|
مع احترامي للجميع ... بس هذي هي الحقيقة!! صباح الخير لجميع الزعماء:) الكل شاهد الاعتزال امس وفعلا كان الحفل والمباراة ولا اروع:) انا من عشاق نادي الهلال طبعا منذو مبطي :) وبنفس الوقت من عشاق المانشستر يونايتد منذو مبطي:) الموضوع باختصار:) انا اعرف فريق المانشستر جيدا ومتابعهم سواء في الدوري الانجليزي او في دوري ابطال اوروبا:) بصراحه ومن وجهة نظري المتواضعه<== عشان لا يجي احد يقولي مندس:) واللي يبغى يقول مندس يشوف تاريخ تسجيلي بالمنتدى:) من وجهة نظري الشوط الاول فعلا كانت المباراة متكافئة والفريقين يلعبون بحماس!! مع العلم ان بعض نجوم المان ما لعبو صح خوفا من احتكاكات تجيبلهم اصابات:) وبنفس الوقت حسيت انهم ما يبون يبذلون جهد كبير عشان مباراتهم يوم السبت!! بس بصراحة الشوط الثاني كلنا شفنا الكم الهائل من التغييرات اللي صارت وبصراحة اكثر الشوط الثاني واضح ان المان يلعب من غير نفس! خصوصا ان وحش الدفاع ريو فيرديناند والاعب الملك اللي بصراحة نقطة تغيير في مستوى الفريق كريستيانو رونالدو طلعهم المدرب بالشوط الثاني!! يعني يلعبون باقل مجهود وما كانو متوقعين يجيهم هدف!! حتى واين روني اللي المدرب ريحه للشوط الثاني عشان يحفظ ماء وجه الهجوم بمساندة زميله البرتغالي الشاب ناني طول الشوط وهو يلعب كانه بتدريب ما ادري وش السبب!! بعد الهدف شدو حيلهم في سبيل تعديل النتيجه بس اللي صار اللعبة انتهت:) @@ GAME OVER @@ ما اطول عليكم:) اللي ابغى اقوله باختصار ان لو تقابل المان والهلال ببطولة رسمية وطبعا هذي ما رح تصير الا ببطولة العالم للاندية اللي ان شاء الله الهلال يتاهل لها :) اكيد المان بيلعب بتشكيلة اساسية طوال المباراة بدون استهتار واستهبال!! قبل لا احد ينفخ ما راح اقول ان النتيجة بتكون تاريخية لان مستوى الهلال امس كان رائع:) بس للاسف الهلال بيخسر المباراة بغض النظر كم النتيجة:) اتمنى تتقبلو وجهة نظر عاشق للهلال والمان ويعرف الفريقين:) بالنهاية مبروووووووووووووك فوز الهلال وبالتوفيق للخراشي:) قفلة: امس لاعبين الهلال اللي انهو المباراة:) يعني لاعبين الفرق الثانية اثبات وجود:) ما كان لهم اي تاثير واضح بالمباراة باستثناء هوساوي وهو اصلا هلالي:) وما ننكر ان نور كان له بعض اللمحات بس ما كان بمستواه:) يعني المهم الهلال فاز على المان بلاعبيه الابطال:) تحيواتي المغلفة بوجهة نظري اللي شكلي بنجلد عليها:d لاني عارف بعض عقليات اللي بالمنتدى:) |
إقتباس:
ولكن القصد من الاحتفاليه الحاصله انك هزمت فريق كبير بغض النظر عن المناسبه المانيو من افضل فرق اوروبا واعتقد من حقنا كهلاليين التغني بالفوز على مثل هالفريق حتى لو كانت مباراة اعتزال استعراضيه لأن مثل هالأمور التاريخ ماينساها والدليل الأهلي المصري لما هزم الريال بكامل نجومة بقيادة الأسطوره زيدان ليه ماقلنا مثل ماتقول انت الحين ؟ |
فيردنل يوم كان جاب الهلال هدفين و يوم طلع جاب الهلال هدف يا حبيبي مافي نادي يبغى يخسر ولو انهم يلعبون بدون نفس وماهو هاممهم النتيجة ليش كلهم و قفوا يوم ركلة الجزاء حقتهم و زعلو يوم طلعت واكيد شفت ردت فعل تيفيز و غيرة بعد هدف الخراشي يا حبيبي الهلال لعب احسن منهم و غصب عنهم |
أكيد كلامك صحيح 100% وبعدين المانيو يفوز على الليفر والبلوز ماتبيه يفوز على الهلال ؟؟ أكيد هم مريحين أمس !! |
اكيد ان الفريق إذا لعب بكامل لاعبيــه بيفوزون ... اهم شي امتــاع المشــاهد ... ومانشــستر فريق غني عن التعريف .. |
اخوي رحال: كلامك صحيح 100% وانا ما انكر هذا الشي:) انا وجهة نظري موب بالنقطة ذي:) اكيد لنا الحق نحتفل لانها بتتسجل بالتاريخ غصبن عن الكل:) اخوي الهلال_الزعيم فيرديناند من افضل المدافعين بالعالم ان لم يكن افضلهم!! واكبر صفقة انتقال مدافع كانت صفقته يوم ينتقل للمان!! والله فيرديناند كان محجر لياسر وسامي !! ولو شفت الشوط الاول بتلقى انه لو ماكان موجود كان صار اكثر من اللي صار:) والبلنتي حق سامي ما رح اعلق عليه:) بس الحين شف تفاريس والمفرج!!! اذا ابدع تفاريس طول المباراة ويجي المفرج ينكبنا بهدف او هدفين!! هل بتقول انا خسرنا بهدفين وتفاريس موجود!! مع اني ما احب انتقد المفرج لانه لاعب فدائي .. بس عليه طلعات غبية:) ولو كان فيديتش جنب فيرديناند بالشوط الاول كان الهلال بيكون بوضع صعب!! وبالنسبة للبلنتي حقهم لو قريت موضوعي جاوبت على سؤالك:) إقتباس:
هذا قصدي ... انهم حاولو يتداركو الهزيمة عشان سمعتهم!! بس بعد ايش خلاص الطيور طارت بارزاقها:) مشكور على مرورك ولا تزعل مني انا والله احلل المباراة بمنطقية وبس:) اخوي ملك ايطاليا:)ردك ما يحتاج تعليق وتحليل واضح وصريح:) مشكور على المرور:) |
إقتباس:
إقتباس:
ودعائي لك بالشفاء من اللاوعي الى الوعي |
لاتعليــــــــــــــــــــــق |
اخوي بالعقل هي!!!مانشستر يهزم نفسه بالسعوديه ويفوز بالصين وكوريا واليابان وش الهدف؟؟ فريجسون مايرضى على تاريخه ان يكون فيه هزيمه من فريق سعودي بعدين انت تقول الشوط الثاني لعب مانشستر بتشكيله اكثره احتياط!!! من قال لك ان المرشدي ولا الخراشي ولا فهد المبارك ولا فهد الشمري ولا العنقري اساسين بالهلال؟؟ |
انا معاك الاعبين الغير هلاليين ماكان لهم ذاك الدور البارز بس الحكم ماقصر بلنتيين من نسج الخيال ما اتوقع احد يقول أن الحكم كان صائب بقراره.............. تحياتي |
اخوي المشراق:ما رح ارد عليك اختصارا لكثر الكلام والمشاكل:) اخوي ss_400 انا ما قلت ان مانشستر لعب بتكيله اكثره احتياط ما ادري من وين قريتها!!! بالعكس اصلا تشكيلة الهلال بالشوط الثاني كانت مليانه من الاحتياط اكثر من تشكيلة مانشستر:) انا اللي قلته ان المان كان يلعب من غير نفس وكانه راضي بالتعادل:) او يعني يحاول يجيب الثالث باقل مجهود!! يمكن عشان شافو الهلال بدل كل لاعبيه واستهترو بالفريق الهلالي:) يوم جاب الهلال الهدف الثالث تورطو وما امداهم يعدلون!! وبالنسبة للنقطة اللي ذكرتها بخصوص كوريا والصين او الجولة الاسيوية عموما:) وقتها هم اصلا جايين عشا يستعدون لبداية موسم:) يعني ما عندهم اي ارتباطات جايين يرفعون لياقتهم!! بس مباراة امس وسط الدوري عندهم وبينهم وبين ارسنال فرق نقطة!! يعني موب لازم يخسرون اي مباراة:) وهذا اللي ذكرته بموضوعي انهم يلعبون باقل مجهود:) تجنبا للاصابات ... والارهاق عشان مباراة يوم السبت حقتهم:) اتمنى تتقبل كلامي وان وجهة نظري وصلت لك :) |
الهلال ايضاً لعب الشوط الاول بصف والشوط الثاني بصف مختلف وذكرت اخي الفاضل ان المان يونايتد يلعب "بدون نفس" كلام خاطئ مهما كانت "سمعتهم" عندهم اهم شي لكنهم استهانو بالهلال اغلب لاعبين المان يونايتد ماتدربو يوم الاحد وهذا ليل الاستهانه والتقليل من الهلال وهزيمة الهلال لهم كانت غير متوقعه وهذا واضح على لاعبين المان يونايتد يلعبون وهم متنرفزين وفي الاخير استطاع الهلال "هز" سمعت مانشستر يونايتد |
اوافقك على الرأي |
اخوي اذا كنت تقصد ان المان لعب الشوط الثاني بالصف الثاني حتى الهلال لعب بلاعبي الصف الثاني في الشوط الثاني |
ريانة الهلال & ماجد 11 شوفو ردي على اخونا العضو ss_400 بتعرفون اني ما قلت هالكلام:) اختي ريانة الهلال:) الاعبين اللي ما تدربو يوم الاحد هم الاعبين الاساسين لانهم كانو لاعبين يوم السبت مباراة بالدوري الانجليزي يعني ما يحتاج تدريب:) طيب انا بقولك شي :) انا من الساعة 4:30 بالملعب يوم المباراة ليش يوم المباراة كل لاعبين مانشستر نزلو للملعب يتدربون وفريق الهلال ما نزل ولا واحد منهم بس الحراس الدعيع والشمري!! هل نقدر نقول ان الهلال يقلل من قيمة مانشستر ... طبعا لا:) لكن زي ما قلتي هم استهانو بالهلال يوم شافو الشوط الثاني تغير الفريق كله:) حاولو يفوزو باقل مجهود وتورطو وما مشت معهم وهذا اللي انا ذكرته بعد:) يعني لو تفكرين فيها شوي بتلقين كلامي قريب من كلامك:) اخوي المرعب : مشكور على مرورك:) |
اصلاً موضوعك ماله داعي وكلنا عارفين مانشستر انه افضل من الهلال وان المبارات لو كانت مهمه ما راح نفوز لكن مقارنت مبارات اعتزال بمبارات رسمية هذا هو الخطأ بحد ذاته على العموم شكراً ولعاد تتعودها :) |
مانشستر كلان جدا مستهتر وجات على روسهم |
1 2 3 وسراى الليل يبو ثلاثه :naughty: |
طيب وشفيك معصــب !!! لاتحاول لايمين ولايســار الزعيـــم فــــــاز |
اخوي الجابر عشقي مدري سرى الليل يبو ثلاثة:) صحيح اني كنت اصفق لكل هجمة مانشستراوية كما هو حال الجمهور:) بس والله اني استانست ان الهلال فاز لاني ما كنت متوقع يفوز:) اخوي دبليو اي تي :) كلامك على العين والراس:) وخلاص اخر مره:) اصلا ما في امل اتعودها لان سامي ما في امل يعتزل مرة ثانية:) اخوي samt10:) بقولك نفس الكلام اللي قلته للمذكور اعلاه:) ومن جد اللي استانستله اكثر ان الخراشي اللي جاب قول:) لاني احترم هالاعب ومتاكد ان له مستقبل كبير مع الهلال:) |
