للبنات يمنع دخول الشباب ووالمشرفين>>احلى ياقويه
 

عزيزاتي البنات الشينات والزينات .... هناك طرق لإخفاء العيو ب عند وضع المكياج لأن ما فيه أحد كامل وحتى الزينه ما تكمل والكل فيه عيب يعني مثلا البنت اللي فيها عيب
1. في جبهتها يعني جبهتها كبيره تحط على طرف جبهتها اللي مقاربه للشعر لون غامق من بودرة الاساس او حمرة الخدود .

2. إذا كان وجهها كبير نفس الشي اللي سوته في جبهتها تسويه على طرف الخدين المقارب للشعر ومن عند الذقن .

3. اذا كانت الخدين مليانات تحط حمرة الخدود بشكل مائل (من طرف الخدين المقارب للشعر اللى عند الاذن تقريبا الى الفم هذا شكل الميلان ) وتحطه وهي شافطةٍِ خدودها علشان تعطي شكل انحف لهالخدود .

4. اللي خدودها نحيفه انصحها انها ما تحط حمره غامقه او كثيره وتحطها على المكان اللي يبرز اذا ضحكتي وما تسوي اللي قلته للي خدودها مليانه .

5. اللي عيونها صغيره أنصحها ما تحط أي لاينر أو كحل من داخل العيون وترسم عيونها من خارج العين يعني على حدود الرموش من برى.

6. اللي عيونها كبيره (ما شاء الله لا إله إلا الله ) بيطلع شكل الكحل من داخل العيون عليها (شي) وانصحها تحطه وتخليه يطلع شوي على برى والزائد اللي يطلع برى ادمجيه شوي بالاصبع او باسفنجه بس بشويش لانه مو حلو اذا طلع مررررره بس على اطراف العيون من تحت الرموش اللي تحت وتدمجه من اليسار الى اليمين وترسم عينها برضه من فوق الرموش بس خط رفيييع .

7. واللي خشمها مو حلو أو كبير تحط لون غامق من كريم الاساس أو بودرة الأساس وحمرة الخدود على جمبي الأنف اللي هو (خشمتس)
والجهة اللي فوق تكون بلون فاتح يعني يطلع لونها افتح من الجمبين عاد يا تزيدينه لون فاتح او تخلينه على راحتك اهم شي يكون افتح من الجمبين ويكون اللي فوق اللي لونه فاتح بشكل مستطيل تقريبا وهذا يعطي شكل أصغر للخشم وبنفس الوقت بيخليه كأنه سلة سيف للي تحلم أن خشمها يصير سلة سيف برضه اللي خشمها صغير بس كأن أحد معطيها بكس على خشمها وداخل تسوي هالشي علشان يبين خشمها .

8. اللي خشمها حلو بس أنه طويل بزياده تسوي العكس تخلي الجمبين فاتح واللي فوق غامق أغمق من الجمبين بس ما تكثر من اللون الغامق .

9. اللي فمها كبير وتبي تصغره ترسمه بالمحدد إما انها ترسمه أصغر من رسمة شفايفها بس من الداخل أو ترسمه على نفس رسمة شفايفها وبرضه من الداخل واللي شفايفها صغيره وتبي تكبره تسوي العكس تكبره وترسمه من الخارج اما نفس رسمة شفايفها او اكبر من رسمة شفايفها اهم شي من برى تكون الرسمه

10. اخر شي اللي كل وجهها عيوب عندها حلين
الأول: تروح على طول تسوي عملية تجميل وهذا حرام .
الثاني: ترضى بخلقة ربي وتقول (أهم شي الأخلاق) وأظن أنه ما فيه إلا الحل الثاني .
وعساني أفدتكم بشي جديد مع أني عارفه أن كل البنات عارفين هالأشياء ..


ولكم تحياتي..
منقول:bluesky:

حقيقه بغيت اوضح اني منيب ملقوف لسببين:
اولهما اني شايب وهذا يبعد احد الممنوعات :)
والثاني منيب مشرف ولله الحمد (مهوب من قلبك :) )


لهذا اردت ان اقول يعطيك العافيه :D

وانامثله
بس انا لسه 24

ليش اللقافه ها
 

:D ليش تدخل يا غانم
وانت ياشلهوب صحيح لقافة :D

<=== حبيت اشوف شسالفة :confused:

<=== يقول اللقافة شينة :eek:

مشكورة اخت صدى الوجدان :)

توقيعك شايفه بس مدري وين يشبه حق لجين يمكن

ودنيا الوله عمري رحت لها :D شايفها مرة

انا شفت الاسم وماعرفته بس احس اني ملقوف شوي :D

وبعدين مو لازم بس البنات

حتى حنا لازم نتثقف :D اذا انها تعبانه بيوم من الايام وش اسوي بعمري

:D :D :D

ياملاقيف ليش تدخلون بررررررررررررررره

معليش دخلت بس ودي اشوف وش السالفة.

وعندي نصيحة ذهبية ان شاء الله تفيد

اللي اسنانها الأمامية ميهب مضبوطة ترى يمدحون سنون الذهب
(اذا برقت تطلع شي ) :smilewink :smilewink
ووشلون لو حطت فضة ياســــــــلام:cool: :cool:

تحفة فنية رائعة خاصة اذ انحطت مع خزام على شكل حلقة..
:no: :no: :no:

يعني الدعوة الحين ان البنات
صار جمالهن مصطنع (رحنا فيها)
والشباب اللي دخلوا ملاقيف

ياشباب جولة تفتيشية انا ماجيت اقرأ الموضوع


من شاف غريب اشنا ؟؟؟؟؟؟؟؟؟؟؟؟

والله ذا المكياج أنه سحر يخلي الشيفه غزاااااااااال...


من شاف البنت قبل المكياج و بعده ما صدق أنه مكياج بس أقل ما فيها يقول أنها
شركه مقاولات الي ممكيجينها مسوين لها تلييس و بويه...:bigeek: :bigeek:



و المكياج يجيب نتيجه مع بعض البنات و البعض الآخر الله يخلف لا فيه ولا بلياه ما
تفرق مع خشتها أبد لو تقعد تزبرق بخشتها و تهجد بشوشتها سبوعين...:confused: :confused:


عموما كلها كم يوم و أنزل لي موضوع عن المكياج بس شي غير طبيعي أبداااااااا
يطلع فضايحكم يا البنات كللللللللللللللللللها مع المكياج...:bluesky: :bluesky:

ياخي الملاقيف ذولي بلشة وين ماتروح تلقاهم يالله يفكنا منهم


<=== مو ملقوف ابد

الحين ليه اللقافه ؟؟:D
كل الي يردون عيال مافيه الا بنت وحده هذي اسرار بنات ما المفروض تشوفونها...
<<<<<< انفضحنا ;)
بس الجمال جمال الاخلاق على قوله اختنا صدى الوجدان..
<<<<<< ترقعها:yes:
والزين زين لو قام من منامه:smilewink

وشكرااا خت صدى الوجدان على هذه النصائح المفيده..



ولا تكررون هاللقافه مره ثانيه



اختكم سماء نجد,,,

سماء نجد :D

ليه ماتبين نشوف فضايحكم :D

بعدين المفروض تساعدونا ولا ننشب في حلوقكم :D

الثقافة زينة

تحياتي :)

اكرر كلامى واقول الموضوع خااااااااااااااااااااااص للبنات

يااالملقوف انت وياه وش دخلكم في الموضوع:confused: :confused:

هالمره سماح مره ثانيه لا عاد اشوفكم فى قسم الولاده والنساء اقصد في مواضيع البنات

واشكر البنات الحلوات على المداخله الجميله;) ;)