|
العضو(......) .... الف شكرا لن توفيك حقك:) هلا وغلا شباب :) انا النشبة اللي لي يومين ناشبلكم ابي تذكرة:) راسلني واحد من الاعضاء ما ابي اقول اسمه منعا للاحراج عشان ما اسببله مشاكل مع اعضاء ثانيين:) وعشان ربي يكتب له الاجر كله .. على قولتهم لا تعلم شمالك ما تنفق يمينك:) وفعلا ما قصر وقالي ابشر التذكرة عندي انا ادبرها لك :) واتفقت التقي معه اليوم:) والله والله والله اني فرحت بمكالمته اني بحضر المباراة:) من جد والله انه يستاهل كل خير والله يقدرني واردها له:) عاد انا كنت ناوي والله اروح للملعب اليوم وعندي حلين!! الاول: احاول برجال الامن اللي عند البوابة انه ياخذ حق التذكرة كاش كنت بحاول اقنعه اني ما ابيهم ينصبون علي وعادي خذ الكاش كني معطيك تذكرة زي باقي الناس:) واذا ما وافق كنت بتجه للحل الثاني المتوحش وهو:d اني اروح لواحد من الباكستانيين او ابو يمن حقين السوق السوداء واخذ منه تذكره واعطيه حقه الاصلي بدون زيادة او تدبيل للسعر وبعدين اقوله امش انقلع واروح اذا لحقني والله كنت ناوي افرشه واتوطا ببطنه اقوله كان فيك خير خذ مني ريال زيادة بس الحمد لله الموضوع انحل بدون عنف ومشاكل:) وترى والله اني جاد اي احد ما لقى تذكرة يراسلني على الخاص وبعطيه رقمي هو بس يوصل الملعب يكلمني والله لا افزعله واخليه ياخذ التذكرة من السوق السوداء بسعرها الاصلي واللي موب عاجبه والله لا افرشه واخليه يندم على اليوم اللي فكر فيه يستغلنا :) الله يوفقك يا طارق <== ما يبي يقول اسمه ابد:) لا جد هذا اسمه الحقيقي موب اللي بالشبكة ويجزاك الف خير زي ما دخلت الفرحة لقلبي:) يا الله يا كريم ان ربنا يرزقك اللي في بالك:) |
ماقصر والله يعطيه العافيه |
ماقصر يعطيه العافيه |
كفووووووووووو ياطارق والله انك ذيب |
ما يقصر مع أي واحد |
مشكورين جميعا على الردود واتمنى انكم تدعوله:) <=== مستانس مرررررررررررررررررررة:) |
هذي عادات جمهور وأعضاء الزعيم !! جزاء الله الأخ الكريم .. ( تكفون لا تفشلونا اليوم ) :) |
ماقصر الرجال وربي انه كفو... |
اي والله ما قصر:) والله اني فرحت بمكالمته ومن جد اهل الزعيم ما ينخاف عليهم:) تحياتي للجميع:) |
يعطيه العافيه طارق وبصراحة نفتخر بتواجد هالأشخاص الطيبة واللي معدنها طيب وهذا ان دل فانه يدل على مدى حسن تربيته الله يوفقه <<< مستانس انك تبي تجي ههههههههههههههههههههههه |
اما حلولك .. ما يحتاج .. |
مبروووك يالغلا والله يجزاهـ خير وويوفقه |
كفووووووووو .!..!..!!! |
يعطيه العافيه والله والنعم |
اهم شيئ انك تحظر والله كنت شايل هم هالتوقيع وفراش مانشستر وحبك للهلال ولا تحظر وابناء الزعيم دائماً ما يقصرون :-) |
| الوقت المعتمد في المنتدى بتوقيت جرينتش +3.
الوقت الان » 01:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd