|
سامي الجابر اكبر من ان يعلق رقمه؟؟؟؟؟؟؟؟؟؟؟ السلام عليكم ورحمة الله وبركاته,,,,,,, بداية احب ابارك لسامي الجابر نجاح حفل اعتزاله واشكر الجمهور اللي حضر ونجوم الانديه الاخرى الذين شاكروا في المباراه. القرار الغريب من ادارة الهلال بتعليق رقم سامي الجابر اتمنى من كل قلبي ان يتم التراجع عنه لانه وباختصار تاريخ سامي اكبر من انه يعلق رقمه واظن الجميع يذكر عندما اعتزل ماجد عبدالله لاعب نادي النصر واقروا حينها بتعليق رقمه كيف كانت ردودنا عليهم وسخريتنا منهم فاتمنى من الاداره سرعت التراجع عن القرار لكي لاتجعلنا سخريه للاخرين وتمسح تاريخ سامي بهذا الفعل,وهذا رد احد الاعضاء على الموضوع في ادارة الاخبار: والله اني كنت اضحك على النصراويين يوم سووها وسبحان الله صار عندنا مثل ماصار عندهم وسوف نرى مايترتب على هذا القرار كما نرى الان بعض الجماهير تطالب بتعليق رقم يوسف الثنيان وغدا سوف ياتي من يطالب بتعليق رقم صالح النعيمه وبعد فتره طوووويله (ان شاءلله بعد عشرين سنه)سياتي من يطالب بتعليق رقم ياسر القحطاني ومحمد الشلهوب وسياتي من يطالب بتعليق رقم محمد الدعيع(على كذا خلصت الارقام وماعاد في ارقام للجيل اللي بعدهم) :d كان من الافضل ان الاداره تعطي الرقم للاعب شاب لتحفيزه وتشجيعه على عطاءه وانا هنا اقصد بالضبط اللاعب بدر الخراشي الذي وصفه سامي الجابر بانه هو خليفته في الملاعب واعتقد ان جميع جماهير الهلال ترى فيه ذلك فقط عليه ان يركز في التدريب والمباريات ,,وان يحميه الله من شر الاصابات التي لاحقته فتره طويله وباذن الله سوف يكون هو فعلا خليفة سامي الجابر. اسف على الاطاله ولكن هذا من حرصي على تاريخ الهلال وسمعة الهلال وتاريخ اللاعب الكبير سامي الجابر وسمعته. |
معاك حق وشكرا |
اتفق معك في عدم تعليق الرقم . . لكن الخراشي لاتعليق |
بالله اتخذوا القرااار خلااااااااااااااص ... اشوف ان مالها اي لزمه الفكره من اساااسها ... على كذا يقعد كل لاعب يحتفظ برقمه الين ما تخلص الارقام ونصير زي المروور كل سنه بشكل في اللوحات.. عموما .. سامي لاعب كبير وقدم الشي الكثير للهلال والمنتخب .. ورقم تسعه انا اشوووف انه لو ياخذه حتى الحارس او المدرب ما فيها شي ... شكرا على الموضوع وتقبل مروري |
الصراحة حركة مال امها داعي يعني الرقم حكر على سامي مايصير كذا وبعدين حنا كجماهير اخر شي يهمنا الرقم انشالله واحد ماله رقم ويبدع راح نحبه |
بكل العالم يعلقون ارقام الاساطير مثل مارادونا والرقم 10للارجنتين لكن انا بكل صراحة ضدها لانها فقدت اهميتها وصارت موضه بعد كم سنة بتخلص الارقام الكل اصبح اسطورة والكل بيتعلق رقمه حتى الرقم 17بيعلقونه واذكركم ما اظن اننا بتعليق الرقم 9بنكرم سامي ولا 15بنكرم الفيلسوف...تحياتي |
الف شكر للجميع على المرور واتمنى من الاداره سرعة التراجع عن القرار |
لا داعي لتعليق الرقم المشكلة أن رئيس الهلال أصبحت قراراته مثيرة للجدل خلال الفترة القليلة السابقة مما يؤدي إلى التشتت وعدم التركيز على البطولات مثل السابق أسأل الله التوفيق للهلال في البطولات القادمة</B> |
شكرا على المرور |
| الوقت المعتمد في المنتدى بتوقيت جرينتش +3.
الوقت الان » 07:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd