والله قهر قهر

مباراه في القمة ... تاريخية ...اعتزالية .... بطولية يقودها فارس هلالي

عشقناه وكما قال انا احبكم لاعبي المحبوب سامي الجابر

مباراه
يحتكرها صالح كامل بقنواتة الخائسة ART

احترك كأس العالم واحتكر الدوري السعودي ويواصل دنائته ليحتكر اهم مباراه تاريخية

لعشاق وجماهير الهلال وهي مباراة اعتزال لاعبنا الغالي سامي الجابر

يا اخوان الهلال حبه يجري في دمي واهم مباراه لاهم لاعب عندي يحكترها هالمصري المتسعود
وربي لو هو سعودي اصل وفصل ماكان حرم جماهير الهلال السعودية من هذه المباراه الوطنية
وماكان حرم الجمهور السعودي من الدوري السعودي ومتابعته
لكن شغل مصارية وهمه الفلوس وبس وطز في الجماهير الهلالية والسعودية
لييييييييييييييييييييييه لييييييييييييييييييييييييه

وربي كنت اشوف المباراه ولقطاتها من خلال صدى الملاعب وانا كلي قهر

اشوف فريقي اشوف اللاعبين وانا كلي قهر تمنيت اكون في الملعب لكن الظروف وبعد المسافة

وانا في منطقة جدة حرمتني الذهاب حاولت التعويض اشوفها بالتلفزيون

اتفاجأ انها مشفرة !!!!! مافي لاسعودي سبورت ولا هم يحزنون

حسبنا الله ونعم الوكيل على من حرمنا هذه اللحظة التاريخة لهذا اليوم التاريخي

والله من جد قهر
جلست اسال قبل المباراه يقولوا مافي مشفرة
يا اخوان مباراة وطنية سعودية هلالية قالوا لاتحاول مشفرة مشفرة
على عوض همه الفلوس بس مايعرف شيء اسمه وطنية
حسبنا الله ونعم الوكيل بس

هذا أبو رفق عند الفلوس ما يعرف أحد

ياحبيبي يالي تتهجم على الاي ار تي
صدقني لو تابعت المباره بكل ابداعها على قنواتنا الرياضيه السعوديه انك لتقفل التلفزيون من الملل
تعرف ليش
لانه عندنا قناه واحده وليس بها امكانيات لاكاميرات ولا محللين ولا نقل ولا احتراف في النقل
المذيع يجيك كنه يقراء نشرة اخبار
انت يوم تتابع الاي ار تي تشوف ناس تستحق انك تتابعه خمسه محللين
شغل من بعد الظهر متواصل
ماتبيهم يحتكرونها
ياخي اشترك ولا تسب الناس عقب ماطلعوا الحفل باابها صوره تتكلم فوق ذالك
والله شهادة حق ان الفلوس الي تدفعها بالاي ار تي قليله بحقهم
ولو انا مالكها لخلي الكل يدفعون لي اكثر
لانهم ناس يتعبون
يعطونك شي يستحق المتابعه دون روتين ولا تكلف

هذا رايي ولكل شخص راي

أخوي بعض الريسيرفرات ما تقبل البطاقات مثل الشوتايم أو art

ترى ديتها 600 ريال حيث يوجد ريكوردر يفتح المشفرات كلها بما فيها art بمجرد شبكه على الانترنت فقط !
والطريقة سهله وميسرة !
وريح بالك وخلي صالح كامل ياكل تراب وانت محشوم !!

ياجماعة الخير انا لاحق قنوات فضائية ولاهم يحزنون اقوم اشترك معاهم وانا ما اتابع الا بالنادر ليش ؟
مباراة زي هذه وطنية على الاقل يخلوها مفتوحة للجميع او على الاقل البث الارضي السعودي
لكن مافي تقدير للجماهير الرياضية السعودية

انا والله حظرتها في الملعب بلا اي ار تي بلا هم

القناه ارتي افضل بكثير من القناه الرياضيه كيف تبونها تنقلها
طيب الله يهديك ليه مارحت اقرب مقهى وعينت من الله كل خير ان وربعك الغالين والهلالين

القناه السعوديه ياليتها تنقل الدوري زين
وانت تبي تنقل مهرجان عالمي وتاريخي


دمت بودهـ

والله الارتي ماقصروا ولهم حق انهم يشفرون المباراة على التعب والشغل اللي هم مسوينه

كاميرات كثيره تصوير واخراج اكثر من رائع تميز في التغطيه كيف ماتبيهم يشفرون؟؟

بغض النظر عن صاحبها احتكارها للبطولات وتميزها في النقل يعطيها الحق وليش لا وهي دافعه فلوس؟؟

معليش يااخي حكم عقلك وخل قناتك الجميله والمسماه سابقا بالذهبيه تدفع فلوس وتنقل المباراة؟؟

بعدين عندك المقاهي مايحتاج شاشات كبيره ومكان حلو وجده ماشاء الله مايحتاج تنوع في المقاهي؟؟

تحياتي

اخوي

لاتسب الاوادم مهما كان مصري سعودي تراهـ ابن ادم

هذا حقه هو دفع ملايين عشان يحتكرها يحق له

المفروظ ماتهاجمه تهاجم الجهه اللي باعت له المباراة

ماقصرت ارتي
خير تغطيه لسامي وتاريخه

وياحبيبي ياللي زعلان من تشفيره للمباراه
تراهم مشترينها بفلووس

اذا بتعاتب عاتب القناه السعوديه الرياضيه
ليش ما اشترت حقوق البث ؟؟؟؟؟؟؟؟؟

إقتباس الرسالة الأصلية كتبت بواسطة المحمــدي ماقصرت ارتي خير تغطيه لسامي وتاريخه وياحبيبي ياللي زعلان من تشفيره للمباراه تراهم مشترينها بفلووس اذا بتعاتب عاتب القناه السعوديه الرياضيه ليش ما اشترت حقوق البث ؟؟؟؟؟؟؟؟؟

والله صدقتم يا اخوان انا لو بعاتب المفروض العتب على القناة السعودية الارضية

اخي العزيز ...

الاي ار تي الي انت تكلم عنها وتقول انها خائسه

القناة الخامسه للآي ار تي باديه من الساعه

الواحد ظهراً بتوقيتنا

بجميع كوادرها ومذيعينها وضيوفها

حيث تعاقبت ثلاث استديوهات

تحليله على تغطيه احداث حفل الاعتزال

من الساعه الواحد إلى الساعه الثامنه وقت المباراة

فبالله قناتكم الذهبيه تفعل ربع ذالك

من اجل الذيب سامي الجابر

لااعتقد .....!!!