قال الرسول - صلى الله عليه وسلم -
"العهد الذي بيننا وبينهم الصلاة فمن تركها فقد كفر"

الناس هالايام صاروا متهاونين في الصلاة والعياذ بالله

ياخي المفروض نسوي مثل اوروبا الكراسي مرقمة مالك اللا تشتري التذكرة ورقمها على الكرسي تصلي وتخشع وتاخذ راحتك وتدخل الملعب قبل المباراة بخمس دقايق

انا حضرت اكثر من مباراه في استاد الملك فهد ,,

صحيح اني اشوف مثل ما قلت بس يا اخي الحل بسيط كل اللي يقول ان رحت راح عني المكان ولا يقول ما اقدر اطلع ,,

اذا كنتم جماعه يطلعو نصف الشباب والنصف الثاني يجلس .. يرحوون يصلون ويرجعون واللي بعدهم كذالك .. وانحلت القضيه ,,, او اذا رحت لحالك قل للي جمبك انه يحجزلك قله ابي ارووح اصلي , ويخلك ترووح ومكانك محجووز


وعلى فكره الحمد الله انا اذا رحت للملعب اشوف ناس كثيره ترووح وتصلي الحمد الله فيهم خير بس فيه ناس الله يهديهم

موضوع ممتاز وانشاء الله الكل يستفيد منه وينتبه للاهميه الصلاه في كل وقت ,,,

طيب احجز مقعدي اثناء ما انا اروح اصلي وابشرررررر باللي مايقطع فرض

ترقيم المقاعد حل ليس بكافي المشكلة بالتوقيت

الله يجزاك خير يا خوي على هالموضوع

لا نريد ان نتحدث ان الصلاه واهميتها فالموضوع لا يحتاج الى توضيح ما يهمني اننا كيف نخلي هالجماهير تصلي ممكن هناك طرق:

1- الاذان .........وبعد الاذان نطالب الجماهير بالخروج للصلاة عن طريق مكبرات الصوت لان النصيحة واجبه على كل واحد منا.

2- تسهيل عمليه دخول الجماهير للملعب مرة ثانية ( بحيث ما يكون هناك تفتيش) لان التفتيش يكون من الحاجز الخارجي وماله داعي نعيد التفتيش ونأخر الجماهير

3-بعض الجماهير خايف يروح عليه المقعد لانه جاي من العصر لذا المفروض ان كل تذكره لها مقعد مخصص...... ماهي فوضى من سبق لبق.......يجب نكون اكثر تنظيم.

4- يقول الله تعالى ( انك لاتهدي من احببت ولكن الله يهدي من يشاء). عشان كذا يخوي الواحد يحاول يحث على الصلاة وماعليه من الباقي.........( الجنة تبي والنار تبي) والله يصلح الجميع.

مشكور على الموضوع والمفروض انه يثبت لعل يلقون لها حل

انا احجزلك وتامرني امر بس تعال في احد المبارايات جنبي وابشر :)

يا اخوان الصلاة هي عمود الاسلام لا تتهاونون عنها

مباراة طز فيها اهم شي الصلاة

واللي يقول ما اقدر ومدري وش هذا مهما كان مو عذر

يعني افوت مقعد ولا افوت صلاة ؟؟؟

الصلاة تحاسب عليها لو فوتها والمقعد مهما فوته فيه مقاعد ثانيه ولا جب معك سجادة واجلس على الدرج او كلم اللي جنبك وخله يحجزلك المكان

انا وربي البيت ( واعوذ بالله من كلمة انا ) اذا جيت اصلي اكلم اللي جنبي سواء اعرفه ام لا والله انهم يحجزونه لي ولا واحد رفض

واللي يقول الامن يمنعني حذره بانه مسؤول عن الناس اللي ما صلت وخوفه واذا ما نفع في مكان عند البوابة افرش سجادتك وصل اهم شي ما تتركها

اذا الصلاة فرضت في وقت الحرب وهو حرب كيف بالمباراة ؟؟؟؟

جزاك الله خير يا الغالي لكن عندي سؤال : إذت الأمن رفضوا يطلعونك خصوصاًَ مباريات الديربي و النهائيات ؟

حذره بانه مسؤول عن الناس اللي ما صلت وخوفه واذا ما نفع في مكان عند البوابة افرش سجادتك وصل اهم شي ما تتركها

اذا الصلاة فرضت في وقت الحرب وهو حرب كيف بالمباراة ؟؟؟؟

جزاك الله الف خير
والله كلامك في محلها

أنت شرف لمنتدى الزعيم كثر الله من أمثالك و جعله في ميزان حسناتك .

شاكر للاخوه المتفاعلين مع الموضوع ولكل ماكتبتوه من إطراء ولكن نحن نبحث عن حلول ومن وجهة نظري

وكما ذكر احد الإخوان

ياجماعة الخير أن الحل

تأجيل إقامة المباريات لمدة ساعه على أقل تقدير بعد صلاة العشاء

عدم السماح بدخول أي مشجع قبل المباراة بساعه كاملة

وانتظر كل من لدية إضافة على الموضوع

خلها على ربك

اخوي عوافي عليك وموضوعك حساس جدا ويهم شريحة كبيرة من الرياضيين

الحمدلله الي يوجد ناس مثلك وامثال الشباب الطيبين في ردودهم تحس ان الخير موجود فينا

اخوي الحمدلله ماعمري فوتت صلاة ولله الحمد في الملعب ..

لكن هناك نقطة يجب ان نذكرها

وهي رجال الامن في الملعب لايتعاونون مع الجمهور في وقت الصلاة
فمثلا انا اتي للاستاد الدولي في الساعة الرابعة او الخامسة مساء واخذ محل ممتاز في الواجهه في منتصف الملعب وجالس مع اخوياي ومبسوطين

بعدها اذن المغرب نطلع واحد واحد مثلا عشان ماتروح اماكننا نصلي ونرجع

لما تروح للعسكري يقولك اذا طلعت ماراح تدخل؟؟!!!!!! هل نحن في دولة اسلامية؟ ام في دولة اوربية ؟؟!!

او احيانا يمنكحك يطلعك ولاجيت تدخل يقولك لا!!

عموما انشاء الله ان الوضع اعتدل لانوا في اعتزال الاسطورة سامي الجابر الحمدلله مامنعونا العسكر ابدا

لكن اخر مباراة اذكر صار فيها مشكلة هي اعتزال الكابتن الكبير يوسف الثنيان طلعت اصلي ماذكر والله هي المغرب او العشاء وكنا حاجزين مكان كويس انا وخويي بعد مارجعت قلتله انا طالع من عندك وبرجع ويطلع العصا بيضربني !! ماهذا ..:. الى متى !

ارسلني للدرجة الثانية جلست هناك جايني الهم والغم بدق على خويي الشبكة زفت انتظرت فترة حتى العسكري لهى عني شوي نطيت الشبك ورحت لخويي بالدرجة الاولى ..

لكن لمصلحة من كل هالمسلسل الطويل

كثير من من يحضرون للملعب من المراهقين وصغار السن فاذا حصله زي هالموقف ماراح يطلع يصلي

نرجوا التعاون من جميع جهاتنا الامنية والتوعية وقت الصلاة عن دخول وقت الصلاة وامر الجمهور كله بالصلاة ...

اسف على الاطالة لكن كلام كثير عندي حبيت اذكره وشكرا لكم !...