:dتبون الصراحه............ الهلال قدم مستوى حلو الشوط الاول خاصه الفنيات.. واللمسات... خاصه من طارق التايب يوم كان قدم كرستيانو.. وناظر يسار بعدها حطها يمين وكرستيانو جالس يناظر مو مستوعب:d الشوط الاول ممتع جدا وبصراحه كرستيانو بهدفه الاول دعس دعسه مو طبيعيه انبرش عليه تفاريس يحسبه من لاعبين النصر يقاله بيقطع الكوره منه:d والبرتغالي يمشي مليون وينقز وينقز الكوره معه ويخلي تفاريس يسوي حادث مع نور:d:d والسالفه كلها اعتزال يعني اللاعبين ماخذو الجديه والله لو انهم جادين اقل شيء تكون النتيجه 7 صفر لصالح مانشتر طبعا:d |
هلالي وبس 2000بصراحة وصفك للهدف وصف رايق :) ما فكرت تصير معلق:) مشكور على المرور ... و 7/0 قوية :) مع انهم سووها مع روما ... بس اتوقع انها قوية:) |
كلامك عين العقل 100% |
ياااخي مع احترامي لك ،،، لكن هارد لك يالمنشستراوي وباذن الله نعيدكم ثانية وفي الرسميات ،،، وباي حق تقلل من فوز الهلال ؟؟؟ قبل المباراة الكل يقول الله يستر من 5 صفر ،،، وفي الملعب الكرة تخدم من يخدمها ،،، لاعب يستهتر ويلعبون عالواقف بينما رجال الهلال ونجومه يقاتلون ويسحبون ويلعبون بثقه : ) ،،، ورايك هذا مع احترامي لك رح قله عند أطفال يقتنعون به ،،، أما اصحاب العقول ،،، حنا فزنا بجدارة ،،، وسجل ياتاريخ الماانيو يخسر من الهلال ،،، |
اخوي مدري وش اقولك لك بس التاريخ سوف يذكر انه الهلال انتصر على المان و اتوقع انه المباراه هذي صح استعراضيه لكن اتوقع انها تحسب من ضمن التاريخ الا اذا كان امس بدون تاريخ بحكم انه سامي اعتزل ولا نحب نذكر تاريخ المباراه اخوك نايف الصالح |
اخوي A.N.A 1407 انت قلتها يلعبون وهم يستهترون وعلى الواقف!! والمباراة انتهت 3/2 !! يعني لو ما لعبو على الواقف وش بيصير؟! وبعدين التاريخ بيسجل غصبن عني وعنك:) واذا انت ما تبغى تعترف ان مانشستر اقوى من الهلال شي راجعلك:) بس ما فيه داعي الورعان يخشون بالنص ويقطون معنا:) |
اخوي مدري وش اقولك لك بس التاريخ سوف يذكر انه الهلال انتصر على المان و اتوقع انه المباراه هذي صح استعراضيه لكن اتوقع انها تحسب من ضمن التاريخ الا اذا كان امس بدون تاريخ بحكم انه سامي اعتزل ولا نحب نذكر تاريخ المباراه اخوك نايف الصالح |
طيب ياخوي حتى الهلال غير الفريق كامل ماهو بس مانشستر بعدين الهلال جميع اللاعبين الاساسيين خرجوا لكن مانشستر بقى فيه ناني وروني وفليتشر ماطلعو |
صادق بكل اللي تقوله أمس ما كانوا يلعبون زين وخايفين من الإصابات ولا كانوا يبون يبذلون هذاك المجهود الكبير اللي يبون يفوزون ولكن يبقى ان الهلال أبدع امس وكان ند قوي للمان لاهنت أخوي |
ياخي ترا الكوره مافيها شي اسمه مستحيل حنا ننهزم من نجران ...الحين حنا هزمناهم <---لحد يفهمني غلط بس هذي الحقيقة |
8 88 8888 8888888 داري ان ما فيها مستحيل والهلال والله امس مستواه روعه وكان منافس للمان:) بس المشكلة انكم ما تبون تقتنعون ان المان موب هذا مستواه:) المان قبل لا يجي الرياض باسبوع هزم نيوكاسيل 6/0 وال 6 اهداف جابها بشوط واحد!! والموسم الماضي بدوري الابطال هزم روما 7/1 !!! |
كلامك ياخوي انت والهلالي وبس2000 عين العقل والله لو الدعوجد تحت 7 صفر مافيه المباراة اعتزال وفريق اللاعب المعتزل هو اللي يفوز مثل العين على اليوفي والاهلي على الريال وهكذاونتمنى القليل فقط من العقلانيه من بعض الجماهير ووداعا ياسامي |
مشكور بس ما اعتقد ان كلامك صحيح .. كل واحد يبي الفوز ما يبي السمعه تصير دمار الله يعطيك العافيه على الموضوع |
لكل واحد وجهت نضر بس والله لو لعب المان كان ماشفناء فاندرسار .. |
:nono: إقتباس:
لا تنسى الذياب والغنام والبرقان اما على لاعبين الفرق الثانيه انهم ما قدمو شي اتمنى ترجع للمباراة وتشوف خصوصا محمد نور ولا تخلي كررهك للانديه الثانيه يققل من مجهودهم :nono: |
إقتباس:
|
كلام سلـيم .. بس انت عارف ان المـان ودهـم يفوزون وما لعبوا من غير نفـس ..! |
أخوي نحترم وجهة نظرتك اللي للأسف تشااااااااااؤمية بس أسمحلي ترى الزعيم برضو فريق كبييييييييير واذا لعبوا بروح الفوز صدقني يااااااااما سووو العجائب ... (طبعا التاريخ يشهد) ومايسمح المجال لسرد بعض هذي العجائب والابيصير موضوع جديد موبرد سريع . عموماُ كلامك فيه نوع من الواقعية بس أنا شفت المباراة بمنظور آخر . صحيح كان هناك بعض الاستعراضات في بعض فترات المباراة بس ماأعتقد ان الانجليز جايين عشان ينهزمون مهما كان الثمن ؟ (خاااااصة اذا عرفت تاريخ الحب القديم الذي يكنه الانجليز للعرب على مدى العصور ؟؟!) أرجوا اني ماضايقتك بمداخلتي وتقبل مروري ودمت بود |
الشوط الأول كان الاستعراض مخيم على الجو من كلا الفريقين يكفي ان نور ناول الكوره لسامي قبل لا يصير البلنتي بكعبه !! هذا غير بعض الكوباري اللي لقمناها للعيبة المان اما الشوط الثاني فمانشستر لعب بقوووة عشااان " سمعته " وبعدين ما في فريق يرضا انه يخسر حتا لو على مباراة وديه او اعتزال وبعدين من شروط العقد اللي بين الهلال ومانشستر ان المانيو يلعب المباراة على انها ودية مو على انها مباراة اعتزال شايب يبي يسجل قول ويطلع !! واذا على ان المانيو لعب بالرديف حتى الهلال لعب بالرديف واثبت الهلال ان رديفه افضل من رديف مانشستر معليييييش يابووو كثااار اللي يحبون مانشستر وانا منهم بس الحق حق واذا تبي دليل زيااده شف خشة تيفيز يوم جا الهدف الثالث.. او شف كريستيانو وش سوا يوم ضااع بلنتيهم .. فلا تقولي انهم ما لعبوا وتسوي زي النصراويين "دفعتولهم فلووس عشان تفوزون عليهم ":d |
شي معروف.. وما جبت جديد.. أصلا هي احتفال.. يعني طبيعي انهم يلعبون باستهبال.. ولكن في آخر شي.. كانو يحاولون يعوضون بس ما قدروا.. واصلا لو تجمع منتخب آسيا .. ما جا على مستوى مان يونايتد |
إقتباس:
والدليل لما ضاعت ضربة جزاء المان يونايتد ليه الاحتياط مسكوا روسهم وبالتحديد كريستيانوا رينالدوا دام ان المبارة ماتهمهم ليش قاموا الاحتياط لما ضاعت ضربة الجزاء واولهم مدربهم وارجع للمباراه ترى كل شوي الارتي وقناة مانشستر تعيدها وتأكد ان المسألة مسألة تاريخ وارجع للشوط الثاني لما غير ودخل احتياط المان يوناتيد عشان يشوف لعبهم بس ماقدروا يثبتون جدارتهم لان الخراشي خرشهم بهدف تاريخي انهى المباراة.... اخيرا احنا نعرف انك هلالي ولكن مشكلتك تذهب لمنتديات متعصبه ضد الزعيم ونجومه وتقلل من شأن الاعتزال لدواعي لااعرف اسبابها وتتأثر فيهم وتنقل مايرددون يااخي الكريم نحن في شبكة الزعيم لسنا متعصبين ولكن لتفهم شئ واحد الهلال هزم المان يونايتد وبوجود نجومه سواء لعبوا بمستواهم ام لم يلعبوا لأن المبارة للتاريخ ويكفي ان عشاق المان يوناتيد في انجلترا شاهدوا المباراة على قناة المان يونايتد وعرفوا الهلال ولاعبيه وهدف الخراشي التاريخي الذي وضع علامة الدهشة وهي احمرار في وجنة الوجه.. والتي انتهت بهزيمة ان لعبوا وان لم يقدموا تبقى هذه المباراة في ذاكرتهم...والمدرب لما دخل الاعبين في الشوط الثاني كان يريد ان يرى مستواهم بس مستواهم ضاع في توهج الزعيم وابناء الزعيم سلطان البرقان وبدر الخراشي وسعد الذياب والمبدع عبدالله الزوري والمرشدي وفهد المبارك ونامي والعنقري والغنام الم ترى ثقتهم وهم اول مرة يلعبون امام فريق بنجومة يحضر ويهزم اما ملايين عشاقة الذين شاهدوا المان عبر شاشتهم..سواء لعبوا بمستواهم ام لم يلعبوا يكفي ان تهزمه بنجومه... :) |
ياشباب بصراحه انا هلالي منذ 16سنه يعني تاريخ يعتبر جديد بحكم كبر سني هههه المهم يعني بصراحه انا اتكلم مو اني متحفز او يعني ما احب الفووووز للهلال او انو مايصير انجاز بس بل العكس انو انا ااول واحد يعني بل العقل هل في اعتزال سامي تبووووووون الهلال ينهزم معرووووفه هاذي في كره القدم فريق اللاعب المعتزل او الي يلعب فيه مايخسر زي جورج ويا يوم لعب معى نجوووووووم العالم سجل هو الوحده اربع اهداف ويوم جا في نجوووووم العالم سجل ثلاثه اهداف وطلع يعني انو في اعتزال اللاعب شي طبيعي انو الفريق ماراح يخسر ولا ودي انو الهلال يفوووووز حتى بكاس اوربا بعد معى اني اشجع الشياطين الحمر لاكن هذا الواقع ولا بد انو نتعرف فيه ولا ينضحك علينا بصراحه بهل السهوووووووله ولا اتمنا ان الهلال يفووووز بس اهداف لاكن الواقع واضح انها مبارااه اعتزال وليست وديه ..........! |
8 8 انتر ميلان صك البحرين ستة صفر.. والكويت تعادلت مع مصر في اعتزال وبران لاتألف من المنتديات المتعصبة الاخرى.. رجاء لانقبل الا الكلام الذي يعقل.. والمسألة ماهي عناد الا اقول انت صادق.. |
بغض النظر عن المناسبــة من حقنا إننا نتغنى بهذا الفوز على فريق كبيـر مثل الـ م ـــان |
ايها العقلانيووون وكل من يشاهد هذا الموضوع كفانا نقل للمنتديات الاخرى المتعصبه كفانا تأثر باقولالهم واكاذيبهم ان كنتم فعلا تريدون التفكير بعقلانية حياكم على هذا الرابط http://vb.alhilal.com/showthread.php?t=525637 |
يازينكم وانتوا ساكتين |
| الوقت المعتمد في المنتدى بتوقيت جرينتش +3.
الوقت الان » 11:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd