في البداية احب ابارك لجميع محبي الزعيم على الفوز اليوم مع انه فوز غير مقنع لكن الاهم الحين الثلاث نقاط.
موضوعي عن التوجه الموجود لدى مخرجي الناقل الحصري لمباريات الزعيم بما فيها اعتزال الاسطورة سامي الجابر اي قنوات ART
انا تشرفت اني اكون احد الجماهير الهلالية الموجودة في الاعتزال وكان جمهور الزعيم في الحفل لا يقل في حضوره عن المناسبة او الضيف بصراحة كان جمهور فعال بمعنى الكلمة وانا اجزم ان الامير عبدالله بن مساعد في تصريحاته الموجهه للجمهور قبل المهرجان هذا ماكان يتمناه من ناحية احترام الضيوف وحتى اضافة روعة للمهرجان .
المشكلة انه بعد ما طلعت من الملعب وكنت اتكلم مع احد الاصدقاء واقوله شفت الجمهور ويش سوى اتفاجا ان ما طلع شي في النقل عن الجمهور موج، زلزال، شالات يعني تحس فيه استقصاد لجمهور الزعيم بحيث انه ما يطلع في التلفزيون في الشكل المشرف اللي كان عليه.
اللي يزعل اكثر انه اليوم في مباراة نجران المخرج تفرغ لتصوير النعول اللي حذفها جمهور نجران .