاللقطات راح تشوفها في قناة ثانيه غير الارتي؟؟ انا ادافع عنهم لانهم متميزين جدا جدا في التغطيه والنقل ماشاء الله عليهم اما بالنسبه ل اللقطه اللي تقول حوموا تسبدك من كثر مايعيدونها حقت ليلو والعضه انت سبق ان شفت لاعب يعض؟؟ طيب لو سواها وش تتوقع يكون رد فعل اللاعب اللي انعض؟؟ بغض النظر اللقطات المميزه هذي المفروض لجنة الانضباط- اذا كان فيه فعلا لجنه- تعتمد عليها لانها اوضح اللقطات الموجوده واللي ماتحصلها في اي قناة ثانيه؟؟ وبعدها تشوف كيف يصير الانضباط تحياتي مجرد وجهة نظر لااكثر |
هذه القناة للأسف اعادت مرة أخرى تغييب صورة الجمهور الحقيقية.واستفزاز الجماهير الهلالية. |
اصلا القناه هاذي ما ادانيها بعيشة الله اكيد عشان لجنة الاستعباط ينزلوا قرارات بالهبل على الهلاليين اصلا لنا فترة ومبارياتنا حصريا على قناة البنقالي حسبي الله عليه متى ينتهي التشفير متى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إقتباس:
واحد عضك وش تقول له لو سمحت وخر عني ؟؟؟!! وربي انك ماتدري وش تقول على اساس أعرف بالاصول :bigeek: أخلاقيات اللاعب على قولتك إذا طاح لاعب تطلع الكورة او او او أما يعض سلامات بقوة أما بالنسبة ل art شي طبيعي المخرج يطلع مهاراته يعني صايد الموقف من حقه وهذا شغلة |
| الوقت المعتمد في المنتدى بتوقيت جرينتش +3.
الوقت الان » 08:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd